Elōg-Kɔlínto 1 2:7 - Esaa-líat ɛ́ péná

⁷ Biíg camanɛ jā peg nyí Ɔlolómɛ̄, nyí ɛ lɛ̄ mbaŋ, nyí ya tíg á lísɔl, nyí ɛ lɛ̄ nɛ́ Ɔlolómɛ̄ a ɓoŋháán mimbú ndí mímbú ɔ́sū ví eceg ányúū lipém jáhá.

Elōg-Kɔlínto 1 2:7 ပူးပေါင်းရင်းမြစ်များ

Matéus 11:25

Váŋ á yéŋ eceg, Yésus ɔ nyɔ̄ŋ mpɔ́t a byɛ́ nɛ́: «Mag tíi wa mítamlan Etāa, Ɛtáŋɛ nyɔ́ á sí la lóō, ányúū yé wa sɔ́ɔ̄ ɓot-bí-peg la ɓá bí éyī, ndí wu yɛ́ɛ́lé yɔ ɓot bí lɛ́ kaa ɓɔɔ́n ɓátɔ̄ga.

Matéus 13:35

Á ŋgí pɔ́t náŋ á lí ɓɔŋ nɛ́, yé ɛ́sɛ m̀pɔ́tle-a-Ɔlolómɛ̄ a pɔ́t ɛ́ yāl. A ŋgí laga nɛ́: «Mag kɛ li lege lí ányu á lí kanɛ lí áŋgaáŋgan. Mag kɛ li laga lí mam mí sɔ́lɛ̄ li ɓotle á ɔ́kolpáŋá.»

Elōg-Lóma 11:25

Á élōgyāŋ, mag somo ɓɛ́nɛ li yíhɛ lí ŋ̀yɛ́ɛ́lāg á mbaŋ, á lí ɓɔŋ nɛ́ miníh nyɔŋɔ́g ɓé ɓɛ́nɛ-mɛ̄n kaa ɓot bí peg. Jogo lí ɓot bí lílōm lí Íslāɛl lá pún lí sɔ́ŋtánɛ, náŋ ag kɛ li ɓemle tɛɛ míŋí mílōm mísɛ má ōŋ nzen Ɔlolómɛ̄.

Elōg-Lóma 8:29

Ɓá a man lí pɔhɔ, a mān lí súgɛ nɛ́ bíg yáan puh la puh á épunan yé Mɔ́ɔ̄n wɛ́ɛ̄, nɛ́ ndí nyɔ́ŋ Mɔɔ́n wɛ́ɛ̄ a ɓɛ́ nyɔ́ ɔsú á lí byáa átē a linyaŋ licɛ́ŋ lí ɓot.

Elōg-Lóma 8:30

Ɓá a mān lí pɔhɔ, a yáŋá ki ɓɔ́, ɓá a yáŋa, a yáanɛ́ ki ɓɔ́ ɓot bí tɛ́ɛ́ sim, ɓá ki yáanɛ́ ɓot bí tɛ́ɛ́ sim, ɓɔ́g a tí ɓɔ lipém.

Elōg-Kɔlínto 1 2:1

Á élōgyāŋ, mā-mɛ̄n, eceg mi sɔ́ɔ́ á yóg yāná, ah la ɔlaló ví lí yí lí ŋkwɛl tɔ la nlohanɛ́ a eyí ɓé nɛ mi sɔ́ɔ́ ɓɛ́nɛ li lɛgɛ lí mbaŋ likɔlɓan la Ɔlolómɛ̄.

Elōg-Éféso 1:4

Átē a ediŋ yɛ́ɛ́, a dúgú ɓɛ́hɛ li pɔhɔ sɔ́kágánɛ́ ŋkɔŋ-á-sí ág vegɓɛ, nɛ́ bi átán la Nyɔ́-a-Pɔ́hlɛ, la nɛ́ bi ɓɛ́ ɓápūán, ŋgíla ɔnɛ́g ɔ́sū vɛ́ɛ́.

Elōg-Éféso 3:10

Jɔ́ nɛ́, li ɓotle nyí vɔ́ŋɔ́ɔ, li loole la Eɓasɛ nɛ́ Migɔ́mna la Ɓakanʼyɛ bí lɛ́ á lóō bí ŋga kɛ́ lí yí lí peg Ɔlolómɛ̄ á pánd ɛ́sɛ,

Timotéo 2 1:9

nyɔ́ a sūŋ ɓɛ́hɛ, nyɔ́ a yáŋá ɓɛ́hɛ la ŋyáŋlán mpúán, ɔ yáŋá ɓɛ́hɛ ah ányúū misɔ́n máhá ɓé, ndí ányúū peg yɛɛ́ a vúl la elɔ́ŋgɔ yɛ́ɛ́ m̀mím. A étɛ́ ɓɛ́hɛ yéŋ elɔ́ŋgɔ yɛ́ɛ́ m̀mím yɔŋ ɔ́sū ví éceg li kele la Yésus Kilístus.

Elōg-Hébɛl 1:2

Ndí, á nyú alɔ́ wá tiile bi byɛɛ́, Ɔlolómɛ̄ a pɔ́tɛ́ ɓɛ́hɛ li loole la Mɔɔ́n wɛ́ɛ̄. Li loole la nyɔ́ŋ Mɔɔ́n nɛ a vēg ŋkɔŋ-á-sí ásɛ la mam mí lɛ́ átē, ɔ tɛ́ɛ́yɛ́ nyɛ ŋ̀koto-embámbá yé mam mísɛ.

Elōg-Hébɛl 11:3

Li kele la ŋyéɓé ki nɛ́ bi ŋga sɔ́ŋtánɛ nɛ́ la eɓaŋgá nɛ Ɔlolómɛ̄ a vegéé mam mísɛ. La náŋ, yé ɛ́ ŋga ɛ́ni á ŋkɔŋ-á-sí ɛ́g sɔ́léne á yé ɛ́ ŋgá ɛ́ni ɓé.

Pétlos 1 1:11

Ɓáŋ ɓapɔ́tle-bí-Ɔ́lolómɛ̄ ɓá somó lí sɔ́ŋtánɛ á yɔɔ́yɔ́ɔ eceg la láá míŋ mam mí ŋga kɛ́ li ɓɔŋɓɛ, li oŋle kaa M̀búl á Kilístus nyɔ́ á ɓɛ́ɛ́ ɓɔ́ átē, a yíhɛ ɓɔ ɔ́sū ví éceg, bísɔghe Nyɔ́-a-Pɔ́hlɛ a ŋga kɛ́ li kuh la lipém lí ŋga kɛ́ li sɔ́ ámbúh bíŋ bisɔghe.

Pétlos 1 5:1

Mag kwɛlɛ hɔ́ ɓácɛ̄ŋ bí éɓasɛ bí lɛ́ á póla yaná, ányúū nɛ mág mi lɛ ǹcɛ́ŋ a eɓasɛ kaa ɓɔ́. Mi lɛ mbóŋ nyí bisɔghe Nyɔ́-a-Pɔ́hlɛ a kūh, ma mut ma yáŋlɛ́ á li nyɔŋ lí ŋgaan á lípēm lí ŋga kɛ́ li ɛ́ni. Á ɓácɛ̄ŋ bí éɓasɛ, mag tíi ɓɛ́nɛ míkūndá nɛ́:

Pétlos 1 5:10

Ɔlolómɛ̄ nyɔ́ a byɛɛ́ joó nɛ likaale, nyɔ́ a yáŋá ɓɛ́nɛ á li níŋgi á lipém jɛ́ɛ́ lí eɓem elɔŋ la Yésus Kilístus, ag kɛ ɓɛ́nɛ li tɛ́ɛ́yɛ nyɛ́-mɛ̄n ámbúh esɔghe miní ŋga kɛ́ li kuh ányúū puh éceg. Ag kɛ ɓɛ́nɛ li letɛ lí nyúū, a ólɓɛ́ ɓɛ́nɛ, a yáánɛ́ ɓɛ́nɛ ndiŋ.

Pétlos 2 1:3

Ákaa ɛ́sɛ, ŋguu Ɔlolómɛ̄ ya káalé ɓɛ́hɛ yé ɛ́sɛ ɛ́ lɛ́ nsɛ́ŋ á éniŋ, yu ɓɔ̄ŋ nɛ bi tíŋɓé la Ɔlolómɛ̄, la náŋ, ya ɓɔ̄ŋ nɛ bí yí mut a yáŋá ɓɛ́hɛ nɛ́ bi nyɔ́ŋ ŋgaan á lípēm jɛ́ɛ́ la á misɔ́n mɛ́ɛ́ mí m̀ɓɛɛŋ.

Biyɛ́ɛ́léné 13:8

Ɓot bí ŋkɔŋ-á-sí bíg kɛ yɔ li ɓégɛ, ɓá moó máh ciiɓɛ ɓé á kálati eniŋ li ɓotle á míɓōtlé mí ŋkɔŋ-á-sí; á kálati eniŋ nyí mɔɔ́n ntómbɛ́ ɓá ól.