Elōg-Kɔlínto 1 4:1 - Esaa-líat ɛ́ péná

¹ Á élōgyāŋ, miní nyɔ́ŋɔg hɔ́ ɓɛ́hɛ ákaa ɓaɓɔŋle bí Nyɔ́-a-Pɔ́hlɛ, ɓá bí lɛ́ ɓálégɓe-miɓɛɛŋ mí mbaŋ nyí Ɔlolómɛ̄.

Elōg-Kɔlínto 1 4:1 ပူးပေါင်းရင်းမြစ်များ

Matéus 13:11

Yésus ɔ pélē ɓɔ̄ nɛ́: «Ányúū nɛ́ ɓɛ́nɛ nɛ́ maná pɔhlɛ́ á lí yí lí mam mí mbaŋ nyí Ékombo-lóō. Ndí ah ɓáŋá ɓátām ɓé,

Matéus 24:45

Yésus ɔ kōndyé nɛ: «M̀ɓɔŋle a ewíyɛ́, nyɔ́ a byɛɛ́ éyī, a lɛ̄ nyɔ́ ɛ́sāŋɛ́-a-mitán á ŋgá tíi likanʼyɛ lí ɓaɓɔŋle bí ndáá yɛ́ɛ̄, nɛ́ a kááhánɛ̄ ɓɔ́ lídī á eceg ɛ́ ŋga sōmlɛ!

Málkus 4:11

A byɛ́la ɓɔ́ nɛ́: «Ɓɛ́nɛ nɛ́ maná kūh líkaale jé lí lí yí lí mbaŋ Likanʼyɛ lí Ɔlolómɛ̄, ndí ɓáŋá ɓátām ya sɔ́lɔ́ ɓɔ.

Lúkas 1:2

li oŋle la yé ɓá ɓá ɛ́n mɔ la miíh li ɓotle á míɓotlé ɓá máŋlɛ́ ɓɛ́hɛ, la ɓɔ́ bú yāán ɓalɛgɛ pɔ́l Ɔlolómɛ̄,

Lúkas 12:42

Nyɔ́ŋ-Ɛsáŋɛ́ ɔ pélē nyɛ nɛ́: «Yɔɔ́yɔ́ɔ taŋ ǹlégɓe-miɓɛɛŋ, nyɔ́ a byɛ́ɛ́ éyī ɛsáŋɛ́-a-mitán a ŋgá tíi ɓé likanʼyɛ lí ɓaɓɔŋle ɓɛ́ɛ́, nɛ́ a káahánɛ̄ ɓɔ́ lídī á eceg ɛ́ ŋga sōmlɛ é?

Lúkas 8:10

Yésus ɔ pélē ɓɔ́ nɛ́: «Ɓɛ́nɛ nɛ́ maná pɔhlɛ́ á lí yí lí mbaŋ nyí mam mí Ékombo Ɔ́lolómɛ̄. Ndí ɓáŋá ɓatám, bíg laga ɓɔ́ mɔ́ á aŋgaáŋgan, á lí ɓɔŋ nɛ́ bí légɓe, ɛ́h ɓɛ́ ɓé lí ɛ́n, bí ámble ɛ́h ɓɛ́ ɓé lí sɔ́ŋtánɛ.»

Elōg-Lóma 11:25

Á élōgyāŋ, mag somo ɓɛ́nɛ li yíhɛ lí ŋ̀yɛ́ɛ́lāg á mbaŋ, á lí ɓɔŋ nɛ́ miníh nyɔŋɔ́g ɓé ɓɛ́nɛ-mɛ̄n kaa ɓot bí peg. Jogo lí ɓot bí lílōm lí Íslāɛl lá pún lí sɔ́ŋtánɛ, náŋ ag kɛ li ɓemle tɛɛ míŋí mílōm mísɛ má ōŋ nzen Ɔlolómɛ̄.

Elōg-Lóma 16:25

Bi ɓégɛ́ Ɔlolómɛ̄ nyɔ́ a byɛ́ɛ̄ ŋguu li ólɓɛ lí ŋyéɓé wáná, kaa ɛ́ ŋga lāglɛ á Pɔ́l M̀ɓɛɛŋ nyí mi ŋga camanɛ, nyí ɛ ŋga yíhɛ ɓɛ́nɛ nzáá a lɛ Yésus Kilístus. Nyíŋ Pɔ́l M̀ɓɛɛŋ ya yɛ́lɛ́ mbaŋ nyí Ɔlolómɛ̄ nyí ɛ ɓɛ́ɛ́ ɛ́ sɔ́lɛ ɓɛɛvéé.

Elōg-Kɔlínto 1 2:7

Biíg camanɛ jā peg nyí Ɔlolómɛ̄, nyí ɛ lɛ̄ mbaŋ, nyí ya tíg á lísɔl, nyí ɛ lɛ̄ nɛ́ Ɔlolómɛ̄ a ɓoŋháán mimbú ndí mímbú ɔ́sū ví eceg ányúū lipém jáhá.

Elōg-Kɔlínto 1 3:5

Nzáá a lɛ Ápólos é? Nzáá a lɛ Póol é? Bí lɛ́ ja ɓáɓɔŋle ɓá ɓá níŋgɛ ɓɛ́nɛ á ŋyéɓé. Mut sig á póla yaɓá a ɓɔ̄ŋ nsɔ́n wɛ́ɛ́ li oŋle la likaale Ɔlolómɛ̄ a tí nyɛ.

Elōg-Kɔlínto 1 4:13

Bíg pɔ́t ɓɛ́hɛ aɓé, ndí ɓɛ́hɛ biíg pɔ́t á lí tíi lí míkūndá. Tɛɛla nyí vɔ́ŋɔ́ɔ bí ŋgí nyɔŋɔ́g ɓɛ́hɛ kaa bináán bí ŋkɔŋ-á-sí, kaa nyɛgá nyí sí la lōó.

Elōg-Kɔlínto 1 4:2

Ndí yé bí ŋga ɓāt ɓalégɓe-miɓɛɛŋ ɛ́ lɛ́ ja lí étɛ tóɓó-tóɓó nɛ́ bí kɔ́ɔ nɛ́ ɓot bí nāŋʼyéné ɓɔ́ lípitá.

Elōg-Kɔlínto 2 11:23

Ɓaá, ɓáŋ ɓot bí lɛ́ ɓáɓɔŋle bí Nyɔ́-a-Pɔ́hlɛ é? Má mi lɛ̄ m̀ɓɔŋle wɛɛ́ li loo lí ɓɔ̄, mág pɔ́t ákaa ŋ̀kɔn-nzeg! Ma sál mísɔ̄n mí ŋguu li loo lí ɓɔ̄, ma ɓɔ̄ŋ miɓog li loo lí ɓɔ̄, ma ɓōmɓɛ́ nlohanɛ́ lí loo lí ɓɔ̄, ma véé nyɛ̄mb ŋgele ŋgandag li loo lí ɓɔ̄!

Elōg-Kɔlínto 2 12:6

Wɛɛ́ʼɛ̄! Ki ɓɔŋ nɛ́ mií ŋga sómo li yáta, kí mpɔ́t wáma a sē ɓé nyú á mut-a-nzeg, ányúū nɛ mi ŋgá pɔ́t jā mbálɛ. Ndí, mag pún lí pɔ́t, á lí ɓɔŋ nɛ́, bíh átyɛ́gɛ́ ɓé mā míɔ̄ŋɔ mí ŋga loo yé ɓot bí ŋga ɛ́n mā mag ɓɔŋ, tɔ yé bí ŋga ámble mā mag pɔ́t.

Elōg-Kɔlínto 2 4:5

Kɛ́m, ah pɔ́l yāhá ɓɛ́hɛ-mɛ̄n ɓé nɛ bi ŋga lɛ́gɛ, ndí biíg lɛgɛ jā pɔ́l nyí Yésus Kilístus Ɛtáŋɛ wahá. Á yé ɛ́ ŋga légɓe ɓɛ́hɛ-mɛ̄n, biíg lɛgɛ nɛ́ bi lɛ̄ ɓáɓɔŋle ɓáná á jóō lí Yésus.

Elōg-Kɔlínto 2 6:4

Á mveŋghanɛ́, biíg tɛ́lɛ ɓɛ́hɛ-mɛ̄n kaa ɓáɓɔŋle bí Ɔ́lolómɛ̄ á mam mísɛ, ɓá bí ŋga ɔ́hánɛ átē a ŋgandag kɔkɔ, ɓá bí ŋga ɔ́hánɛ ndutu, mivíhá, woŋ ǹcɛ́ŋ,

Elōg-Éféso 1:9

A yɛ́ɛ́léné ɓɛ́hɛ mbaŋ nyí nsom wɛ́ɛ́, ɔ yɛ́ɛ́léné ki ɓɛ́hɛ peg a vúl la m̀mím á m̀ɓɛɛŋ ɔ́sū ví eceg á jóō lí Nyɔ́-a-Pɔ́hlɛ.

Elōg-Éféso 6:19

Kánhánɛ ki ányúū yáma á lí ɓɔŋ nɛ́ Ɔlolómɛ̄ a tí ma biɓaŋgá bí kɔ́ɔ̄, bí ma nyɛ́ɛ lí lɛglene lí mbaŋ nyí Pɔ́l M̀ɓɛɛŋ la akwáá.

Elōg-Kólóso 2:2

La náŋ, mag somo nɛ́ ɓɛ́nɛ bísɛ miní ɓɛ́la mikúndá, miní ɓɛ́ jam já átē a ediŋ, miní yál la eyí, nɛ́ ndí miní yí mbaŋ Ɔlolómɛ̄, nyí ɛ lɛ̄ Yésus Kilístus.

Elōg-Kólóso 4:3

Á nlemlem á éceg, kánhánɛ ki ányúū yáhá nɛ Ɔlolómɛ̄ a legé ɓɛ́hɛ nzen ányúū Pɔ́l M̀ɓɛɛŋ bi ŋga lɛ́gɛ, nɛ́ ndí mi lɛ́gɛ́ mbaŋ nyí Kilístus, átɔm nɛ́ ányúū náŋ nɛ́ mi lɛ á m̀ɓog.

Timotéo 1 3:16

Kɔɔ la mbálɛ, mbaŋ nyí ŋyéɓé wáhá ɛ lɛ̄ écɛ̄ŋ. Yɔ nɛ́ ɛ lɛ nɛ́: Yésus Kilístus nyɔ́ a sɔ́ la nyuú nyí mut-a-binam, M̀búl Mpúán a étɛ́ ɓɛ́hɛ liɓɛ́ɛg jɛ́ɛ́ lí sim, áŋgɛl ki yú mɛ̄mɛ́ nyɛ, ɔ lɛ̄glɛ́ á yóg ɓot bí ŋgíla ŋyéɓé, ɓot bú yéɓé la nyɛ́ á ŋkɔŋ-á-sí, ɔ ɓét á lōó, ɔ kūh lípēm lí Ɔ́lolómɛ̄.

Timotéo 1 3:6

Āh nyɛɛ ɓé li ɓɛ́ lí mut a tíilé lí yéɓe la Ɔlolómɛ̄, ánsī nɛ́ kúmba ɛ táág dím nyɛ miíh la nyɛ́ a kūh ekɔ́ghɛ ákaa ǹsɔhɔ.

Timotéo 1 3:9

Ɓá nyɛɛ́ lí naŋɛ lí mbaŋ nyí ŋyéɓé á mímīm ɛ́h ɓɛ́ ɓé nɛ cíŋ-m̀mím yāɓá ɛ kááhɛ́ ɓɔ́.

Títo 1:7

Ɛ́g ɓat nɛ́, ŋ̀kanʼyɛ a Eɓasɛ, kasig a byɛ́ɛ̄ mbóŋ li oŋhan la mam mí Ɔlolómɛ̄ a nyɛ́ɛ li ɓɛ́ ŋgíla ɔnɛ́g. La náŋ āh nyɛɛ ɓé lí ɓɛ́ lí kúmba, āh nyɛɛ ɓé lí ála ŋgandag, āh nyɛɛ ɓé lí ɓɛ́ lí yoóm-mílɔg, āh nyɛɛ ɓé lí ɓɛ́ lí mut-a-liɓólá, āh nyɛɛ ɓé lí kuhle lí mɔní á míyɛ̄ɛ̄hán.

Pétlos 1 4:10

Miníg óŋghan ɓɛ́nɛ la ɓɛ́nɛ, mut sig lí oŋle la likaale Ɔlolómɛ̄ a tí nyɛ, ákaa tāŋ ɓáɓɔŋle yí ɛ́ ŋga nyɔ̄ŋ eceg la patí míkaale Ɔlolómɛ̄ a tí ɓɔ.