Elōg-Kɔlínto 1 15:57 - Esaa-líat ɛ́ péná

⁵⁷ Bi tí Ɔlolómɛ̄ mítamlan, nyɔ́ a yígle ɓɛ́hɛ li dí lí nyɛmb cíŋ li kele la Ɛtáŋɛ wahá Yésus Kilístus.

Elōg-Kɔlínto 1 15:57 ပူးပေါင်းရင်းမြစ်များ

Yohánɛs 16:33

Mag laga ɓɛ́nɛ míŋ mam á lí somo nɛ́, á ŋ̀atanɛ́ la ma, miní ɓɛ́la nsaŋ. Miníg kɛ li taka mú á nyú ŋkɔŋ-á-sí, ndí, lethánɛ nyuú ányúū nɛ ma dí ŋkɔŋ-á-sí cíŋ.»

Misɔ́n mí Ɓáōmɓɛ 27:35

Muŋ á bíŋ biɓaŋgá, Póol ɔ nyɔ̄ŋ ékɔgá, ɔ tí Ɔ́lolómɛ̄ mítamlan ɔ́sū ví ɓot bísɛ, la nyɛ́ ɔ búg yɔ, ɔ ɓōtlé lí dí.

Elōg-Lóma 7:25

Eɓégɛ ɛ́ ɓɛ́ la Ɔlolómɛ̄ nyɔ́ a ŋga kɛ́ li ɓɔŋ náŋ li loole la Yésus Kilístus Ɛtáŋɛ wahá. Mā-ntámɛ́ hɔ́ nyɔŋ. Mú, eyí yáma ɛ́g óm ma lí ógle lí mbéndá Ɔlolómɛ̄, wóŋóó ki nyuú yáma ɛg óm ma lí ógle lí mbéndá nyí aɓé.

Elōg-Lóma 8:37

Ndí, bíŋ bísɛ, biíg dí byɔ cíŋ nɛ́ ɓam, li kele la ŋguu nyí nyɔ́ a díŋɛ́ ɓɛ́hɛ.

Elōg-Kɔlínto 1 15:51

Mag yɛ́ɛ́léne ɓɛ́nɛ mbaŋ ya. Ɓɛ́hɛ bísɛ bi ŋgá kɛ ɓé lí wú, ndí bíg kɛ ɓɛ́hɛ bísɛ li yaanɛ lí nyaa etám,

Elōg-Kɔlínto 2 1:11

Ɓɛ́nɛ ki, miníg óŋgánɛ ɓɛ́hɛ la mikánɛ máná. La náŋ, biíg kɛ li kúh lí míkaale li kele la mikánɛ mí ŋgandag ɓot yá kánɛ́ ányúū yāhá. Náŋ ki nɛ́ a ŋga kɛ́ li yígle lí ɓot ŋgandag nɛ́ bí tí Ɔlolómɛ̄ mítamlan ányúū yāhá.

Elōg-Kɔlínto 2 2:14

Mitamlan la Ɔlolómɛ̄ nyɔ́ a lɛ nɛ́, li loole la Nyɔ́-a-Pɔ́hlɛ, a tɛ́ɛ́ ɓɛ́hɛ ɔ́sū eceg ɛ́sɛ á lí níŋgɛ lí ɓɛ́hɛ á mísophɛ mí ésīmo yɛ́ɛ́. Nyɛ́ ki nɛ́, li loole la ɓɛ́hɛ, a ŋga mwɛ́h líbīndɛ lí ŋga ɓɔ̄ŋ nɛ́ bí yí nyɛ́ voóm sig.

Elōg-Kɔlínto 2 9:15

Mitamlan la Ɔlolómɛ̄ ányúū likaale jɛ́ɛ́ lí ŋgíla ŋget!

Elōg-Éféso 5:20

Eceg ɛ́sɛ, tɔ yé miní ŋga pɔ́t, tíán Ɔ́lolómɛ̄ mítamlan á jóō lí Ɛtáŋɛ wāhá Yésus Kilístus.

Elōg-Hébɛl 2:14

Kasig ɓáŋ ɓɔɔ́n bí lɛ́ ɓot-bí-bínam, bú oŋgɓɛ́ nyaa ya á nyuú la á micii, Yésus ki a yāán kaa ɓɔ́, ɔ púnān la ɓɔ́ á líɓɛ́ɛg lí mut-a-binam. Ányúū náŋ nɛ́, li kele la nyɛmb yɛɛ́, a yáanɛ́ ǹsɔhɔ yɛmɛ́, nyɔ́ a mɓɛ́ a byɛ́ɛ́ ŋguu nyí li óm á nyɛmb.

Biyɛ́ɛ́léné 12:11

Ndí, elōgétāŋ yáhá, yá dí nyɛ cíŋ, li loole la micii mí mɔɔ́n ntómbɛ́ la mbóŋ nyí eɓaŋgá Ɔ́lolómɛ̄ ɓá tíi. Ɓáh kɔn ɓé woŋ li tíi lí éniŋ yáɓá á nyɛmb.

Biyɛ́ɛ́léné 21:4

Ag kɛ ɓɔ́ lí tɔh lí bíya á miíh, nyɛmb ɛ ŋgá ɓɛ́ ɓé pɛ. Liwú lí ŋgá ɓɛ́ ɓé pɛ, tɔ milón, tɔ esɔghe, ánsī nɛ́ mam mí kwaŋ mí ŋkɔŋ-á-sí mí sē ɓé pɛ.