Elōg-Kɔlínto 1 3:6 - Esaa-líat ɛ́ péná

⁶ Ma, ma ɓɛ̄l, Apólos nyɛ́ ɔ kóm míndīm, ndí Ɔlolómɛ̄ nɛ́ a ŋga náŋɛ̄.

Elōg-Kɔlínto 1 3:6 ပူးပေါင်းရင်းမြစ်များ

Misɔ́n mí Ɓáōmɓɛ 11:18

Ɛnɛ́ ɓot ɓá ámblé bíŋ biɓaŋgá, bú tɔ́ɔ̄ pií, bú ɓōtlé lí ɓégɛ lí Ɔ́lolómɛ̄ la li laga nɛ́: «Ɛ́ lɛ́ mbálɛ, Ɔlolómɛ̄ a tí ki milóm mí sē ɓé mí mí Élōg-Yúda póla nɛ́ mí vēŋé bílɛ̄m la mɔ́ mí kuh eniŋ éɓem.»

Misɔ́n mí Ɓáōmɓɛ 14:27

Ɛnɛ́ Póol la Balnábas ɓá pám á tísɔn Antiókia nyí Sília, bú kɔtánɛ́ ɓot bí Éɓasɛ á li máŋlɛ lí ɓɔ mam mísɛ Ɔlolómɛ̄ a ɓɔ̄ŋ li loole la ɓɔ́, ndí tín-tín kaa láá a lége ɓot bí sē ɓé ɓɔ́ɔ̄n bí Élōg-Yúda nzen nyí ŋyéɓé.

Misɔ́n mí Ɓáōmɓɛ 16:14

Mindígá wa múŋ á elɔŋ ɛ́ ɓondígá bí ŋgí yáŋa nɛ́ Lídia, ŋgɔn tísɔn nyí Tiatília, a ŋgí yéɓe la Ɔlolómɛ̄, a ŋgí nuŋu taŋ bívɛɛ́vɛ́ɛ bí míɓato mí ŋga véé díyɛ. A ŋgí ámble ɓɛ́hɛ, la Nyɔ́ŋ-Ɛsáŋɛ́ ɔ legé m̀mím wɛ́ɛ́ á lí ɓɔŋ nɛ́ a sɔ́ŋtánɛ biɓaŋgá bí Póol.

Misɔ́n mí Ɓáōmɓɛ 18:24

Mɔɔ́n Élōg-Yúda wa bí ŋga yáŋa nɛ́ Apólos, mbyááhɛ nyí tísɔn Alegsandēlíya á pámáá á tísɔn Eféso. A ŋgí yí ŋkwɛl, ag loohan ki li sɔ́ŋtánɛ lí Lícii-Lipúán.

Misɔ́n mí Ɓáōmɓɛ 19:1

Á éceg Apólos a ɓɛ́ɛ́ á tísɔn Kɔlínto nɛ́ Póol a sɔ́ɔ́ á Éféso, a looléé á ákolá ácɛ̄ŋ á ŋgokólá nyí yéŋ épah-ékombo. Ɛnɛ́ a sɔ́ɔ́, ɔ kɔ́p puh ɓáyēge,

Misɔ́n mí Ɓáōmɓɛ 21:19

Ɛnɛ́ Póol a táma ɓɔ, ɔ nándléné ɓɔ jam sig, kaa láá á nsɔ́n wɛ́ɛ́, Ɔlolómɛ̄ li loole la nyɛ́, a ɓɔ̄ŋlé ɓot bí sē ɓé ɓɔ́ɔ̄n bí Élōg-Yúda mam ŋgandag.

Elōg-Lóma 15:18

Ányúū nɛ́ mi sē ɓé tɔ ma nɛ́ ma ɓágá ányu á li pɔ́t lí jam tɔ já á nsɔ́n á Ɔ́lolómɛ̄, amáh sig yé Kilístus a ɓɔŋ li kele la ma. A ɓɔ̄ŋ nɛ́ mi óŋgánɛ ɓot bí sē ɓé ɓɔ́ɔ̄n bí Élōg-Yúda nɛ́ bí óglé Ɔ́lolómɛ̄. A ŋgí yáhɛ náŋ átē á biɓaŋgá mi ŋgí pɔ́t la átē a misɔ́n mi ŋgí sál.

Elōg-Kɔlínto 1 1:12

Mag somo li laga nɛ́, á élɔŋ yaná, nyɔ́ wa ag laga nɛ́: «Ma, mí lɛ̄ mut a Póol», nyɔ́ŋɔ́ aá: «Ma, mi lɛ̄ mut a Apólos», nyɔ́ŋɔ́ ntám aá: «Ma, mi lɛ nyɔ́ á Pétlos», nyɔ́ŋɔ́ ntám sīg-pɛ ag laga nɛ́: «Ma, mi lɛ̄ mut a Nyɔ́-a-Pɔ́hlɛ.»

Elōg-Kɔlínto 1 1:30

Nyɛ́ Ɔ́lolómɛ̄ nɛ́ a āt ɓɛ́nɛ la Yésus Kilístus, Yésus Kilístus ki ɔ ɓɛ́ peg ɛ ŋga sɔ́le la Ɔlolómɛ̄ ányúū yāhá. Li loole la nyɛ́ nɛ́ Ɔ́lolómɛ̄ a yáanɛ́ ɓɛ́hɛ ɓot bí lɛ́ sim, ɔ pɔ̄hɔ́ ɓɛ́hɛ ányúū yɛ́ɛ̄, la nyɛ́ ɔ ɓógtɛ́ ɓɛ́hɛ á míɓē.

Elōg-Kɔlínto 1 3:22

Ɛ́ ɓɛ́ Póol, ɛ́ ɓɛ́ Apólos tɔ Pétlos, ɛ́ ɓɛ́ ŋkɔŋ-á-sí, eniŋ tɔ nyɛmb, ɛ́ ɓɛ́ lɛn tɔ likɛ́ɛ́, bíŋ bísɛ bí lɛ́ ɛ́byāná.

Elōg-Kɔlínto 1 3:7

La náŋ, m̀ɓɛl a sē ɓé tɔ jam, ŋ̀kóm-míndīm a sē ɓé tɔ jam, Ɔlolómɛ̄ nyɛ́-ntámɛ́ nɛ́ a lɛ, nyɛ́ mut a ŋga náŋɛ̄.

Elōg-Kɔlínto 1 9:1

Á élōgyāŋ, ɓaá, mí sē ɓé kúndɛ é? Ɓaá, mí sē ɓé ŋ̀ómɓɛ é? Ɓaá, māh ɛ́n ɓé Ɛtáŋɛ wahá Yésus Kilístus é? Ɓaá, ɓɛ́nɛ ɓé nɛ́ miní lɛ́ mítām mí nsɔ́n wáma ma sál ányúū Nyɔ́ŋ-Ɛsáŋɛ́ é?

Elōg-Éféso 3:17

la ki nɛ́, átē a ŋyéɓé, Nyɔ́-a-Pɔ́hlɛ a tɔ́ɔ́ á mimím máná, nɛ́ ndí miní tɔ̄ɓéné átē á ediŋ, miní ólɓéné múŋ.

Elōg-Tésaloníka 1 1:5

Jɔ́ nɛ́, Pɔ́l M̀ɓɛɛŋ nyí ɓaá lɛgɛ́ ɓɛ́nɛ á mbóg yāná ɛ̄h mɓɛ́ ɓé ja mpɔ́t á ányu, ndí yá éthɛ́nɛ́ ŋguu yɛɛ́ ecɛ́ŋɛ́ á nsɔ́n á M̀búl Mpúán, ɛ́h ɓɛ́ ɓé péndan tɔ ya. La náŋ, miníg yí yɔɔ́yɔ́ɔ nyaa eniŋ ɓaá niŋ á póla yāná ányúū nsɛ́ŋ wáná.