Elōg-Kɔlínto 1 16:16 - Esaa-líat ɛ́ péná

¹⁶ Miní óglé hɔ́ ɓot bí lɛ́ kaa ɓɔ́, la tɔ nzáá ki a ŋga nyɔ̄ŋ ŋgaan á mísɔ̄n máɓá la á ésɔghe yáɓá.

Elōg-Kɔlínto 1 16:16 ပူးပေါင်းရင်းမြစ်များ

Elōg-Lóma 16:12

Miní tamlege ma Tilífɛn la Tilifósɛ, ɓá ɓá sál ŋgándag ányúū Nyɔ́ŋ-Ɛsáŋɛ́. Miní tamlege ki ma mɔɔ́lyāŋ a mindígá nyɔ́-a-ediŋ Pɛ́lsis, nyɛ́g a sál ŋgándag ányúū Nyɔ́ŋ-Ɛsáŋɛ́.

Elōg-Lóma 16:3

Miní tamlege ma Pilíska la Akílas, ɓasál élɔŋ la ma á nsɔ́n á Yésus Kilístus.

Elōg-Lóma 16:6

Miní tamlege ma Malía nyɔ́ a sál ŋgándag ányúū yāná.

Elōg-Lóma 16:9

Miní tamlege ma Úlbɛn, liwándá jáhá lí nsɔ́n, á nsɔ́n á Nyɔ́-a-Pɔ́hlɛ, miní tamlege ki ma taŋ yama liwándá Stákis.

Elōg-Kɔlínto 1 12:28

Ɓot Ɔlolómɛ̄ a tɛ́ɛ́yɛ́ á Éɓasɛ bí lɛ́: ɓaómɓɛ kaa ɓot bí ɔ́sū, ɓapɔ́tle-bí-Ɔ́lolómɛ̄ kaa ɓot ɓá yáhɛ́ bíɓáa, ɓayéglɛ á Éɓasɛ kaa ɓá yáhɛ́ bíŋháa, ámbúh náŋ ɓot ɓá kuh líkaale á lí ɓɔŋ lí mínɛ̄ŋ, likaale lí lí tɔɔyɛ lí ɓot mbólí, likaale lí lí nit lí ɓot, likaale jé lí lí yí lí lí wɛɛla lí ɓot, likaale jé lí lí pɔ́t lí álēmb.

Elōg-Kɔlínto 1 3:9

átɔm nɛ́ ɓɛ́hɛ bísɛ biíg sál nsɔ́n á Ɔ́lolómɛ̄ élɔŋ, ndí ɓɛ́nɛ miní lɛ́ ǹdíí á Ɔlolómɛ̄, mióŋ mí Ɔlolómɛ̄.

Elōg-Éféso 5:21

Ɓɛ́nɛ ɓakɔn Nyɔ́-a-Pɔ́hlɛ woŋ, miní tíélán ádit.

Elōg-Fílípi 4:3

Wág á taŋ yama liwándá lí nsɔ́n, mag sɔ́hye wa nɛ́ ɔ óŋgánɛ ɓáŋ ɓondígá, átɔm nɛ́ ɓɔ́ la Kelemāŋ la míŋí míwāndá mí nsɔ́n mísɛ, ɓaá du elɔŋ á lí camanɛ lí Pɔ́l M̀ɓɛɛŋ, ɓɛ́hɛ ɓá moó má ciiɓɛ́ á kálati nyí eniŋ.

Elōg-Tésaloníka 1 1:3

Ɔ́sū ví Ɔ́lolómɛ̄, biíg ɔ́ŋɔ ɓɛ́nɛ eceg ɛ́sɛ, ɛ́h ɓɛ́ ɓé lí tɔmb ányúū ŋyéɓé wáná nyú a ŋga ɛ́ni á mísɔ̄n, ányúū ediŋ yáná yé ɛ́ ŋga ɛ́ni, la ányúū litiŋbene jáná á ŋyéɓé miní byɛ́ɛ̄ la Nyɔ́ŋ-Ɛsáŋɛ́ Yésus Kilístus.

Elōg-Tésaloníka 1 2:9

Á élōgyāŋ, miní ŋgí ɔ́ŋlāg misɔ́n máhá la etɔmb yáhá, eceg bi ŋgí lɛgɛ ɓɛ́nɛ Pɔ́l M̀ɓɛɛŋ nyí Ɔlolómɛ̄. Bi ŋgí sál díɓe la nzámuh, á lí pún nɛ́ bīh ɓɛ́ɛ́g ɓé ɓɛ́hɛ mbɛgɛ nyí mut waná tɔ wa.

Elōg-Tésaloníka 1 5:12

Á élōgyāŋ, biíg sɔ́hye ɓɛ́nɛ nɛ́ miní dítɛ̄ ɓá bí ŋga nyɔ̄ŋ esɔghe ŋgandag á póla yāná, ɓɔ́ nɛ́ bí ŋga táthan la ɓɛ́nɛ á joó lí Nyɔ́ŋ-Ɛsáŋɛ́, ɓɔ́ ki nɛ́ bí ŋga ééle ɓɛ́nɛ.

Timotéo 1 5:17

Á yé ɛ́ ŋga légɓe ɓacɛ́ŋ bí Éɓasɛ, ɓá bí ŋga wɛ́ɛla etɛ́l yáɓá m̀ɓɛɛŋ, bí kɔ́ɔ́ la nsála ŋgele ɛ́ɓáa, ndí tín-tín ɓá bí ŋga nyɔ̄ŋ ndutu li lɛgɛ lí Eɓaŋgá Ɔ́lolómɛ̄ la li yéglɛ li yɔ̄.

Elōg-Hébɛl 13:17

Miní óglé ɓáwɛɛla-ɓɛ́nɛ, miní súhɛ̄ ɓɛ́nɛ-mɛ̄n á ŋgwáāg yāɓá, átɔm nɛ́ ɓɔ́ nɛ́ bí ŋga táthan la ɓɛ́nɛ, kasig ɓɔ́ nɛ́ bí ŋga kɛ́ li tíi lí Ɔ́lolómɛ̄ ndagle. Kí miníg ógle ɓɔ́, bíg la li ɓɔŋ lí nsɔ́n wáɓá la mivag, ɛ́h ɓɛ́ ɓé ntɔghanɛ́, ányúū nɛ kí bíg tɔghan, miní ŋgá tombanɛ ɓé tɔ jam á nsɔ́n wáɓá.

Elōg-Hébɛl 13:24

Miní tamlege mā ɓáwɛɛla ɓáná bísɛ la ndog-Ɔlolómɛ̄ ɛsɛ̄. Elōgyāŋ yáhá yé Ítália ɛ́g tama ɓɛ́nɛ.

Elōg-Hébɛl 6:10

Ákaa ɛ́sɛ, Ɔlolómɛ̄ ag ɓɔŋ jā mam mí tɛ́ɛ́, a ŋgá la ɓé lí vólánɛ lí nsɔ́n wáná, ndí tɔ ediŋ maná étɛ́ á ŋgwáāg yɛ́ɛ̄ li oŋle la yé miní ɓɔŋléé ndog-Ɔlolómɛ̄ á kwakwáŋɛ, la yé miní lɛ̄ yɔ li ɓɔŋle nyí lɛn.

Pétlos 1 5:5

Ɓɛ́nɛ ki, á áwāndá, miní suhɛ́ ɓɛ́nɛ-mɛ̄n á sí ɓácɛ̄ŋ bí éɓasɛ. Ɓɛ́nɛ bísɛ, á mam miní ŋga ɓɔ́ŋan ɔlɔ́ sig, miní ɓɛ́la esuhɛ-nyuú á póla yaná, átɔm nɛ́ Ɔlolómɛ̄ ag céŋ ɓot bí kúmba nzen, ndí, ag tíi ɓot bí ésuhɛ-nyuú míkaale mɛ́ɛ́.

Yohánɛs 3 1:8

Ɓɛ́hɛ hɔ́, biíg nyɛɛ li nit lí nyíŋ nyaa ɓōt, á lí ɓɔŋ nɛ́ ɓɛ́hɛ ki bi óŋgánɛ á li camanɛ lí mbálɛ elɔŋ la ɓɔ́.

Biyɛ́ɛ́léné 2:3

Ɔ byɛ́ɛ m̀ɓán, wa táka ányúū joó jáma, ndí tɔ la náŋ wu létɛ̄ nyúū.