Elōg-Kɔlínto 1 15:8 - Esaa-líat ɛ́ péná

⁸ Á mísúgle, ɔ pámlé ki ma, mā ví ɔpɛ́ndhá ví mut váh byáá ɓé á éceg,

Elōg-Kɔlínto 1 15:8 ပူးပေါင်းရင်းမြစ်များ

Misɔ́n mí Ɓáōmɓɛ 18:9

Díɓe já, Nyɔ́ŋ-Ɛsáŋɛ́ ɔ lága Póol á ŋ̀ɛ́nānɛ́ nɛ́: «Ɔh kɔnɔ́g ɓé woŋ, kondyé lí pɔ́t, ɔh tɔɓág ɓé pií,

Misɔ́n mí Ɓáōmɓɛ 22:14

Ɔ laga ma nɛ́: ‹Lōó lí ɓatāa a pɔ́hɔ̄ wa ɔsú ví eceg nɛ́ ɔ yí nsom wɛ́ɛ́, ɔ ɛ́n Nyɔ́ a tɛ́ɛ́ sim, ɔ ámblé ki cíŋ yɛ́ɛ̄.

Misɔ́n mí Ɓáōmɓɛ 22:18

Váŋ nɛ́ ma ɛ́n Nyɔ́ŋ-Ɛsáŋɛ́ ag laga ma nɛ́: ‹Vóɛ li ɓógo á Yélūsalɛm ɛ́h ɓɛ́ ɓé lí bíŋhan, ányúū nɛ́ bí ŋgá kɛ ɓé li yéɓé lí mbóŋ ɔ ŋgɔ kɛ li tíi ányúū yáma.›

Misɔ́n mí Ɓáōmɓɛ 22:6

Mi ŋgí kɛ yama mag wɛɛ á nzen, li siŋgle á tísɔn Dámas, á ékūyá-kúyá, mam mí kɔsi, mipúú mícɛ̄ŋ mú sɔ́lé á lóō, mú bútyɛ́ ma la ŋguu epaa.

Misɔ́n mí Ɓáōmɓɛ 26:12

Náŋ nɛ́, ɔlɔ́ vá, mi ŋgí kɛ á tísɔn Dámas, ŋyálāg la ŋguu la ndag nyí tóɓó-tóɓó ɓakanʼyɛ ɓatíi-nsúlé bí tíéé ma nɛ́ mi byéé ndog ɓayéɓe.

Misɔ́n mí Ɓáōmɓɛ 26:16

Nyí vɔ́ŋɔ́ɔ, tɛ́lɛ́, ma pámlé wa ányúū nɛ́, ma pɔ́hɔ wa á li ɓɛ́ lí m̀ɓɔŋle wama la li tíi lí mbóŋ kaa wa ɛ́n ma nyí lɛn, la li lɛgɛ lí mam mi ŋga kɛ́ sīg-pɛ wa li étɛ.

Misɔ́n mí Ɓáōmɓɛ 9:17

La Ananías ɔ kɛ̄, ɔ níŋgí á nlɛ́ɛ́, ɔ kāhyɛ́ nyɛ mɔ, aá la nyɛ́ nɛ́: «Á mɔ́ɔ̄nɛ́tāŋ Sául, Nyɔ́ŋ-Ɛsáŋɛ́, nyɔ́ Yésus a pámlé wa á nzen yɔ́ɔ duwɛ, nyɛ́ nɛ́ a óm ma á lí ɓɔŋ nɛ́ ɔ tímān lí ɛ́nan, ɔ yál ki la M̀búl Mpúán.»

Elōg-Kɔlínto 1 9:1

Á élōgyāŋ, ɓaá, mí sē ɓé kúndɛ é? Ɓaá, mí sē ɓé ŋ̀ómɓɛ é? Ɓaá, māh ɛ́n ɓé Ɛtáŋɛ wahá Yésus Kilístus é? Ɓaá, ɓɛ́nɛ ɓé nɛ́ miní lɛ́ mítām mí nsɔ́n wáma ma sál ányúū Nyɔ́ŋ-Ɛsáŋɛ́ é?