Elōg-Kɔlínto 1 14:27 - Esaa-líat ɛ́ péná

²⁷ Kí yá pám nɛ ɓot bí pɔ́t alémb, ɓot bíɓáa bí pɔ̄t, á ŋgandag ɛ́sɛ bíŋháa, ndí bí pɔ́t wa ámbúh nyɔ́ŋɔ́, ɛ́g ɓat ki nɛ́ mut ntám a ɓɛ́ nyɔ́ a ŋga kɔ́pɔ yé bí ŋga lága.

Elōg-Kɔlínto 1 14:27 ပူးပေါင်းရင်းမြစ်များ

Elōg-Kɔlínto 1 12:10

nyɔ́ŋɔ́ ntám, ɔ tí nyɛ li ɓɔŋ lí mínɛ̄ŋ, ntám sīg-pɛ ɔ tí nyɛ li pɔ́t á jóō lí Ɔ́lolómɛ̄, ntám sīg-pɛ, ɔ tí nyɛ likaale jé lí yí lí lí lem lí mímbūl, nyɔ́ŋɔ́ ntám sīg-pɛ ki, ɔ tí nyɛ li pɔ́t lí álēmb ákaa M̀búl a ŋgí yígle nyɛ́, ndí ɔ tí ki ntám eyí lí kɔpɔ lí wɔ.

Elōg-Kɔlínto 1 14:13

Jɔ́ nɛ́, mut a ŋga pɔ́t álēmb, a nyɛ́ɛ lí kánɛ nɛ́ a kūh likaale lí lí kɔpɔ lí wɔ̄.

Elōg-Kɔlínto 1 14:2

Á mbálɛ, nyɔ́ la nyɔ́ a ŋga pɔ́t álēmb ákaa M̀búl Mpúán a ŋga yígle nyɛ́, a ŋgá pɔ́tɛ ɓé ɓot-bí-bínam, ndí ag pɔ́tɛ ja Ɔ́lolómɛ̄, átɔm nɛ́ tɔ mut a ŋgá sɔ́ŋtánɛ ɓé nyɛ. M̀búl Mpúán nɛ a ŋga yígle nyɛ́ á lí lɛgɛ lí mam mí mbaŋ.

Elōg-Kɔlínto 1 14:26

Á élōgyāŋ, ɓaá, yéé yá nyɛɛ́ lí ɓɔŋɓɛ é? Eceg maná kɔtan, mut waná sig ag la li lɔ́ŋgɛ lí ŋgoso eɓasɛ, ag la li sɔ́la lí jam á lí yéglɛ tɔ biyɛ́ɛ́léné, ag la li pɔ́t lí álēmb tɔ li kɔpɔ lí wɔ̄. Ndí bíŋ bísɛ bíg nyɛɛ li ɓɔŋɓɛ á lí ólɓɛ lí ŋyéɓé á ɓot bísɛ.

Elōg-Kɔlínto 1 14:28

Kíyáɓɛ́nɛ ŋ̀kɔpɔ nyúŋ alémb a sē ɓé, nyɔ́ŋ mɔɔ́nɛ́tāŋ a ŋga pɔ́t a tɔ́ɔ̄ pií á éti, a pɔ́tɛ́ nyɛ́-mɛ̄n, a pɔ́tɛ́ ki Ɔlolómɛ̄ á ntim-la-ntim.

Elōg-Kɔlínto 1 14:5

Kóó yáma ɛ lɛ nɛ́, ɓɛ́nɛ bísɛ miní pɔ́t álēmb, ndí mag ɛ́n nsɛ́ŋ nɛ miní pɔ́t kaa ɓapɔ́tle-bí-Ɔ́lolómɛ̄. Átɔm nɛ́ mut a ŋga pɔ́t kaa m̀pɔ́tle-a-Ɔlolómɛ̄ ag loo nyɔ́ a ŋga pɔ́t álēmb, ɔ ɓógtɛ́ nɛ ag kɔpɔ yé ɛ́ ŋga pɔ́tɓɛ á lí ɓɔŋ nɛ́ ɓot bí éɓasɛ bísɛ bí óló á ŋyéɓé.