Elōg-Kɔlínto 1 15:31 - Esaa-líat ɛ́ péná

³¹ Á élōgyāŋ, ɛ lɛ́ mbálɛ nɛ́ nyɛmb ɛ tɛ́ɛ́ ma ɔ́sū ɔlɔ́ sig, ányúū nɛ miní lɛ́ ewáhlé-ŋgáŋ yáma á ŋ̀atanɛ́ la Yésus Kilístus Ɛtáŋɛ wahá.

Elōg-Kɔlínto 1 15:31 ပူးပေါင်းရင်းမြစ်များ

Misɔ́n mí Ɓáōmɓɛ 20:23

Ndí ákaa ɛ́sɛ, M̀búl Mpúán ag yíhɛ ma nɛ́ á tísɔn sig, mitaka la m̀ɓog bíg laaŋke ma.

Elōg-Lóma 8:36

Ákaa Licii-Lipúán lí ŋga lága nɛ: «Ányúū yɔ́ɔ nɛ́ nyɛmb ɛ ŋga lɛ́ŋle ɓɛ́hɛ ɔlɔ́ la ɔlɔ́ sig, ɓaá nyɔŋɓɛ́ ákaa tít nɛ ɓá nyɛɛ́ lí sɛ́m lí cíŋ.»

Elōg-Kɔlínto 2 1:12

Á élōgyāŋ, yé ɛ́ lɛ́ éyātɓéné yáhá ɛ́ lɛ́ yé cíŋ-m̀mím yāhá ɛ ŋga yíhɛ ɓɛ́hɛ. Ɛg yíhɛ ɓɛ́hɛ nɛ́ ɓaá wɛɛ́ á ŋkɔŋ-á-sí, tín-tín á ŋgwáāg yāná la m̀mím á mípūū átē a mbálɛ á nyaa ɛ ŋga nyɛ́ɛle Ɔlolómɛ̄. Náŋ āh ɓɔŋɓɛ ɓé la peg nyí mut-a-binam, ndí la elɔ́ŋgɔ m̀mím yé Ɔlolómɛ̄ á ŋgwáāg yāhá.

Elōg-Kɔlínto 2 11:23

Ɓaá, ɓáŋ ɓot bí lɛ́ ɓáɓɔŋle bí Nyɔ́-a-Pɔ́hlɛ é? Má mi lɛ̄ m̀ɓɔŋle wɛɛ́ li loo lí ɓɔ̄, mág pɔ́t ákaa ŋ̀kɔn-nzeg! Ma sál mísɔ̄n mí ŋguu li loo lí ɓɔ̄, ma ɓɔ̄ŋ miɓog li loo lí ɓɔ̄, ma ɓōmɓɛ́ nlohanɛ́ lí loo lí ɓɔ̄, ma véé nyɛ̄mb ŋgele ŋgandag li loo lí ɓɔ̄!

Elōg-Kɔlínto 2 2:14

Mitamlan la Ɔlolómɛ̄ nyɔ́ a lɛ nɛ́, li loole la Nyɔ́-a-Pɔ́hlɛ, a tɛ́ɛ́ ɓɛ́hɛ ɔ́sū eceg ɛ́sɛ á lí níŋgɛ lí ɓɛ́hɛ á mísophɛ mí ésīmo yɛ́ɛ́. Nyɛ́ ki nɛ́, li loole la ɓɛ́hɛ, a ŋga mwɛ́h líbīndɛ lí ŋga ɓɔ̄ŋ nɛ́ bí yí nyɛ́ voóm sig.

Elōg-Fílípi 3:3

Á mbálɛ, titih míkwɛɛ́g mí ɓot ɛ́ lɛ́ ɓɛ́hɛ, ányúū nɛ ɓɛ́hɛ nɛ́ M̀búl á Ɔlolómɛ̄ a ŋga óŋgánɛ li ɓɔŋle lí nyɛ esaa epúán, ányúū nɛ Yésus Kilístus nɛ́ a lɛ ɓɛ́hɛ ɛyáhá éwāhlé-ŋgáŋ, la ki nɛ́ ɓɛ́hɛ bi ŋgá pitye ɓé ɓɛ́hɛ-mɛ̄n.

Elōg-Tésaloníka 1 2:19

Á mbálɛ, amáh ɓɛ́nɛ, nzáá ntám a lɛ̄ lipitá jáhá la mívag máhá é? Nzáá a lɛ ewáhlé-ŋgáŋ yáhá yé ɛ́ ŋga ɓɛ́ ɔ́tot váhá á ɔ́lɔ̄ ví mísɔ̄ mí Nyɔ́ŋ-Ɛsáŋɛ́ Yésus é?

Elōg-Tésaloníka 1 3:9

Yɔɔ́yɔ́ɔ nyaa mítamlan bi ŋga lá li tíi lí Ɔlolómɛ̄ ányúū yáná é? Kasig maná kɔnɛ́ ɓɛ́hɛ mivag ɔ́sū vɛ́ɛ́.