Elōg-Kɔlínto 1 15:4 - Esaa-líat ɛ́ péná

⁴ Ɔ jéɓɛ, á ɔ́lɔ̄ vá yáhɛ́ áŋháa ɔ pāhye ákaa Licii-Lipúán lí ŋga lága.

Elōg-Kɔlínto 1 15:4 ပူးပေါင်းရင်းမြစ်များ

Matéus 12:40

Nlemlem kaa Yónas a tɔɓéé á líbum lí kɔh ecɛ́ŋ míɓe míŋháa la nzámuh ɛ́ŋháa á sí mindím, náŋ ki nɛ́ Mɔɔ́n Mut a ŋga kɛ́ li tɔɔ míɓe míŋháa la nzámuh ɛ́ŋháa á sí-ntím.

Matéus 16:21

Váŋ á yéŋ eceg nɛ́ Yésus Kilístus a ɓōtlé lí yéglɛ lí ɓáyēge ɓɛ́ɛ́ nɛ́, ɛ́g somlɛ nɛ́ a ɓét á Yélūsalɛm, ɓacɛ́ŋ bí lílōmɛ, ɓakanʼyɛ ɓatíi-nsúlé la ɓayí-mbéndá bí teeŋgɛ́ nyɛ́ ŋgandag, bí ólhánɛ nyɛ́, ndí á ɔ́lɔ̄ vá yáhɛ áŋháa a páhyé.

Matéus 20:19

bí núŋú nyɛ́ á yóg ɓot bíh byɛ́ɛ́ ɓé ŋyéɓé la Ɔlolómɛ̄ á lí ɓɔŋ nɛ́ bí ɔl nyɛ́, bí lɔ́g nyɛ́ áso, bí tōmó nyɛ́ á mbásá ndí, á ɔ́lɔ̄ vá yáhɛ́ áŋháa a páhyé.»

Málkus 9:31

ányúū nɛ́ a ŋgí yéglɛ ɓayége ɓɛ́ɛ́ nɛ: «Mɔɔ́n Mut ag kɛ li nuŋlɛ á mɔ mí ɓot; bíg kɛ nyɛ li ól, ndí eceg a ŋga kɛ li wú, ag kɛ li pahye á ɔlɔ́ vá yáhɛ áŋháa.»

Lúkas 24:26

Ɓaá ɛ́ ŋga somlɛ ɓé yágá nɛ Nyɔ́-a-Pɔ́hlɛ a táká náŋ sɔ́kágánɛ́ ag níŋgi á lípēm jɛ́ɛ́ é?»

Lúkas 24:46

A byɛ́la ɓɔ́ nɛ́: «Náŋ a lɛ já yé ya ciiɓɛ́ nɛ: Nyɔ́-a-Pɔ́hlɛ ag kɛ li taka, ndí á ɔlɔ́ vá yáhɛ́ áŋháa a pāhye á póla ɓá ɓá wū.

Lúkas 9:22

Ɔ lēgléné ɓɔ nɛ́: «Ɛ́g somlɛ nɛ́ Mɔɔ́n Mut a táká ŋgandag, nɛ́ ɓacɛ́ŋ bí lílōmɛ, ɓakanʼyɛ ɓatíi-nsúlé la ɓayí-mbéndá bí táŋɓán nyɛ́; bí ólhánɛ nyɛ́, ndí a páhyé á ɔlɔ́ vá yáhɛ áŋháa.»

Yohánɛs 19:38

Ámbúh míŋ mam mísɛ, Yósɛp mut a tísɔn nyí Alimatéa, kasig a ɓɛ́ɛ́ ŋ̀yége á Yésus á nsɔlɓɛ́, ányúū nɛ a ŋgí kɔn ɓakanʼyɛ bí Élōg-Yúda woŋ, ɔ ɓāt Piláto kundɛ li ɓógtɛ lí m̀bim á Yésus á mbásá. Piláto ɔ yéɓe, la Yósɛp ɔ nyɔ̄ŋ m̀bim á Yésus.

Misɔ́n mí Ɓáōmɓɛ 1:3

Ákaa ɛ́sɛ, ɓɔ́ nɛ́ a pámléé ámbúh bisɔghe byɛ́ɛ́, á lí étɛ lí ɓɔ á patí ɛ́sɛ nɛ́ a lɛ á éniŋ. Múŋ á míŋ muúmínáa mí álɔ̄, ɔ pámlé ɓɔ, ɔ máŋlɛ́ ɓɔ mam mí Líkanʼyɛ lí Ɔ́lolómɛ̄.

Misɔ́n mí Ɓáōmɓɛ 17:31

Ákaa ɛ́sɛ, a tɛ́ɛ́yɛ́ ɔlɔ́ ví a ŋga kɛ́ li kááhɛ li ŋkɔŋ-á-sí á mbálɛ nyí tɛ́ɛ́ sim, li kele la mut a pɔ́hɔ, ákaa a tíéé ɓɛ́hɛ bísɛ ndembye, eceg a pahyɛ́ɛ́ nyɛ́ á póla ɓá ɓā wú.»

Elōg-Lóma 6:4

Li kele la nzoɓan nyí ɓaá kūh, ɓaá wú élɔŋ la nyɛ́, bu jéɓɛ̄ ki élɔŋ la nyɛ́, á li ɓɔŋ nɛ́, kaa ŋguu nyí lipém lí Étāa Ɔlolómɛ̄ ya pāhyɛ́ Yésus Kilístus á póla ɓá ɓá wū, ɓɛ́hɛ ki bi kúh eniŋ ɛ́ péná.

Elōg-Kólóso 2:12

Kaa maná jeɓɛ́ elɔŋ la kilístus li loole la nzóɓan, náŋ ki nɛ́ maná pahyé elɔŋ la nyɛ́, ányúū nɛ́ maná yéɓé la ŋguu nyí Ɔlolómɛ̄, nyɔ́ a pāhyɛ́ nyɛ á póla ɓá ɓá wū.

Elōg-Hébɛl 13:20

Ɔlolómɛ̄ Loó lí nsaŋ, nyɔ́ a pāhyɛ́ Ɛ́tāŋɛ wahá Yésus á nyɛmb, nyɔ́ a lɛ ǹtát mítōmbɛ́ ǹcɛ́ŋ. Li kele la micii mí Yésus nɛ́ ɓaá kuh ésaa-líat á éɓem la eɓem.

Pétlos 1 1:11

Ɓáŋ ɓapɔ́tle-bí-Ɔ́lolómɛ̄ ɓá somó lí sɔ́ŋtánɛ á yɔɔ́yɔ́ɔ eceg la láá míŋ mam mí ŋga kɛ́ li ɓɔŋɓɛ, li oŋle kaa M̀búl á Kilístus nyɔ́ á ɓɛ́ɛ́ ɓɔ́ átē, a yíhɛ ɓɔ ɔ́sū ví éceg, bísɔghe Nyɔ́-a-Pɔ́hlɛ a ŋga kɛ́ li kuh la lipém lí ŋga kɛ́ li sɔ́ ámbúh bíŋ bisɔghe.