Elōg-Kɔlínto 1 4:17 - Esaa-líat ɛ́ péná

¹⁷ Ányúū náŋ nɛ́ ma ómlé ɓɛ́nɛ Timotéo, edidíŋɛ yáma mɔ́ɔ̄n nyɔ́ a tīŋɓé á nsɔ́n á Nyɔ́ŋ-Ɛsáŋɛ́. Nyɛ́, ag kɛ ɓɛ́nɛ li ɔ́ŋlánɛ lí mítiŋ mí éniŋ yáma á ŋ̀atanɛ́ la Nyɔ́-a-Pɔ́hlɛ, ákaa mi ŋga yéglɛ mɔ́ pɛ́ɛ́ ɛsɛ̄ la á Bíɓasɛ bísɛ.

Elōg-Kɔlínto 1 4:17 ပူးပေါင်းရင်းမြစ်များ

Matéus 24:45

Yésus ɔ kōndyé nɛ: «M̀ɓɔŋle a ewíyɛ́, nyɔ́ a byɛɛ́ éyī, a lɛ̄ nyɔ́ ɛ́sāŋɛ́-a-mitán á ŋgá tíi likanʼyɛ lí ɓaɓɔŋle bí ndáá yɛ́ɛ̄, nɛ́ a kááhánɛ̄ ɓɔ́ lídī á eceg ɛ́ ŋga sōmlɛ!

Matéus 25:21

Ɛsáŋɛ́ a nsɔ́n ɔ yó nyɛ̄ nɛ́: ‹Náŋ a lɛ m̀ɓɛɛŋ, ɔ lɛ élɔ́ŋgɔ la taŋ m̀ɓɔŋle, wa étɛ́ ékɔ̄ɔ̄ á pūh mam, mag kɛ wa lí tíi lí mam mí ŋga lōo míŋ, sɔ́, ɔ vāg elɔŋ la ɛsɔ́ŋɛ́ a nsɔ́n.›

Matéus 25:23

Ɛsáŋɛ́ a nsɔ́n ɔ yó nyɛ nɛ́: ‹Náŋ a lɛ m̀ɓɛɛŋ, ɔ lɛ élɔ́ŋgɔ la taŋ m̀ɓɔŋle, wa étɛ́ ékɔ̄ɔ̄ á pūh mam, mag kɛ wa lí tíi lí mam mí ŋga lōo míŋ, sɔ́, ɔ vāg elɔŋ la ɛsɔ́ŋɛ́ a nsɔ́n.›

Misɔ́n mí Ɓáōmɓɛ 16:1

Póol ɔ pám á tísɔn yí Dɛlbéa la Lístele. Ŋ̀yége wa a ɓɛ́ɛ́ váŋ nɛ́ Timotéo, mɔɔ́n ŋgɔn Elōg-Yúda nyí ɛ yaán ŋyéɓé, ɛsáŋɛ́ a ɓɛ́ɛ́ mɔɔ́n Gelékia.

Elōg-Kɔlínto 1 11:16

Ndí, kíyáɓɛ́nɛ mut ɔ́ŋɔ li pendan náŋ, a yí nɛ́ ɓɛ́hɛ ɓāh mwaan ɓé ɓɛ́hɛ la yíŋ nyaa míɓɔŋɔg, ndí tɔ Bíɓasɛ bí Ɔ́lolómɛ̄ ki.

Elōg-Kɔlínto 1 11:2

Mag séme ɓɛ́nɛ ányúū nɛ miníg ɔ́ŋɔ ma eceg ɛ́sɛ, la ki nɛ́ maná náŋɛ mam mísɛ ákaa ma yéglɛ́ ɓɛ́nɛ mɔ́.

Elōg-Kɔlínto 1 11:34

Kíyáɓɛ́nɛ nzal ɛ byɛ́ɛ́ mut, a dí á yóg yɛ́ɛ̄ á lí pún nɛ́ miníh kɔtágán ɓé ányúū ekɔ́ghɛ yáná. Á míŋí mam mitám, mag kɛ mɔ́ lí súgɛ́ eceg mi ŋga kɛ́ li sɔ́.

Elōg-Kɔlínto 1 14:33

ányúū nɛ Ɔlolómɛ̄ a sē ɓé Lōó lí búlúbūlu, ndí a lɛ Lōó lí nsaŋ. Ákaa ɛ́ ŋga ɓɔ̄ŋɓɛ á Bíɓasɛ bísɛ bí ndog-Ɔlolómɛ̄,

Elōg-Kɔlínto 1 16:1

Á élōgyāŋ, ányúū ŋkomanɛ́ a mióŋgánɛ ányúū ndog-Ɔlolómɛ̄ nyí Yelúsalɛm, ɓɛ́nɛ ki miní ōŋlé ndag ma tí bíɓasɛ bí lɛ́ á épah-ékombo yé Galátia.

Elōg-Kɔlínto 1 16:10

Kí Tímotéo a sɔ́ wóŋ, nyɔŋán éceg nɛ́ jam tɔ já líh teeŋgɛ́gɛ́ ɓé nyɛ á yóg yāná, átɔm nɛ́ a lɛ á nsɔ́n á Nyɔ́ŋ-Ɛsáŋɛ́ ákaa ma.

Elōg-Kɔlínto 1 4:14

Á élōgyāŋ, mí ŋgá ciile ɓé ma ɓɛ́nɛ míŋ mam á lí kɔnhanɛ lí ɓɛ́nɛ mbɔɔla, ndí mag ciile ɓɛ́nɛ mɔ́ kaa bididíŋɛ byáma bí ɓɔ́ɔ̄n á lí ɓɔŋ nɛ́ miní nyɔŋ litát.

Elōg-Kɔlínto 1 4:15

Ákaa ɛ́sɛ, tɔ maná ɓɛ́la jā jóom lí ákōō á ɓot bí ŋga yéglɛ ɓɛ́nɛ li niŋ la Nyɔ́-a-Pɔ́hlɛ, miníh byɛ́ɛ́ ɓé ɓasáŋɛ́ ŋgándag. Jɔ́ nɛ́, kaa ma nɛ́ ma sɔ́la ɓɛ́nɛ Pɔ́l M̀ɓɛɛŋ, ma nɛ́ ma yáan ɛ́sɔ̄ŋɛ́ wāná á ŋ̀atanɛ́ wāná la Yésus Kilístus.

Elōg-Kɔlínto 1 4:2

Ndí yé bí ŋga ɓāt ɓalégɓe-miɓɛɛŋ ɛ́ lɛ́ ja lí étɛ tóɓó-tóɓó nɛ́ bí kɔ́ɔ nɛ́ ɓot bí nāŋʼyéné ɓɔ́ lípitá.

Elōg-Kɔlínto 1 7:17

Á élōgyāŋ, mut sig a nīŋ li oŋle la liɓɛ́ɛg Nyɔ́ŋ-Ɛsáŋɛ́ a tí nyɛ kaa ɛjɛ́ɛ́ jóga, ákaa a ɓɛ́ɛ́ eceg Ɔlolómɛ̄ a yáŋléé nyɛ́. Nyíŋ ndag nɛ́ mi ŋga tíi á Bíɓasɛ bísɛ.

Elōg-Kɔlínto 1 7:25

Á élōgyāŋ, á yé ɛ́ ŋga légɓé mikɔl-mí-ɓot, mi ŋgá yí ɓé ma nɛ́ Nyɔ́ŋ-Ɛsáŋɛ́ a yígíí ndag likɔlɓan ɓɔ́. Mag tíi ja ɛ́yáma eɔ́ŋɔ yé mut-a-binam, nyɔ́ bí kɔ́ɔ̄ lí vále lí lipitá li kele la ekɔnan-ŋgɔ́ɔ́ yé Nyɔ́ŋ-Ɛsáŋɛ́.

Elōg-Kɔlínto 2 8:18

Ɓaá óm mɔɔ́lyāŋ wahá ntám élɔŋ la nyɛ́, nyɔ́ biɓasɛ bísɛ bí ŋga tíi mbóŋ élāām likɔlɓan la nsɔ́n wɛ́ɛ́ nyú á li camanɛ lí Pɔ́l M̀ɓɛɛŋ.

Elōg-Éféso 6:21

Mi byɛ́ɛ̄ kóó nɛ ɓɛ́nɛ ki miní yí eɓɛ́lé yáma, miní yí ki yé mi ŋga ɓɔ̄ŋ. Tísik, mɔɔ́nɛ́tāŋ mi ŋga dīŋ, nyɔ́ a tīŋɓé á nsɔ́n á Nyɔ́ŋ-Ɛsáŋɛ́, ag kɛ ɓɛ́nɛ li lɛgɛ lí mínjɛn mísɛ.

Elōg-Fílípi 2:19

Á élōgyāŋ, kí Nyɔ́ŋ-Ɛsáŋɛ́ Yésus a kɔ́n ŋgɔ́ɔ́, puh eceg mag óm ɓɛ́nɛ Timotéo, á lí ɓɔŋ nɛ́ pɔ́l yāná a ŋga kɛ́ ma lí sɔ́la, ɛ́ letɛ́ ma nyúū.

Elōg-Fílípi 2:22

Ndí nyɛ́, miníg yí nɛ́ a étɛ́ yé a kɔ́ɔ̄ lí ɓɔŋ. A byáŋ élɔŋ la ma ákaa mɔɔ́n á ŋgwáāg ɛsáŋɛ́, á nsɔ́n á lí lɛgɛ lí Pɔ́l M̀ɓɛɛŋ.

Elōg-Kólóso 1:7

li oŋle la yé ŋgwaa yahá la liwándá jáhá lí nsɔ́n Epafálas a yéglɛ́ɛ́ ɓɛ́nɛ. Nyɛ́ nɛ́ a yíhānɛ́ ɓɛ́hɛ m̀ɓɛɛŋ kaa m̀ɓɔŋle a Yésus Kilístus,

Elōg-Kólóso 4:9

Onesíme, nyí taŋ mɔɔ́lyāŋ mi ŋga dīŋ ag ɓɛ́ elɔŋ la nyɛ́, mɔɔ́nɛ́sāŋ waná nyɔ́ŋ. Ɓɔ́ nɛ́ bí ŋga kɛ́ ɓɛ́nɛ li yíhɛ lí yé ɛ́sɛ ɛ́ ŋga lóo mú.

Timotéo 1 1:18

Á Timotéo mɔɔ́n wáma, li oŋle kaa ɓapɔ́tle-bí-Ɔ́lolómɛ̄ bí lɛgléé ɓɛɛvéé ányúū yɔ́ɔ, mag tíi wa nyí ndag nɛ́: bíŋ biɓaŋgá bí létɛ̄ wa, nɛ́ ndí ɔ dú taŋ eɓándá,

Timotéo 1 1:2

Mag ciile wa á Timotéo taŋ yama mɔ́ɔ̄n átē á ŋyéɓé, Etāa Ɔlolómɛ̄ la Yésus Kilístus Ɛtáŋɛ wahá bí lómbó wa, bí kɔn wa ŋgɔ́ɔ́, bí tí ki wa nsaŋ.

Timotéo 2 1:2

Mag ciile wa á Timotéo, édidíŋɛ yáma mɔ́ɔ̄n. Etāa Ɔlolómɛ̄ la Yésus Kilístus Ɛtáŋɛ wahá bí lómbó wa, bí kɔn wa ŋgɔ́ɔ́, bí tí ki wā nsaŋ.

Timotéo 2 2:2

Yé ɛ́sɛ wa ámblé mā mag yéglɛ ɔ́sū ví ŋgandag mbóŋ, wág byeehɛ́ yɔ́ ɓot bí kɔ̄lánɛ́, ɓá ɓɔ́-mɛ̄n bí ŋga lā li yéglɛ li ɓot ɓatám.

Timotéo 2 3:10

Ndí wa, wa ōŋle mā m̀ɓɛɛŋ á mam mi ŋgí yéglɛ, wu yégé míɓɔŋɔg máma, wu yí evú-peg yáma, wu yí ŋyéɓé wáma, eɔ́hánɛ yáma, ediŋ yáma, la kɔkɔ yama.

Títo 1:5

Á Títo, Kíyáɓɛ́nɛ mi yígíí wa á éon ecɛ́ŋ yé Keléta, náŋ a ɓɛ́ɛ́ ányúū li manɛ lí lí oŋgɛ lí mam mísɛ, la li tɛ́ɛ́yɛ́ lí ɓacɛ́ŋ bí Éɓasɛ á tísɔn sig, li oŋle la ndag nyí mi tíéé wa.

Biyɛ́ɛ́léné 2:10

Ɔg kɛ li sɔghe, ndí ɔh kɔnɔ́g ɓé woŋ. Ɛ́n sig, á lí ceglɛ lí ɓɛ́nɛ, ǹsɔhɔ ag kɛ li vá lí jogo lí ɓot jáná á m̀ɓog; miníg kɛ li ɓɛ́la lí jóom lí alɔ́ lí míceglan. Tiŋɓé nɛ́-tɛ́ɛ la á nyɛmb, mag kɛ wa lí tíi lí ɔ́tot ví éniŋ.

Biyɛ́ɛ́léné 2:13

«Mag yí yóg yɔ́ɔ; váŋ nɛ́ Sátan a byɛ́ɛ̄ etɔɓé-líkanʼyɛ yɛ́ɛ́. Ndí ɔ átɛ la ma, wāh táŋɓan ɓé ŋyéɓé wɔ́ɔ ɔ byɛ́ɛ̄ la ma tɔ á eceg yé bí ólóó mbóŋ yáma nyí ɛ́ tɛ́ɛ́ nɛ́ Antípas, á yóg yaná, ápah Sátan a ŋga tɔ́ɓene.