Elōg-Kɔlínto 1 2:4 - Esaa-líat ɛ́ péná

⁴ Ndí, ŋkwɛl wáma la likálo jáma bíh ɓɛ́ɛ́ ɓé lɛ̄ɛ́-lɛ̄ɛ́ ŋkwɛl nyú á peg nyí ɓot-bí-bínam, ndí ŋguu nyí M̀búl Mpúán nɛ ɛ ŋgí étɛ nɛ́ yé mi ŋga pɔ́t ɛ́ lɛ́ mbálɛ,

Elōg-Kɔlínto 1 2:4 ပူးပေါင်းရင်းမြစ်များ

Misɔ́n mí Ɓáōmɓɛ 20:27

Á mbálɛ, māh yɛndɛ ɓé ma jam tɔ já. Á mveŋghanɛ́, ma máŋlɛ́ ɓɛ́nɛ yé ɛ́sɛ Ɔlolómɛ̄ a pāŋ lí ɓɔŋ.

Misɔ́n mí Ɓáōmɓɛ 26:28

Káísa Agilípa ɔ tímānɛ̄ Póol nɛ́: «Eɔ́ŋɔ yɔ́ɔ ɛ́g laga wa nɛ́, ɛ́ ŋgí somlág jā puh nɛ́ ɔ yáánɛ́ ma ŋ̀yéɓe-a-Yésus!»

Elōg-Lóma 15:13

Ɔlolómɛ̄, nyɔ́ a ŋga tíi lipitá, a yáhɛ́ ɓɛ́nɛ la mivag, la nsaŋ átē á ŋyéɓé, nɛ́ ndí miní yál la lipitá li kele la ŋguu nyí M̀búl Mpúán.

Elōg-Lóma 15:19

Náŋ a ŋgí loole á ŋguu ndembye ɛ́ mam, á minɛ́ŋ la á ŋguu nyí M̀búl Mpúán. La náŋ, li ɓotle á Yélūsalɛm li pám nɛ́-tɛ́ɛ la á épah-ékombo yé Ilília, ma lɛgɛ Pɔ́l M̀ɓɛɛŋ nyí Kilístus pɛ́ɛ́ ɛsɛ̄.

Elōg-Lóma 16:18

Ányúū nɛ́, ɓot kaa ɓɔ́ bí ŋgá sále ɓé Nyɔ́-a-Pɔ́hlɛ Ɛtáŋɛ wahá, ndí bíg sál ja ányúū mibum máɓá, la ki nɛ́ bíg yɛ́ɛ ɓot bí sē ɓé pɛɛ la bilɔ́ŋgɔ bí bíɓaŋgá, ndí la lɛɛ́-lɛ̄ɛ́ yáɓá mikwɛl mí mínaa.

Elōg-Kɔlínto 1 1:17

Átɔm nɛ́, Nyɔ́-a-Pɔ́hlɛ āh óm ɓé ma á lí tíi lí nzóɓan. Ndí, a óm mā á lí lɛgɛ lí Pɔ́l M̀ɓɛɛŋ ɛ́h ɓɛ́ ɓé ma lí ɓɔŋle lí éyī-ŋkwɛl yé ɓot-bí-bínam, á lí ɓɔŋ nɛ́ nyɛmb nyí Nyɔ́-a-Pɔ́hlɛ a lōó lí mbásá ɛh ɓɛ́ɛ́g ɓé yɛ́mɛ̄ ɛ́ jam.

Elōg-Kɔlínto 1 2:1

Á élōgyāŋ, mā-mɛ̄n, eceg mi sɔ́ɔ́ á yóg yāná, ah la ɔlaló ví lí yí lí ŋkwɛl tɔ la nlohanɛ́ a eyí ɓé nɛ mi sɔ́ɔ́ ɓɛ́nɛ li lɛgɛ lí mbaŋ likɔlɓan la Ɔlolómɛ̄.

Elōg-Kɔlínto 1 2:13

La náŋ, bi ŋgá pɔ́tléne ɓé ɓɛ́hɛ míŋ mikaale la biɓaŋgá bí mut-a-binam a ŋga yéglɛ li oŋle la peg yɛɛ́, ndí biíg pɔ́tléne mɔ́ li oŋle la biɓaŋgá bí M̀búl á Ɔ́lolómɛ̄ a ŋga yéglɛ ɓɛ́hɛ, á lí pɔ́t lí mam mí M̀búl la biɓaŋgá bí M̀búl.

Elōg-Kɔlínto 1 4:20

Ányúū nɛ, Likanʼyɛ lí Ɔ́lolómɛ̄ lí sē ɓé jam lí mpɔ́t á ányu la anyu, ndí lí lɛ́léné á ŋguu nyí mísɔ̄n.

Elōg-Kɔlínto 2 6:6

Biíg étɛ nɛ́ bi lɛ ɓáɓɔŋle bí Ɔ́lolómɛ̄ á lí ɓɛ́ ŋgíla ɔnɛ́g, á lí ɓɛ́la lí taŋ-taŋ eyí, ányúū eɔ́hánɛ yáhá, ányúū elɔ́ŋgɔ m̀mím li loole la M̀búl Mpúán nyɔ́ a ŋga sál átē wāhá, ányúū taŋ yahá ediŋ,

Elōg-Gálátia 1:10

Nyí vɔ́ŋɔ́ɔ, ɓaá, mi byɛ́ɛ́ kóó la ɔɔ nyí ɓot bí binam tɔ nɛ́ nyí Ɔlolómɛ̄ é? Ɓaá, mag somo li nyɛɛle lí ɓot bí binam é? Ki ɓɔŋ nɛ́ mi ŋgí somo li nyɛɛle lí ɓot-bí-bínam, kí mi sē ɓé pɛ ma m̀ɓɔŋle a Kilístus.

Elōg-Kólóso 2:4

Mag laga náŋ á lí ɓɔŋ nɛ́ mut tɔ wa ah lɔ́ɔ́ndégé ɓé ɓɛ́nɛ la bilɔ́ŋgɔ bí míkwɛl.

Elōg-Tésaloníka 1 1:5

Jɔ́ nɛ́, Pɔ́l M̀ɓɛɛŋ nyí ɓaá lɛgɛ́ ɓɛ́nɛ á mbóg yāná ɛ̄h mɓɛ́ ɓé ja mpɔ́t á ányu, ndí yá éthɛ́nɛ́ ŋguu yɛɛ́ ecɛ́ŋɛ́ á nsɔ́n á M̀búl Mpúán, ɛ́h ɓɛ́ ɓé péndan tɔ ya. La náŋ, miníg yí yɔɔ́yɔ́ɔ nyaa eniŋ ɓaá niŋ á póla yāná ányúū nsɛ́ŋ wáná.

Pétlos 1 1:12

Ɔlolómɛ̄ a yɛ́ɛ́léné ɓɔ nɛ́, nyíŋ pɔ́l bí ŋgí lɛ́gɛ ɛh ɓɛ́ɛ́ ɓé ányúū yaɓá ɓɔ́-mɛ̄n, ndí ɛ ɓɛ́ɛ́ ányúū yāná. Yɔ nɛ́, nyí vɔ́ŋɔ́ɔ, ɓalɛgɛ Pɔ́l M̀ɓɛɛŋ bí ŋga lɛ́gɛ ɓɛ́nɛ la ŋguu nyí M̀búl Mpúán nyɔ́ a sɔ́lé á lōó. Nyíŋ pɔ́l, áŋgɛl yɔ́-mɛ̄n ɛ́g somo yɔ lí yí.

Pétlos 2 1:16

Ákaa ɛ́sɛ, aŋgaáŋgan ɓaá yí lí oŋanɛ, ah la wɔ́ ɓé nɛ ɓaá yíhɛ́ ɓɛ́nɛ nɛ́ Ɛtáŋɛ wahá Yésus Kilístus ag sɔ́ ŋyálāg la ŋguu, ndí ɓaá yíhɛ́ ɓɛ́nɛ nɛ́ ag sɔ́ ányúū nɛ miíh máhá má ɛ́n nyɛ́ átē a epaa yɛ́ɛ́ ɛ́sɛ.

Pétlos 2 2:18

Ákaa ɛ́sɛ, bí byɛ́ɛ́ biyógló bí míkwɛl mí ŋgíla eɓáha. Bíg loole la kóó-míson yí ɛ́ ŋga kɔ̄nhan mbɔɔla á lí lɔ́ɔ́nde lí ɓot ɓá sɔ́lé lí ɓógo á elɔŋ ɛ́ ɓot ɓá jáŋ.