Elōg-Kɔlínto 1 4:9 - Esaa-líat ɛ́ péná

⁹ Ákaa ɛ́sɛ, mag ɔ́ŋɔ nɛ́ Ɔlolómɛ̄ a vá ɓɛ́hɛ á ntélélé á étɔ yé mbúh, ɓɛ́hɛ ɓaómɓɛ, ɔ́ŋgɛn ɓot ɓá kūh ékɔ́ghɛ yé nyɛmb. Ányúū náŋ nɛ́ ɓā timán lí ɓɛ́ kaa ɓacaa á líŋgīndá, á lí kɔnhanɛ lí sí la loó mivag, áŋgɛl la ɓot-bí-bínam.

Elōg-Kɔlínto 1 4:9 ပူးပေါင်းရင်းမြစ်များ

Misɔ́n mí Ɓáōmɓɛ 19:29

Mpóghānɛ́ ɔ cáman á tísɔn ɛsɛ̄. Ɓot bú kɛ lívuŋ, bú yálán á ndáá-micaa nyí ékombo. Eceg bí ŋgí loo, bú dúutɛ́ Gáyus la Alistálke, mbyááhɛ yí Masedónia yí ɛ́ ɓɛ́ɛ́ á élɔŋ ɛ́ dúwɛ yé Póol.

Misɔ́n mí Ɓáōmɓɛ 19:31

Jogo jɛ́ɛ́ já lí míwāndá mí mí ɓɛ́ɛ́ mígɔ́mna micɛ́ŋ á Ásia, ɓɔ́g bú óm nyɛ nlemlem á njɛn nɛ́ ah kɛnɛ́g ɓé á ndáá-micaa nyí ékombo.

Elōg-Lóma 8:36

Ákaa Licii-Lipúán lí ŋga lága nɛ: «Ányúū yɔ́ɔ nɛ́ nyɛmb ɛ ŋga lɛ́ŋle ɓɛ́hɛ ɔlɔ́ la ɔlɔ́ sig, ɓaá nyɔŋɓɛ́ ákaa tít nɛ ɓá nyɛɛ́ lí sɛ́m lí cíŋ.»

Elōg-Kɔlínto 1 15:19

Kíyáɓɛ́nɛ mú á yé eniŋ bi ŋga nīŋ lɛn ja nɛ́ ɓā váléné lípitá jáhá la Nyɔ́-a-Pɔ́hlɛ, ɛnɛ ɓā loohán lí ɓɛ́ lí ŋgɔ́ɔ́ li loo lí ɓot bísɛ.

Elōg-Kɔlínto 2 11:23

Ɓaá, ɓáŋ ɓot bí lɛ́ ɓáɓɔŋle bí Nyɔ́-a-Pɔ́hlɛ é? Má mi lɛ̄ m̀ɓɔŋle wɛɛ́ li loo lí ɓɔ̄, mág pɔ́t ákaa ŋ̀kɔn-nzeg! Ma sál mísɔ̄n mí ŋguu li loo lí ɓɔ̄, ma ɓɔ̄ŋ miɓog li loo lí ɓɔ̄, ma ɓōmɓɛ́ nlohanɛ́ lí loo lí ɓɔ̄, ma véé nyɛ̄mb ŋgele ŋgandag li loo lí ɓɔ̄!

Elōg-Kɔlínto 2 6:9

tɔ náŋ ákaa bí ŋga nyɔ̄ŋ ɓɛ́hɛ kaa ɓot bí ŋgá yílɛ ɓé ndí kí biíg yílɛ m̀ɓɛɛŋ, bíg nyɔŋ ɓɛ́hɛ kaa miwúág mí ɓot ndí kí bi lɛ á eniŋ, bíg nyɔŋ ɓɛ́hɛ kaa ɓot ɓá kɔ́ghɛ ndí ɓɛ́hɛ, biíh wúág ɓé ɓɛ́hɛ

Elōg-Tésaloníka 1 3:3

á lí ɓɔŋ nɛ́ ndutu yí lɛn ɛ́h yɔŋɓɛ́gɛ́ ɓé mut waná tɔ wa, átɔm nɛ́ miníg yí m̀ɓɛɛŋ nɛ́ náŋ nɛ́ yá tɛ́ɛ́ɓɛ́ ányúū yāhá.

Elōg-Hébɛl 1:14

Ɓaá, yíŋ áŋgɛl ɛ́sɛ ɛ́ sē ɓé ja mímbūl mí mí ŋga sále Ɔlolómɛ̄ é? Ɓaá nsɔ́n wáɓá á sē ɓé jā lí óŋgánɛ lí ɓot bí ŋga nyɛ́ɛ li kuh lí lísuŋga é?

Elōg-Hébɛl 10:33

Mú á yé epah, miníg óŋlɛ́ɛ la li kuh lí ndeeŋgɛ á ntélélé, á yéŋé épah, miníg nit ɓot ɓá kūh milemlem mí bísɔghe.

Elōg-Hébɛl 11:36

Ɓáŋá ɓátām sīg-pɛ, bí kéeyɛ́ɛ́ ɓɔ́ ŋgandag, bú lɔ́g ki ɓɔ́ áso, bú kág ɓɔ la misáŋ-mí-bícɛɛ, ámbúh náŋ bú óm ɓɔ á m̀ɓog.