Elōg-Kɔlínto 1 4:6 - Esaa-líat ɛ́ péná

⁶ Á élōgyāŋ, ányúū yāná nɛ ma kwɛ̄l náŋ á patí étām, la ma mu nyɔ̄ŋlé ɔvega á nyúū yáma la á nyúū nyí Apólos, nɛ́ ndí kaa ɓɛ́hɛ, miní yégé ja lí tɔɓene á yé yá ciiɓɛ́ á Lícii-Lipúán, miníh yálág ɓé la kúmba, la ɓɛ́nɛ maná kām nyɔ́ wa, maná yíg nyɔ́ŋɔ́.

Elōg-Kɔlínto 1 4:6 ပူးပေါင်းရင်းမြစ်များ

Misɔ́n mí Ɓáōmɓɛ 18:24

Mɔɔ́n Élōg-Yúda wa bí ŋga yáŋa nɛ́ Apólos, mbyááhɛ nyí tísɔn Alegsandēlíya á pámáá á tísɔn Eféso. A ŋgí yí ŋkwɛl, ag loohan ki li sɔ́ŋtánɛ lí Lícii-Lipúán.

Misɔ́n mí Ɓáōmɓɛ 19:1

Á éceg Apólos a ɓɛ́ɛ́ á tísɔn Kɔlínto nɛ́ Póol a sɔ́ɔ́ á Éféso, a looléé á ákolá ácɛ̄ŋ á ŋgokólá nyí yéŋ épah-ékombo. Ɛnɛ́ a sɔ́ɔ́, ɔ kɔ́p puh ɓáyēge,

Elōg-Lóma 12:3

Li oŋle la mikaale Ɔlolómɛ̄ a tí mā yɛ̄mɛ́, mag laga hɔ́ mut waná sig nɛ́, ah ɔ́ŋlág ɓé lí ɓɛ́ lí yé a sē ɓé, ɓɛ́án la miɔ́ŋɔ mí ŋkɔlɓanɛ́, mut sig a yí li nyɔŋ lí éceg la nsɔ́n Ɔ́lolómɛ̄ a tí nyɛ likɔlɓan la ɔvega ví ŋyéɓé a byɛ́ɛ̄ la Nyɔ́-a-Pɔ́hlɛ.

Elōg-Kɔlínto 1 1:12

Mag somo li laga nɛ́, á élɔŋ yaná, nyɔ́ wa ag laga nɛ́: «Ma, mí lɛ̄ mut a Póol», nyɔ́ŋɔ́ aá: «Ma, mi lɛ̄ mut a Apólos», nyɔ́ŋɔ́ ntám aá: «Ma, mi lɛ nyɔ́ á Pétlos», nyɔ́ŋɔ́ ntám sīg-pɛ ag laga nɛ́: «Ma, mi lɛ̄ mut a Nyɔ́-a-Pɔ́hlɛ.»

Elōg-Kɔlínto 1 1:19

Átɔm nɛ́ Licii-Lipúán líg laga nɛ́: «Mag kɛ́ li sáá lí peg nyí ɓot bí peg, mi yáánɛ́ ki éyī yé ɓáyī-jam yɛmɛ́.»

Elōg-Kɔlínto 1 1:31

Ányúū náŋ nɛ́ Lícii-Lipúán lí ŋga lága nɛ́: «Nyɔ́ la nyɔ́ a ŋga yáta, a ɓɔ́ŋ náŋ á ŋ̀atanɛ́ la Nyɔ́ŋ-Ɛsáŋɛ́.»

Elōg-Kɔlínto 1 13:4

Ediŋ ɛ́ lɛ́ éɔ̄hánɛ, ediŋ ɛ́ lɛ́ éōŋgánɛ, ediŋ ɛ́ ŋgá kele ɓé nzoŋ, ɛ́ ŋgá yáta ɓé, ediŋ ɛ́ ŋgá vumbu ɓé nyúū,

Elōg-Kɔlínto 1 3:19

Ányúū nɛ peg nyí nyú ŋkɔŋ-á-sí ɛ́ lɛ́ nzeg ɔ́sū ví Ɔ́lolómɛ̄. Átɔm nɛ́ yá ciiɓɛ́ nɛ: «Ag byelene ɓot-bí-peg á mícaŋg máɓá ɓɔ́-mɛ̄n»,

Elōg-Kɔlínto 1 3:21

Jɔ́ nɛ́, mut tɔ wa ah nyɔŋɔ́g ɓé nyɔ́ŋɔ́ ntám ákaa eyátɓéné yɛ́ɛ́, átɔm nɛ́ mɔ́ mísɛ mí lɛ́ la ɓɛ́nɛ.

Elōg-Kɔlínto 1 5:2

Ndí, miníg vumbu nyuú la kúmba! Ɓaá, miní ŋgá nyɛɛ ɓé li yɔ́tɔ á lí ɓɔŋ nɛ́ m̀ɓɔŋ nyúŋ nsɔ́n miní ɓógtɛ́ nyɛ́ á élɔŋ yáná é?

Elōg-Kɔlínto 1 5:6

Yéŋ eyát yáná miní ŋga ɓɔ̄ŋ ɛ́ sē ɓé m̀ɓɛɛŋ! Ɓaá, miní ŋgá yí ɓé nɛ́ puh esaŋɛ nɛ́ ɛ́ ŋga vúhɛ fláwa ɛsɛ̄ é?

Elōg-Kɔlínto 1 8:1

Á élōgyāŋ, á yé ɛ́ ŋga légɓe tít ɓá súlé bísāt, ɛ́g yílɛ nɛ́, ɓɛ́hɛ bísɛ biíg yí nyúŋ ŋkwɛl. Eyí ɛ́g yáhɛ mut la kúmba, ndí ediŋ ɛ́g óŋ.

Elōg-Kɔlínto 1 9:23

Mag ɓɔ́ŋ míŋ mísɛ, ányúū Pɔ́l M̀ɓɛɛŋ nɛ́ ndí mi kūh ɛ́jāma joga múŋ átē.

Elōg-Kɔlínto 2 10:12

Á mbálɛ, bi ŋgá vá ɓé á m̀mím nɛ bi kɔ́ɔ la jogo lí ɓot lí ŋgá ɔ́ŋɔ nɛ́ lí kɔlánɛ̄ la jɔ́-mɛ̄n, bi ŋgá ketɓan ɓé tɔ ki la ɓɔ́. Kí bíg nyɔ̄ŋ ɓɔ́-mɛ̄n kaa ɔvega la ŋget, bí lɛ́ bíjōŋ bí ɓot.

Elōg-Kɔlínto 2 10:15

Eyát yáhá ɛ́ ŋgá loo ɓé ɔ́vega, tɔ li sɔ́léne á mísɔ̄n mí ɓot ɓatám. Ndí bi byɛ́ɛ́ lipitá nɛ́ ŋyéɓé wáná ág kɛ li ólo, la ɓɛ́hɛ ki bi búlɛ̄ misɔ́n mí m̀ɓɛɛŋ á yóg yāná, li oŋle la yé ɓaá tɛ́ɛ́yɛ,

Elōg-Kɔlínto 2 10:7

Léɓyán mam ákaa láá mí lɛ. Kíyáɓɛ́nɛ mut ag lem kɔɔ la nyɛ́-mɛ̄n nɛ́ a lɛ̄ mut a Nyɔ́-a-Pɔ́hlɛ, a yí náŋ ŋgele ya ányúū yɔ́ ɛ́sɛ. Kasig a lɛ mut a Nyɔ́-a-Pɔ́hlɛ, ɛnɛ ɓɛ́hɛ ki bi lɛ ɓot bí Nyɔ́-a-Pɔ́hlɛ.

Elōg-Kɔlínto 2 11:4

Ákaa ɛ́sɛ, mut a ŋga dúgú lí sɔ́ á lí lɛgɛ lí ɓɛ́nɛ Yésus ntám amáh sig nyɔ́ ɓaá lɛgɛ́ ɓɛ́nɛ, tɔ nɛ́ maná lɛ́glé éyī etám yé ɛ́ lɛ́ mveŋghanɛ́ la yé maná kuh, tɔ nɛ́ Pɔ́l M̀ɓɛɛŋ etám, amáh sig nyí maná lɛ́gle, miníg ógle nyɔ́ŋ mut m̀ɓɛɛŋ ŋgandag.

Elōg-Kɔlínto 2 12:19

Ɓaá, li ɓotle ɓɛɛvéé, miníg ɔ́ŋɔ nɛ́ biíg somo li so lí ŋkál ɔ́sū váná é? Kɛ́m, á ŋ̀atanɛ́ la Nyɔ́-a-Pɔ́hlɛ nɛ́ bi ŋga pɔ́t ɔ́sū ví Ɔ́lolómɛ̄. Ndí, á élōgyāŋ-yé-édiŋ, biíg ɓɔŋ bíŋ bísɛ ányúū li ólɓɛ lí ɓɛ́nɛ.

Elōg-Kɔlínto 2 12:20

Á mbálɛ, mag kɔn woŋ nɛ́, á mísɔ̄ máma wóŋ, mi ŋgá kɛ́ ɓé ma ɓɛ́nɛ li kɔ́p ákaa mi ŋga sómo, tɔ ɓɛ́nɛ ki li ɛ́n lí mā ákaa miní ŋga sómo. Mag kɔn woŋ nɛ́ á mísɔ̄ máma wóŋ, mi kɔ́p nɛ́ ŋ̀ámblānɛ́ a sē ɓé á póla yāná, nzoŋ yu ɓɛ́ á póla yaná, nlohanɛ́ a aún ɔ ɓɛ́, pembhán-cíŋ ɛ lɛ, li pɔ́t lí ɓot aɓé, misɔh, lipama, la mpuŋgú bí lɛ́ á póla yaná.

Elōg-Kɔlínto 2 12:6

Wɛɛ́ʼɛ̄! Ki ɓɔŋ nɛ́ mií ŋga sómo li yáta, kí mpɔ́t wáma a sē ɓé nyú á mut-a-nzeg, ányúū nɛ mi ŋgá pɔ́t jā mbálɛ. Ndí, mag pún lí pɔ́t, á lí ɓɔŋ nɛ́, bíh átyɛ́gɛ́ ɓé mā míɔ̄ŋɔ mí ŋga loo yé ɓot bí ŋga ɛ́n mā mag ɓɔŋ, tɔ yé bí ŋga ámble mā mag pɔ́t.

Elōg-Kɔlínto 2 4:15

Yé ɛ́sɛ bi ŋga nīŋ ɛ́ lɛ́ ányúū yāná, á lí ɓɔŋ nɛ́ ekɔnan-ŋgɔ́ɔ́ yé Ɔ́lolómɛ̄ ɛ́ kóndyé ɓɛ́nɛ li suhle, la nɛ́ ɔbul ví ɓot ví kondyé lí tíi lí Nyɛ mítamlan la lipém.

Elōg-Kólóso 2:18

Miníh mwahkɛ́gɛ́ ɓé nɛ ɓot bí nyɔ́ŋlé ɓɛ́nɛ ɔtot miní ŋga nyɛ́ɛ li kuh. Mag pɔ́tle ɓot bi ŋga tīŋɓe á mam mí ŋga étɛ nɛ́ bí lɛ́ ésuhɛ-nyuú, la li tiŋɓe á lí ɓégɛ lí áŋgɛl. Bíg ditɛ ŋ̀ɛ́nānɛ́ wāɓá ŋgandag, yíŋ nyaa ɛ́ ɓot yá loohán lí ɓɛ́la lí míɔ̄ŋɔ mí ɓot-bí-bínam, náŋ nɛ́ a ŋga tíi ɓɔ́ kúmba nlohanɛ́.

Elōg-Tésaloníka 1 1:5

Jɔ́ nɛ́, Pɔ́l M̀ɓɛɛŋ nyí ɓaá lɛgɛ́ ɓɛ́nɛ á mbóg yāná ɛ̄h mɓɛ́ ɓé ja mpɔ́t á ányu, ndí yá éthɛ́nɛ́ ŋguu yɛɛ́ ecɛ́ŋɛ́ á nsɔ́n á M̀búl Mpúán, ɛ́h ɓɛ́ ɓé péndan tɔ ya. La náŋ, miníg yí yɔɔ́yɔ́ɔ nyaa eniŋ ɓaá niŋ á póla yāná ányúū nsɛ́ŋ wáná.

Timotéo 2 2:10

Ányúū náŋ nɛ́ mi ŋga ɔ́hánɛ mam mísɛ ányúū ɓot Ɔlolómɛ̄ a pɔ́hɔ, nɛ́ ndí ɓɔ́g bi kuh lisuŋga jé lí lɛ́léné á Yésus Kilístus, bí kuh ki lipém lí éɓem.