Elōg-Kɔlínto 1 6:19 - Esaa-líat ɛ́ péná

¹⁹ Ɓaá, miní ŋgá yí ɓé tɔ ki nɛ̄ nyuú yāná ɛ lɛ ndáá-ecɛ́ŋ nyí M̀búl Mpúán, nyɔ́ a ŋga sɔ́le la Ɔlolómɛ̄ ndí ɔ tɔ́ɔ átē wāná é? Ɓaá, miní ŋgá yí ɓé nɛ miní sē ɓé ɓɛ̄ɛ́n bí ɓɛ́nɛ-mɛ̄n é?

Elōg-Kɔlínto 1 6:19 ပူးပေါင်းရင်းမြစ်များ

Yohánɛs 2:21

Ndí ndáá-ēcɛ́ŋ-Ɔlolómɛ̄ Yésus a ŋgí pɔ́tle ɛ ɓɛ́ɛ́ ja nyuú yɛ́ɛ̄ nyɛ́-mɛ̄n.

Elōg-Lóma 8:9

Ndí ɓɛ́nɛ, miní sē ɓé á sí likanʼyɛ lí míson, miní lɛ́ á sí likanʼyɛ lí M̀búl Mpúán, kasig M̀búl á Ɔ́lolómɛ̄ á lɛ́ átē wāná. Nyɔ́ la nyɔ́ ah byɛ́ɛ́ ɓé M̀búl á Nyɔ́-a-Pɔ́hlɛ, a sē ɓé mut a Nyɔ́-a-Pɔ́hlɛ.

Elōg-Kɔlínto 1 3:16

Ɓaá, miní ŋgá yí ɓé nɛ nyúū yāná ɛ lɛ̄ ndáá-ēcɛ́ŋ-Ɔlolómɛ̄ é? La ki nɛ́ M̀búl á Ɔ́lolómɛ̄ á tɔ́ɔ á átē wāná é?

Elōg-Kɔlínto 1 6:13

Yé ɛ́ ŋga díéɓɛ ɛ́ lɛ́ ányúū libum, libum ki lú ɓɛ́ ányúū yé ɛ́ ŋga díéɓɛ, Ɔlolómɛ̄ nyɛ́ ag kɛ li manɛ lí yé ɛ́ ŋga díéɓɛ, a mánɛ́ ki libum. Ndí, nyuú ɛ sē ɓé ányúū mpuŋgú á ndeŋg, ɛ lɛ ányúū Nyɔ́ŋ-Ɛsáŋɛ́, Nyɔ́ŋ-Ɛsáŋɛ́ ki ɔ ɓɛ́ ányúū nyuú.

Elōg-Kɔlínto 1 6:3

Ɓaá, miní ŋgá yí ɓé nɛ ɓɛ́hɛ biíg kɛ li kááhɛ lí áŋgɛl é? Kí ɓa kááhɛ́ hɔ́ áŋgɛl, ɛbuu-la-ŋgele yáŋvéé la mam mí yé eniŋ é?

Elōg-Kɔlínto 2 5:15

La ki nɛ́, Nyɔ́-a-Pɔ́hlɛ a wú ányúū ɓot bísɛ, á lí ɓɔŋ nɛ́ ɓá bí lɛ́ á éniŋ, bíh niŋíg ɓé pɛ ányúū yāɓá ɓɔ́-mɛ̄n, ndí bí nīŋ ja ányúū nyɛ́ mut a wú, la nyɛ́ ɔ pāhyé ányúū yāɓá.

Elōg-Kɔlínto 2 6:16

Ɓaá yéé ndáá-ēcɛ́ŋ-Ɔlolómɛ̄ la bisát bí byɛ́ɛ̄ élɔŋ é? Á mbálɛ, ɓɛ́hɛ bi lɛ ndáá-ēcɛ́ŋ-Ɔlolómɛ̄, Loó lí éniŋ ákaa nyɛ́-mɛ̄n a ŋga pɔ́t nɛ́: «Mag kɛ li tɔɔ á póla yaɓá, mi wɛ́ɛ́ ki la ɓɔ́, mag kɛ li ɓɛ́ lí Lōó jáɓá, ɓɔ́g bí ɓɛ́ lilóm jáma.»

Títo 2:14

Nyɛ́-mɛ̄n nɛ́ a tí éniŋ yɛ́ɛ́ ányúū yāhá, ányúū li kɔpɔ lí ɓɛ́hɛ á míɓē máhá mísɛ, la li púɛ lí ɓɛ́hɛ nɛ́ bi ɓɛ́ lílōm jɛ́ɛ́ la nɛ́ bi ɓɛ́la akwáá á lí ɓɔŋ lí mísɔ̄n mí m̀ɓɛɛŋ.

Yákop 4:5

Tɔ nɛ́, miníg ɔ́ŋɔ nɛ́ yɛ̄mɛ́ nɛ yé epah Lícii-Lipúán ɛ́ ŋga lága nɛ́: «Ɔlolómɛ̄ a byɛ́ɛ́ ekɔ́ɔ́ ŋgandag la M̀búl nyú a vá átē wāhá!»

Pétlos 1 2:5

Ɓɛ́nɛ-mɛ̄n ɓɛ́án kaa ŋgɔg yí éniŋ, níŋglán á mióŋ mí ndáá ápah M̀búl a ŋga tɔ́ɓene, á lí yaan lí lilómɛ lipúán jé lí ɓatíi-nsúlé, á lí tíi lí misúlé mipúán, mí ŋga nyɛ́ɛle Ɔlolómɛ̄ li kele la Yésus Kilístus.