Elōg-Kɔlínto 1 2:13 - Esaa-líat ɛ́ péná

¹³ La náŋ, bi ŋgá pɔ́tléne ɓé ɓɛ́hɛ míŋ mikaale la biɓaŋgá bí mut-a-binam a ŋga yéglɛ li oŋle la peg yɛɛ́, ndí biíg pɔ́tléne mɔ́ li oŋle la biɓaŋgá bí M̀búl á Ɔ́lolómɛ̄ a ŋga yéglɛ ɓɛ́hɛ, á lí pɔ́t lí mam mí M̀búl la biɓaŋgá bí M̀búl.

Elōg-Kɔlínto 1 2:13 ပူးပေါင်းရင်းမြစ်များ

Lúkas 12:12

Átɔm nɛ́, váŋ á nyíŋ ŋgɛ́ŋ yɔ-mɛ̄n, M̀búl Mpúán ag kɛ ɓɛ́nɛ li yéglɛ lí yé maná nyɛ́ɛ lí pɔ́t.»

Misɔ́n mí Ɓáōmɓɛ 2:4

Ɓɔ́ bísɛ, ŋyálāg la M̀búl Mpúán, bú ɓōtlé lí pɔ́t lí mípɔ̄t mitám ákaa M̀búl a ŋgí yígle mut sig nɛ́ a pɔ̄t.

Elōg-Kɔlínto 1 1:17

Átɔm nɛ́, Nyɔ́-a-Pɔ́hlɛ āh óm ɓé ma á lí tíi lí nzóɓan. Ndí, a óm mā á lí lɛgɛ lí Pɔ́l M̀ɓɛɛŋ ɛ́h ɓɛ́ ɓé ma lí ɓɔŋle lí éyī-ŋkwɛl yé ɓot-bí-bínam, á lí ɓɔŋ nɛ́ nyɛmb nyí Nyɔ́-a-Pɔ́hlɛ a lōó lí mbásá ɛh ɓɛ́ɛ́g ɓé yɛ́mɛ̄ ɛ́ jam.

Elōg-Kɔlínto 1 14:2

Á mbálɛ, nyɔ́ la nyɔ́ a ŋga pɔ́t álēmb ákaa M̀búl Mpúán a ŋga yígle nyɛ́, a ŋgá pɔ́tɛ ɓé ɓot-bí-bínam, ndí ag pɔ́tɛ ja Ɔ́lolómɛ̄, átɔm nɛ́ tɔ mut a ŋgá sɔ́ŋtánɛ ɓé nyɛ. M̀búl Mpúán nɛ a ŋga yígle nyɛ́ á lí lɛgɛ lí mam mí mbaŋ.

Elōg-Kɔlínto 1 2:1

Á élōgyāŋ, mā-mɛ̄n, eceg mi sɔ́ɔ́ á yóg yāná, ah la ɔlaló ví lí yí lí ŋkwɛl tɔ la nlohanɛ́ a eyí ɓé nɛ mi sɔ́ɔ́ ɓɛ́nɛ li lɛgɛ lí mbaŋ likɔlɓan la Ɔlolómɛ̄.

Elōg-Kɔlínto 1 2:14

Mut nyɔ́ a tɔɓéné jā á líɓɛ́ɛg jɛ́ɛ́ lí mut-a-binam jɔ́-ntámɛ́, a ŋgá yéɓe ɓé yé ɛ́ ŋga sɔ́léne la M̀búl á Ɔ́lolómɛ̄. Bíŋ bísɛ bí lɛ́ jā nzeg ányúū yɛ́ɛ̄, a ŋgá la ɓé lí yí lí tɔ jam átē, átɔm nɛ́ M̀búl Mpúán nɛ a ŋga yíhɛ mut yé ɛ́ lɛ́ m̀ɓɛɛŋ la yé ɛ́ lɛ́ áɓē á míŋ mam.

Elōg-Kɔlínto 1 2:4

Ndí, ŋkwɛl wáma la likálo jáma bíh ɓɛ́ɛ́ ɓé lɛ̄ɛ́-lɛ̄ɛ́ ŋkwɛl nyú á peg nyí ɓot-bí-bínam, ndí ŋguu nyí M̀búl Mpúán nɛ ɛ ŋgí étɛ nɛ́ yé mi ŋga pɔ́t ɛ́ lɛ́ mbálɛ,

Elōg-Kɔlínto 1 9:11

Kíyáɓɛ́nɛ ɓaá ɓɛl bilɔ́ŋgɔ bí mam bí M̀búl Mpúán átē wāná, ɓaá, yéé yá lóohán lí ɓɛ́ lí áɓē nɛ́ bi púmú jóga já lí míɓɛɛŋ máná é?

Elōg-Éféso 5:19

Ɓɛ́nɛ bísɛ elɔŋ, lɔ́ŋghánɛ byaá, la ŋgoso-eɓégɛ, byaá bí ŋga sɔ́le la M̀búl, lɔ́ŋghánɛ, ɓéghánɛ Nyɔ́ŋ-Ɛsáŋɛ́ la m̀mím wáná ásɛ.

Elōg-Kólóso 3:16

Eɓaŋgá Kilístus ɛ́ tɔ́ɔ á póla yáná la abyaŋ wɛ́ɛ́ ásɛ. Jɔ́ nɛ́, mut sig a yéglɛ́ nyɔ́ŋɔ́, miní tíélán ŋgéélé ɓɛ́nɛ la ɓɛ́nɛ átē a peg. Tíán Ɔlolómɛ̄ mítamlan la m̀mím wáná ásɛ, lóŋghánɛ̄ nyɛ́ byaá bí ŋgoso enyɛŋgɛ, byaá bí lípēm la byaá bí éɓégɛ bí ŋga sɔ́le la M̀búl Mpúán.

Pétlos 1 1:12

Ɔlolómɛ̄ a yɛ́ɛ́léné ɓɔ nɛ́, nyíŋ pɔ́l bí ŋgí lɛ́gɛ ɛh ɓɛ́ɛ́ ɓé ányúū yaɓá ɓɔ́-mɛ̄n, ndí ɛ ɓɛ́ɛ́ ányúū yāná. Yɔ nɛ́, nyí vɔ́ŋɔ́ɔ, ɓalɛgɛ Pɔ́l M̀ɓɛɛŋ bí ŋga lɛ́gɛ ɓɛ́nɛ la ŋguu nyí M̀búl Mpúán nyɔ́ a sɔ́lé á lōó. Nyíŋ pɔ́l, áŋgɛl yɔ́-mɛ̄n ɛ́g somo yɔ lí yí.

Pétlos 2 1:16

Ákaa ɛ́sɛ, aŋgaáŋgan ɓaá yí lí oŋanɛ, ah la wɔ́ ɓé nɛ ɓaá yíhɛ́ ɓɛ́nɛ nɛ́ Ɛtáŋɛ wahá Yésus Kilístus ag sɔ́ ŋyálāg la ŋguu, ndí ɓaá yíhɛ́ ɓɛ́nɛ nɛ́ ag sɔ́ ányúū nɛ miíh máhá má ɛ́n nyɛ́ átē a epaa yɛ́ɛ́ ɛ́sɛ.