Elōg-Kɔlínto 1 3:23 - Esaa-líat ɛ́ péná

²³ Ndí ɓɛ́nɛ, miní lɛ́ ɓá bí Nyɔ́-a-Pɔ́hlɛ, Nyɔ́-a-Pɔ́hlɛ ki ɔ ɓɛ́ nyɔ́ a Ɔlolómɛ̄.

Elōg-Kɔlínto 1 3:23 ပူးပေါင်းရင်းမြစ်များ

Matéus 17:5

Kasig a ɓɛ́ɛ́ a ŋgí pɔ́tɔg, mbaga ɛ ŋga páa yu bútyɛ́ ɓɔ, la cíŋ yu pámlé muŋ, yu lága nɛ: «Nyɔ́ nɛ́ a lɛ édidíŋɛ yáma Mɔɔ́n, nyɔ́ ma dīŋ lí pɔhɔ. Miní óglé nyɛ́!»

Yohánɛs 17:18

Nlemlem kaa wa óm ma á ŋkɔŋ-á-sí, náŋ nɛ́ mág ma óm ɓɔ́ á ŋkɔŋ-á-sí

Yohánɛs 17:21

nɛ́ ndí ɓɔ́ bísɛ bí ɓɛ́ mut wa kaa ma la wa Etāa, átɔm nɛ́ ɔ lɛ á até wama kaa mág mi lɛ á até wɔ́ɔ. Ɓɔ́g bí ɓɛ́ elɔŋ la ɓɛ́hɛ, á lí ɓɔŋ nɛ́ ɓot bí ŋkɔŋ-á-sí bí yéɓé nɛ́ wa nɛ́ wa óm ma.

Elōg-Lóma 14:8

Átɔm nɛ́, kí biíg niŋ, biíg niŋ ányúū Nyɔ́ŋ-Ɛsáŋɛ́, kí biíg wú, biíg wú ányúū Nyɔ́ŋ-Ɛsáŋɛ́. Jɔ́ nɛ́, ɓa ɓɛ́ á éniŋ tɔ ɓā wú, bi lɛ ɓá bí Nyɔ́ŋ-Ɛsáŋɛ́.

Elōg-Kɔlínto 1 11:3

Nyí vɔ́ŋɔ́ɔ, mi byɛ́ɛ́ kóó lí yíhɛ lí ɓɛ́nɛ nɛ́, Nyɔ́-a-Pɔ́hlɛ nɛ́ a lɛ ŋ̀kanʼyɛ a jóō nɛ̄ páam. Páam yu ɓɛ́ ŋ̀kanʼyɛ a mindígá, Ɔlolómɛ̄ ɔ ɓɛ́ ŋ̀kanʼyɛ a Nyɔ́-a-Pɔ́hlɛ.

Elōg-Kɔlínto 1 15:23

ndí, mut sig á ɛ́yɛ̄ɛ̄ éceg. Nyɔ́-a-Pɔ́hlɛ yágá kaa mut ɔsú a pāhye, ámbúh, ɓá bísɛ bí lɛ́ ndog yɛɛ́ ɓɔ́g bíg kɛ li pahye eceg a ŋga kɛ́ lí sɔ́.

Elōg-Kɔlínto 1 15:28

Eceg mam mísɛ mí ŋga kɛ́ lí ɓɛ́ á sí Mɔɔ́n, nyɛ́-mɛ̄n ag kɛ li ɓɛ́ á sí Ɔ́lolómɛ̄ nyɔ́ a vá mam mísɛ á sí nyɛ́ Mɔ́ɔ̄n, á lí ɓɔŋ nɛ́ Ɔlolómɛ̄ a ɓɛ́ nyɛ́ asɛ̄ á jóō nɛ́ jam.

Elōg-Kɔlínto 1 7:22

Átɔm nɛ́, ŋyɔ́ŋ nyú wá yáŋlɛ á ŋ̀atanɛ́ la Nyɔ́ŋ-Ɛsáŋɛ́ wa tɛ́lɛ́ kundɛ la Nyɔ́ŋ-Ɛsáŋɛ́. Nlemlem á jam, mut a yáŋlɛ kí a lɛ̄ kúndɛ, a lɛ ŋyɔ́ŋ á Nyɔ́-a-Pɔ́hlɛ.

Elōg-Kɔlínto 1 8:6

Ndí ányúū yāhá Loó a lɛ̄ wāhwa, nyɛ́ nɛ́ a lɛ́ Etāa, mam mísɛ míg sɔ́le la nyɛ́, ɓɛ́hɛ bísɛ ki biíg kɛ á yóg yɛ́ɛ̄. Nyɔ́ŋ-Ɛsáŋɛ́ ki a lɛ jā wāhwa, nyɛ́ nɛ́ a lɛ Yésus Kilístus, la nyɛ́ nɛ́ mam mísɛ má vēgɓɛ, la nyɛ́ ki nɛ́ ɓɛ́hɛ bísɛ bi lɛ́ á éniŋ.

Elōg-Kɔlínto 2 10:7

Léɓyán mam ákaa láá mí lɛ. Kíyáɓɛ́nɛ mut ag lem kɔɔ la nyɛ́-mɛ̄n nɛ́ a lɛ̄ mut a Nyɔ́-a-Pɔ́hlɛ, a yí náŋ ŋgele ya ányúū yɔ́ ɛ́sɛ. Kasig a lɛ mut a Nyɔ́-a-Pɔ́hlɛ, ɛnɛ ɓɛ́hɛ ki bi lɛ ɓot bí Nyɔ́-a-Pɔ́hlɛ.

Elōg-Gálátia 3:29

La náŋ, Kíyáɓɛ́nɛ miní lɛ́ ɓá bí Kilístus, ɛnɛ miní lɛ́ hɔ́ mbota nyí Áblaháam; miní lɛ́ ɓákoto-embámbá li oŋle la mikakanɛ mí Ɔ́lolómɛ̄.

Elōg-Gálátia 5:24

Ɓá bísɛ bí lɛ́ la Kilístus ɓá tomó nyúū yáɓá elɔŋ la kóó yɛ́ɛ́ ɛ́sɛ á mbásá.

Elōg-Éféso 1:10

A tɛ́ɛ́yɛ́ eceg á lí yáhɛ lí nyíŋ peg a vúl. Nyíŋ peg yɛ́ɛ̄ ɛ lɛ nɛ́ a kómánɛ̄ mam mísɛ mí lɛ́ á sí la á lōó, á lí vá lí mɔ́ á sí likanʼyɛ lí pɔ̄m ŋ̀kanʼyɛ nɛ́ Yésus Kilístus.