Elōg-Kɔlínto 1 5:7 - Esaa-líat ɛ́ péná

⁷ Ɓógtánɛ aɓé nyú á lɛ́ átē wāná, nyú á lɛ́ kaa ǹdunɛ a esaŋɛ, á li ɓɛ́ lí ɓot bí péná kaa fláwa nyí ŋgíla esaŋɛ, átɔm nɛ́ ɓɛ́nɛ-mɛ̄n miní lɛ́ ŋgíla esaŋɛ. Kasig Nyɔ́-a-Pɔ́hlɛ, nyɔ́ a lɛ̄ mɔ́ɔ̄n ntómbɛ́ wāhá a ŋgand Páska a tíéɓɛ́ kaa nsúlé,

Elōg-Kɔlínto 1 5:7 ပူးပေါင်းရင်းမြစ်များ

Matéus 13:33

Yésus ɔ kánɛ sīg-pɛ ɓɔ́ ví ɔŋgaáŋgan nɛ́: «Ekombo-lóō ɛ́g punan la esaŋɛ yé míndīgá a nyɔ̄ŋ, ɔ vá yɔ á ávega acɛ́ŋ á fláwa áŋháa, á lí ɓɔŋ nɛ́ fláwa ɛsɛ̄ ɛ vūh.»

Málkus 14:12

Á ɔlɔ́ ví ɔ́sū ví ŋgand nyí bikɔgá bí ŋgíla esaŋɛ, ɔlɔ́ ví bí ŋgí ól mɔɔ́n ntómbɛ́ ányúū lidí lí ŋgand Páska, ɓayége bí Yésus bú ɓāt nyɛ nɛ́: «Á véé ɔ ŋgɔ sómo nɛ́ bi kɛ́ li ɓoŋhan lí Páska, ndí ɔ dí é?»

Yohánɛs 1:29

Ámbúh víŋ ɔlɔ́, ɛnɛ́ Yohánɛs a ɛ́n Yésus ag siŋgle nyɛ́ ɓɛɓɛ, ɔ lága nɛ: «Nyɔ́ nɛ́ a lɛ mɔɔ́n ntómbɛ́ á Ɔlolómɛ̄ a ŋga ɓógtɛ aɓé á ŋkɔŋ-á-sí

Yohánɛs 1:36

Ɔ tíg lí légɓe lí Yésus ag wɛ́ɛ ɔ laga nɛ́: «Nyɔ́ nɛ́ a lɛ mɔɔ́n ntómbɛ́ a Ɔlolómɛ̄.»

Yohánɛs 19:14

Náŋ a ɓɛ́ɛ́ mam mí kɔsi, á ɔlɔ́ ví m̀ɓoŋhanɛ́ á ŋgand Páska. Piláto ɔ yó ɓɔ́ɔ̄n bí Élōg-Yúda nɛ́: «Káísa yaná nyí!»

Elōg-Lóma 3:25

Ɔ́lolómɛ̄ a tí nyɛ kaa nsúlé nɛ́ ndí, li kele la micii mɛ́ɛ́, a ɓɛ́ ekwag-miɓé ányúū ɓá bí ŋga yéɓé la nyɛ́. La náŋ, Ɔlolómɛ̄ a étɛ́ nɛ a ɓáág sim, nlee la eceg a mwáhɛ́ míɓē mí ɓot bí kwaŋ ŋgíla ekɔ́ghɛ,

Elōg-Kɔlínto 1 10:17

Kasig ekɔgá ɛ́ lɛ́ jā yáhyá, ɓɛ́hɛ bísɛ ki bi lɛ̄ jā pɔ̄m nyúū, átɔm nɛ́ ɓɛ́hɛ bísɛ biíg kaan ja nyúŋ nlemlem á ékɔgá.

Elōg-Kɔlínto 1 5:13

Ɓot bí sē ɓé á élɔŋ yé ɓá ɓá yéɓe la Nyɔ́-a-Pɔ́hlɛ, Ɔlolómɛ̄ nɛ a ŋga kɛ́ ɓɔ́ lí kááhɛ. Duhlán éɓéɓéyɛ̄-mut á élɔŋ yáná.

Elōg-Éféso 4:22

ɛnɛ ɛ́g somlɛ nɛ́, miní nyɔŋ bisúghɛ́nɛ́ nɛ miníg mwahɛ eniŋ yáná yé ɛ́ kwākwáŋɛ, nɛ́ miníg cóó liɓɛ́ɛg jáná lí kwaŋ, jé kóó yɛ́ɛ́ míson ɛ́ ŋgí óm á njáŋgá.

Biyɛ́ɛ́léné 5:12

Yéŋ edila áŋgɛl ɛ́ ŋgí lɔ́ŋgɛ á lóō lóō nɛ́: «Mɔɔ́n ntómbɛ́ nyɔ́ ɓá sɛ́m cíŋ á lí tíi ákaa nsúlé, a byɛ́ɛ́ kundɛ li kuh lí ŋguu, abyaŋ, peg, mbimban, adit, lipém la eɓégɛ.»