Elōg-Kɔlínto 1 14:2 - Esaa-líat ɛ́ péná

² Á mbálɛ, nyɔ́ la nyɔ́ a ŋga pɔ́t álēmb ákaa M̀búl Mpúán a ŋga yígle nyɛ́, a ŋgá pɔ́tɛ ɓé ɓot-bí-bínam, ndí ag pɔ́tɛ ja Ɔ́lolómɛ̄, átɔm nɛ́ tɔ mut a ŋgá sɔ́ŋtánɛ ɓé nyɛ. M̀búl Mpúán nɛ a ŋga yígle nyɛ́ á lí lɛgɛ lí mam mí mbaŋ.

Elōg-Kɔlínto 1 14:2 ပူးပေါင်းရင်းမြစ်များ

Matéus 13:11

Yésus ɔ pélē ɓɔ̄ nɛ́: «Ányúū nɛ́ ɓɛ́nɛ nɛ́ maná pɔhlɛ́ á lí yí lí mam mí mbaŋ nyí Ékombo-lóō. Ndí ah ɓáŋá ɓátām ɓé,

Málkus 16:17

Ndembye ɛ́ ŋga kɛ́ li wɛɛla lí ɓá bí ŋga kɛ́ li yéɓe ɛ́g ɓɛ́ nɛ́: á jóō jáma bíg kɛ li duhu lí mímbūl míɓē, bíg kɛ li pɔ́t lí mípɔ̄t mí péná,

Málkus 4:11

A byɛ́la ɓɔ́ nɛ́: «Ɓɛ́nɛ nɛ́ maná kūh líkaale jé lí lí yí lí mbaŋ Likanʼyɛ lí Ɔlolómɛ̄, ndí ɓáŋá ɓátām ya sɔ́lɔ́ ɓɔ.

Misɔ́n mí Ɓáōmɓɛ 10:46

Náŋ nɛ̄ a yíglé ɓɔ li ámble lí ɓáŋ ɓot bíg pɔ́t ɓacɛn bí mípɔ̄t mí mí ŋgá yílɛ ɓé á lí ɓégɛ lí Ɔlolómɛ̄. La Pétlos ɔ nyɔ̄ŋ sīg-pɛ mpɔ́t, a byɛ́ nɛ́:

Misɔ́n mí Ɓáōmɓɛ 19:6

Póol ɔ káhyɛ́ ɓɔ mɔ, la M̀búl Mpúán ɔ sūhlé ɓɔ. Bú ɓōtlé lí pɔ́t lí ɓácɛn bí mípɔ̄t ɓá ɓot bí ŋgí yí ɓé la li lɛgɛ lí mam á joó lí Ɔlolómɛ̄.

Misɔ́n mí Ɓáōmɓɛ 22:9

Ɓot bí elɔŋ yáma dúwɛ bí ɛ́nɛ́ɛ́ mípūū m̀ɓɛɛŋ, ndí bíh ámblée ɓé cíŋ ɛ ŋgí pɔ́tɛ ma.

Elōg-Lóma 16:25

Bi ɓégɛ́ Ɔlolómɛ̄ nyɔ́ a byɛ́ɛ̄ ŋguu li ólɓɛ lí ŋyéɓé wáná, kaa ɛ́ ŋga lāglɛ á Pɔ́l M̀ɓɛɛŋ nyí mi ŋga camanɛ, nyí ɛ ŋga yíhɛ ɓɛ́nɛ nzáá a lɛ Yésus Kilístus. Nyíŋ Pɔ́l M̀ɓɛɛŋ ya yɛ́lɛ́ mbaŋ nyí Ɔlolómɛ̄ nyí ɛ ɓɛ́ɛ́ ɛ́ sɔ́lɛ ɓɛɛvéé.

Elōg-Kɔlínto 1 12:10

nyɔ́ŋɔ́ ntám, ɔ tí nyɛ li ɓɔŋ lí mínɛ̄ŋ, ntám sīg-pɛ ɔ tí nyɛ li pɔ́t á jóō lí Ɔ́lolómɛ̄, ntám sīg-pɛ, ɔ tí nyɛ likaale jé lí yí lí lí lem lí mímbūl, nyɔ́ŋɔ́ ntám sīg-pɛ ki, ɔ tí nyɛ li pɔ́t lí álēmb ákaa M̀búl a ŋgí yígle nyɛ́, ndí ɔ tí ki ntám eyí lí kɔpɔ lí wɔ.

Elōg-Kɔlínto 1 12:28

Ɓot Ɔlolómɛ̄ a tɛ́ɛ́yɛ́ á Éɓasɛ bí lɛ́: ɓaómɓɛ kaa ɓot bí ɔ́sū, ɓapɔ́tle-bí-Ɔ́lolómɛ̄ kaa ɓot ɓá yáhɛ́ bíɓáa, ɓayéglɛ á Éɓasɛ kaa ɓá yáhɛ́ bíŋháa, ámbúh náŋ ɓot ɓá kuh líkaale á lí ɓɔŋ lí mínɛ̄ŋ, likaale lí lí tɔɔyɛ lí ɓot mbólí, likaale lí lí nit lí ɓot, likaale jé lí lí yí lí lí wɛɛla lí ɓot, likaale jé lí lí pɔ́t lí álēmb.

Elōg-Kɔlínto 1 13:1

Á élōgyāŋ, tɔ yá ɓɛ́ nɛ mag pɔ́t mípɔ̄t mí ɓot bí binam la mí mí áŋgɛl, kíyáɓɛ́nɛ mīh byɛ́ɛ́ ɓé ma édiŋ, mi lɛ ákaa eɓɛ́ndɛ́ yé ɛ́ ŋga ɓɔ̄ŋ eduŋgú, kaa ncéŋ nyú a ŋga kūt kóŋ-kóŋ.

Elōg-Kɔlínto 1 13:2

Tɔ yá ɓɛ́ nɛ ma kūh líkaale jé lí pɔ́t ákaa m̀pɔ́tle-a-Ɔlolómɛ̄, tɔ yá ɓɛ́ nɛ ma lā lí sɔ́ŋtánɛ lí mbaŋ yɔ́ ɛ́sɛ, la li yí lí mam mísɛ, tɔ yá ɓɛ́ nɛ ma ɓɛ́la ŋyéɓé á sí ɛsɛ̄, nyú a ŋga ɓɛgɛ akolá, kíyáɓɛ́nɛ míh byɛ́ɛ́ ɓé mā édiŋ, ɛnɛ mi sē ɓé mā tɔ jam.

Elōg-Kɔlínto 1 14:16

Ányúū nɛ, kíyáɓɛ́nɛ M̀búl a étɛ̄ wa nɛ́ ɔ tí Ɔlolómɛ̄ mítamlan la alémb, nɛ̄-láá hɔ́ yɛmɛ́ mut ɛ́ tɔ́ɔ̄ á póla ɓa-ámble wa ɛ́ ŋga lá li pele nɛ́: «Ɛ́ ɓɛ́ náŋ» á mítamlan ɔ ŋgɔ tíi, kasig a ŋgá ámble ɓé yé ɔ ŋgɔ pɔ́t é?

Elōg-Kɔlínto 1 14:26

Á élōgyāŋ, ɓaá, yéé yá nyɛɛ́ lí ɓɔŋɓɛ é? Eceg maná kɔtan, mut waná sig ag la li lɔ́ŋgɛ lí ŋgoso eɓasɛ, ag la li sɔ́la lí jam á lí yéglɛ tɔ biyɛ́ɛ́léné, ag la li pɔ́t lí álēmb tɔ li kɔpɔ lí wɔ̄. Ndí bíŋ bísɛ bíg nyɛɛ li ɓɔŋɓɛ á lí ólɓɛ lí ŋyéɓé á ɓot bísɛ.

Elōg-Kɔlínto 1 15:51

Mag yɛ́ɛ́léne ɓɛ́nɛ mbaŋ ya. Ɓɛ́hɛ bísɛ bi ŋgá kɛ ɓé lí wú, ndí bíg kɛ ɓɛ́hɛ bísɛ li yaanɛ lí nyaa etám,

Elōg-Kɔlínto 1 2:10

Ákaa ɛ́sɛ, ɓɛ́hɛ nɛ́ Ɔ́lolómɛ̄ a yɛ́ɛ́léné nyíŋ mbaŋ li loole la M̀búl Mpúán. Kasig M̀búl Mpúán a ŋga pígi joó nɛ̄ jam, li pám tɛɛla á peg ɛ sɔ́lɛ̄ yí Ɔlolómɛ̄ a vúl.

Elōg-Kɔlínto 1 2:7

Biíg camanɛ jā peg nyí Ɔlolómɛ̄, nyí ɛ lɛ̄ mbaŋ, nyí ya tíg á lísɔl, nyí ɛ lɛ̄ nɛ́ Ɔlolómɛ̄ a ɓoŋháán mimbú ndí mímbú ɔ́sū ví eceg ányúū lipém jáhá.

Elōg-Éféso 6:19

Kánhánɛ ki ányúū yáma á lí ɓɔŋ nɛ́ Ɔlolómɛ̄ a tí ma biɓaŋgá bí kɔ́ɔ̄, bí ma nyɛ́ɛ lí lɛglene lí mbaŋ nyí Pɔ́l M̀ɓɛɛŋ la akwáá.

Elōg-Kólóso 2:2

La náŋ, mag somo nɛ́ ɓɛ́nɛ bísɛ miní ɓɛ́la mikúndá, miní ɓɛ́ jam já átē a ediŋ, miní yál la eyí, nɛ́ ndí miní yí mbaŋ Ɔlolómɛ̄, nyí ɛ lɛ̄ Yésus Kilístus.

Timotéo 1 3:16

Kɔɔ la mbálɛ, mbaŋ nyí ŋyéɓé wáhá ɛ lɛ̄ écɛ̄ŋ. Yɔ nɛ́ ɛ lɛ nɛ́: Yésus Kilístus nyɔ́ a sɔ́ la nyuú nyí mut-a-binam, M̀búl Mpúán a étɛ́ ɓɛ́hɛ liɓɛ́ɛg jɛ́ɛ́ lí sim, áŋgɛl ki yú mɛ̄mɛ́ nyɛ, ɔ lɛ̄glɛ́ á yóg ɓot bí ŋgíla ŋyéɓé, ɓot bú yéɓé la nyɛ́ á ŋkɔŋ-á-sí, ɔ ɓét á lōó, ɔ kūh lípēm lí Ɔ́lolómɛ̄.

Timotéo 1 3:9

Ɓá nyɛɛ́ lí naŋɛ lí mbaŋ nyí ŋyéɓé á mímīm ɛ́h ɓɛ́ ɓé nɛ cíŋ-m̀mím yāɓá ɛ kááhɛ́ ɓɔ́.

Biyɛ́ɛ́léné 10:7

Ndí, eceg bí ɓɛ́ bíg ámble áŋgɛl ya yáhɛ́ nzambúwá, ɛg ɔ́ŋ nséɓá, váŋ nɛ́ mbaŋ Ɔlolómɛ̄ ɛ ŋga kɛ́ li yɛ́ɛ́lɛ, ákaa a lɛgléé ɓaɓɔŋle ɓɛ́ɛ́ bí lɛ́ ɓápɔ́tle-bí-Ɔ́lolómɛ̄.