Elōg-Kɔlínto 1 3:13 - Esaa-líat ɛ́ péná

¹³ nsɔ́n á mut sig ág kɛ li ɛ́ni. Ɔlɔ́ ví bíkāāhɛ́nɛ́ víg kɛ wɔ́ lí yíhɛ, ányúū nɛ víŋ ɔlɔ́ víg kɛ li ɛ́nyéne a nzáan, la nyíŋ nzáan ɛ étɛ́ eɓɛ́lé yé nsɔ́n á mut sig.

Elōg-Kɔlínto 1 3:13 ပူးပေါင်းရင်းမြစ်များ

Matéus 10:15

La mbálɛ mag laga ɓɛ́nɛ nɛ́, á ɔ́lɔ̄ ví bíkááhɛ́nɛ́, ɓot bí nyíŋ tísɔn bíg kɛ li kuh lí ékɔ́ghɛ ecɛ́ŋ li loo lí ɓot bí Sódom la Gomóla.»

Matéus 16:27

Átɔm nɛ́ Mɔɔ́n Mut ag kɛ li sɔ́ elɔŋ la áŋgɛl yɛ́ɛ́ átē a lipém lí Ɛ́sāŋɛ́. La náŋ, ag kɛ li sála lí mut sig li oŋle la miɓɔŋɔg mɛ́ɛ́.

Lúkas 2:35

La náŋ, miɔ́ŋɔ mí mímīm mí ɓot míg kɛ li pám á ápūū; ndí wā-mɛ̄n Mālía, m̀byɛndɛ a esɔghe ag kɛ wa li túú li m̀mím.»

Elōg-Lóma 2:16

Náŋ nɛ́ a lɛ yé ɛ́ ŋga kɛ́ li ɛ́ni, á ɔ́lɔ̄ Ɔlolómɛ̄ a ŋga kɛ́ li kanʼyɛ lí Yésus Kilístus nɛ́ a kááhɛ́ míɓɔŋɔg mí sɔ́lɛ̄ mí ɓɔt bí bínam, kaa yé Pɔ́l M̀ɓɛɛŋ mi ŋga lɛ́gɛ ɛ ŋga máŋa.

Elōg-Lóma 2:5

Ndí, ákaa ɔ ŋgɔ lēt m̀mú, ɔ ŋgɔ́ tɔ́ɔ́ ɓé ki li veŋe lí bílɛ̄m, ɔg yáŋlé wā-mɛ̄n nlohanɛ́ a ndutu á ɔ́lɔ̄ Ɔ́lolómɛ̄ a ŋga kɛ́ li páha lí ɔ́ūn vɛ́ɛ́, la li yɛ́ɛ́léne lí ɓot nɛ́ nyɛ́ nɛ́ a lɛ̄ ŋ̀kááhɛ a tɛ́ɛ́.

Elōg-Kɔlínto 1 1:8

Nyɛ́ ki nɛ́ a ŋga kɛ́ ɓɛ́nɛ li letɛ lí nyúū li pám á lísūg, nɛ́ ndí miní ɓɛ́ ŋgíla ɔnɛ́g á ɔ́lɔ̄ ví mísɔ̄ mɛ́ɛ́.

Elōg-Kɔlínto 1 3:12

Tɔ mut a óŋ ja á loó lí jéŋ jaa la góol, sílba, la táŋ ŋgɔ̄g yí ɛ́ ŋga véé díyɛ, biɓám, ŋgalé tɔ la ŋgundɛ́,

Elōg-Kɔlínto 1 4:5

Ányúū náŋ, miníh kááhɛ́gɛ́ ɓé eceg ŋgí lí kɔ́lan, sɔ́kágánɛ́ Nyɔ́ŋ-Ɛsáŋɛ́ ag sɔ́. Nyɛ́ nɛ́ a ŋga kɛ́ li pámɛ á mípūū yé ɛ́sɛ ɛ́ sɔ́lɛ̄ á lívito, ag kɛ ki li yɛ́lɛ lí míɔ̄ŋɔ mí mímīm. La váŋ, Ɔlolómɛ̄ ag kɛ li ségɛ lí mut sig á nyaa ɛ kɔ́ɔ̄ la nyɛ́.

Timotéo 2 1:12

Ányúū náŋ nɛ́ mi ŋga ɔ́hánɛ bíŋ bisɔghe. Ndí náŋ a ŋgá kɔnɛ ɓé ma ɔ́sɔ̄n, átɔm nɛ́ mag yí la nzáá ma yéɓe, mi lɛ ki mbáki nɛ́ a byɛ́ɛ́ ŋguu li naŋɛ lí yé a byéehɛ́ ma nɛ́-tɛ́ɛla á ɔ́lɔ̄ vá tiile.

Timotéo 2 1:18

Nyɔ́ŋ-Ɛsáŋɛ́ a óŋgánɛ nɛ́ Ɔlolómɛ̄ a kɔ́n nyɛ́ ŋgɔ́ɔ́ á ɔ́lɔ̄ ví bíkááhɛ́nɛ́. Mam mísɛ ki a ɓɔ̄ŋlé ma á Éféso, ɔg yí mɔ́ m̀ɓɛɛŋ li loo lí ɓot bísɛ.

Timotéo 2 3:9

Ndí, bí ŋgá kɛ ɓé lí kɛ lí énɛŋɛ́ á míɓɔŋɔg máɓá, átɔm nɛ́ ɓot bísɛ bíg kɛ li ɛ́n nɛ́ ɓá yɔ́p, nlemlem kaa Yánɛs la Yámbɛ́lɛs bí kuhúú.

Timotéo 2 4:8

Nyí vɔ́ŋɔ́ɔ, Nyɔ́ŋ-Ɛsáŋɛ́ a nāŋʼyé mā ɔ́tot ví étɛ̄l-sim ákaa nsála, vɔ́ nɛ́ a ŋga kɛ́ ma lí tíi múŋ á ɔ́lɔ̄ ví bíkááhɛ́nɛ́, nyɛ́ ŋ̀kááhɛ a tɛ́ɛ́ sim. Ah mā-ntámɛ́ ɓé nɛ mi ŋga kɛ́ vɔ́ lí kuh, ndí ɓot bísɛ bí ŋga ɓɛ́la ediŋ yé mítiman mɛ́ɛ́.

Elōg-Hébɛl 10:25

Biíh cóóg ɓé ɓɛ́hɛ mikɔtán máhá ákaa ɓot ɓá, ɓá mwaán bíg túŋ átē. Ndí á mveŋghanɛ́, bi tíélán jā míkūndá, kasig miní ŋga ɛ́n nɛ́, ɔlɔ́ ví Nyɔ́ŋ-Ɛsáŋɛ́ ví lɛ́ lí siŋgle.

Pétlos 1 1:7

á lí ɓɔŋ nɛ́ míŋ miceglan mí étɛ ɔvega ví ŋyéɓé wáná. Góol ɛg lɔɓe, tɔ náŋ kaa bí ŋga vá yɔ á nzáan á lí yí kí nɛ́ ɛ lɛ taŋ. Nlemlem á jam nɛ́ bí ŋga li ɓɔ̄ŋ la ŋyéɓé wáná nyú á lɛ́ taŋ li loo lí nyíŋ góol, á lí ɓɔŋ nɛ́ miní kuh bíɓégɛ, lipém la adit eceg Yésus Kilístus a ŋga kɛ́ li étɛ lí nyúū yɛ́ɛ̄.

Pétlos 1 4:12

Á élōgyāŋ yé ediŋ, náŋ ah nyágɛ́gɛ́ ɓé ɓɛ́nɛ nɛ́ miní lɛ́ átē á nzáan miceglan, ɔ́ŋgɛn náŋ a lɛ́ ǹcɛn á jam.

Pétlos 2 3:10

Jɔ́ nɛ́, ɔlɔ́ ví Nyɔ́ŋ-Ɛsáŋɛ́ víg kɛ li sɔ́ kaa mut a wií. Múŋ á víŋ ɔlɔ́, loó líg kɛ li nyɔ́ŋ á sí ŋgandag eduŋgú, ápah byoóm byá díg á nzáan bí ŋga kɛ́ li sííɓe la ápah bí ŋga kɛ́ li kááhɛ lí ɓot bí ŋkɔŋ-á-sí la misɔ́n máɓá.

Pétlos 2 3:7

Nlemlem á eɓaŋgá wá ɓag sí lɛn la loó lí lɛn á lí laaŋke lí nzáan nyí ɛ ŋga kɛ́ ɓɔ́ lí sɔ́le, yú naŋɛ ki ɓɔ́ ányúū ɔlɔ́ ví ŋkál la ecɛ́hɛ yé ɓaɓɔŋ-miɓé.

Biyɛ́ɛ́léné 20:12

La ma mu ɛ́n ɓot ɓá wú, ɓacɛ́ŋ la ɓatɔ́ga bí tɛ́ɛ ɔ́sū ví étɔɓé-líkanʼyɛ; kálati yú vúúlɛ. Kálati etám yu vúúlɛ sīg-pɛ; yɔ nɛ́ ɛ lɛ kálati nyí eniŋ. Bú kááhɛ́ ɓot ɓá wú, mut sig li oŋle la miɓɔŋɔg mɛ́ɛ́, ákaa yá ciiɓɛ́ á kálati.