Elōg-Kɔlínto 1 6:14 - Esaa-líat ɛ́ péná

¹⁴ Ɔlolómɛ̄ nyɔ́ a pāhyɛ́ Nyɔ́ŋ-Ɛsáŋɛ́, nyɛ́g ag kɛ ɓɛ́hɛ li pahyɛ la ŋguu yɛɛ́.

Elōg-Kɔlínto 1 6:14 ပူးပေါင်းရင်းမြစ်များ

Misɔ́n mí Ɓáōmɓɛ 17:31

Ákaa ɛ́sɛ, a tɛ́ɛ́yɛ́ ɔlɔ́ ví a ŋga kɛ́ li kááhɛ li ŋkɔŋ-á-sí á mbálɛ nyí tɛ́ɛ́ sim, li kele la mut a pɔ́hɔ, ákaa a tíéé ɓɛ́hɛ bísɛ ndembye, eceg a pahyɛ́ɛ́ nyɛ́ á póla ɓá ɓā wú.»

Misɔ́n mí Ɓáōmɓɛ 2:24

Ndí Ɔlolómɛ̄ a pahyɛ́ɛ́ nyɛ́, ɔ ɓógtɛ́ nyɛ á átē á ésɔghe yé nyɛ̄mb átɔm nɛ́, nyɛmb ɛh ɓɛ́ɛ́la ɓé ŋguu li byee lí nyɛ.

Misɔ́n mí Ɓáōmɓɛ 2:32

Nyɔ́ Yésus, Ɔlolómɛ̄ a pāhyɛ́ nyɛ. Ɓɛ́hɛ bísɛ bi lɛ mbóŋ.

Elōg-Lóma 8:11

Kíyáɓɛ́ ki nɛ́ M̀búl nyú á nyɔ́ a pāhyɛ́ Yésus á póla ɓá ɓá wū á tɔ́ɔ átē wāná, ɛnɛ nyɔ́ a pāhyɛ́ Yésus Kilístus á póla ɓá ɓá wū, li kele la M̀búl wɛ́ɛ́ nyú á lɛ́ átē wāná, ag kɛ ki li niŋɛ lí nyúū yáná yí ŋga wú.

Elōg-Kɔlínto 1 15:23

ndí, mut sig á ɛ́yɛ̄ɛ̄ éceg. Nyɔ́-a-Pɔ́hlɛ yágá kaa mut ɔsú a pāhye, ámbúh, ɓá bísɛ bí lɛ́ ndog yɛɛ́ ɓɔ́g bíg kɛ li pahye eceg a ŋga kɛ́ lí sɔ́.

Elōg-Kɔlínto 2 13:4

La mbálɛ, a tōmlɛ́ á mbásá átē a aɓɔt wɛ́ɛ́, ndí a lɛ̄ á éniŋ la ŋguu nyí Ɔlolómɛ̄. Ɓɛ́hɛ ki bi lɛ́ áɓɔt á ŋ̀atanɛ́ la nyɛ́, ndí biíg kɛ li ɓɛ́ á éniŋ elɔŋ la nyɛ́ ányúū yāná li loole la ŋguu nyí Ɔlolómɛ̄.

Elōg-Kɔlínto 2 4:14

Ákaa ɛ́sɛ biíg yí nɛ́, nyɔ́ a pāhyɛ́ Nyɔ́ŋ-Ɛsáŋɛ́ Yésus nyɛ́g ag kɛ ɓɛ́hɛ li pahyɛ elɔŋ la Nyɛ́, la nyɛ́ a tɛ́ɛ́yɛ́ ɓɛ́hɛ la ɓɛ́nɛ á ŋgwáāg yɛ́ɛ̄.

Elōg-Fílípi 3:21

Nyɛ́ nɛ́ a ŋga kɛ́ li yaanɛ lí nyí nyuú yāhá aɓɔt ákaa nyúū yɛ́ɛ̄ nyí lipém, li loole la ŋguu yɛ́ɛ̄ nyí ɛ ŋga yígle nyɛ́ lí vá lí mam mísɛ á sí likanʼyɛ jɛ́ɛ́.

Elōg-Tésaloníka 1 4:14

Kasig bi ŋga yéɓe kɔɔ la mbálɛ nɛ́ Yésus a wú, ɔ pāhye, náŋ ki nɛ́ ɓaá nyɛ́ɛ lí yéɓe nɛ́ ɓá bísɛ ɓá wú ányúū Yésus, Ɔlolómɛ̄ ag kɛ́ ɓɔ́ lí pahyɛ nɛ́ bí ɓɛ́ elɔŋ la Yésus.