Elōg-Kɔlínto 1 14:13 - Esaa-líat ɛ́ péná

¹³ Jɔ́ nɛ́, mut a ŋga pɔ́t álēmb, a nyɛ́ɛ lí kánɛ nɛ́ a kūh likaale lí lí kɔpɔ lí wɔ̄.

Elōg-Kɔlínto 1 14:13 ပူးပေါင်းရင်းမြစ်များ

Málkus 11:24

Jɔ́ nɛ́ mi ŋga lága ɓɛ́nɛ nɛ́: Mam mísɛ miní ŋga kɛ́ li ɓat kí miníg kánɛ, miní ɓɛ́la ŋyéɓé nɛ maná kuh mɔ, mɔ́g mí kɛ ɓɛ́nɛ li tíéɓɛ.

Misɔ́n mí Ɓáōmɓɛ 1:14

Eceg la eceg sig, ɓɔ́ bísɛ bí ŋgí kánɛ la m̀mím wá, elɔŋ la jogo lí ɓóndīgá kaa Malía nyaŋɛ́ á Yésus, elɔŋ la yéŋé élōgnyāŋ ɛ́ Yésus.

Misɔ́n mí Ɓáōmɓɛ 8:15

Pétlos la Yohánɛs ɓɔ́ la li pám, bú kánɛ ányúū ɓot bí Samália á lí ɓɔŋ nɛ́ ɓɔ́g bí kuh M̀búl Mpúán.

Elōg-Kɔlínto 1 12:10

nyɔ́ŋɔ́ ntám, ɔ tí nyɛ li ɓɔŋ lí mínɛ̄ŋ, ntám sīg-pɛ ɔ tí nyɛ li pɔ́t á jóō lí Ɔ́lolómɛ̄, ntám sīg-pɛ, ɔ tí nyɛ likaale jé lí yí lí lí lem lí mímbūl, nyɔ́ŋɔ́ ntám sīg-pɛ ki, ɔ tí nyɛ li pɔ́t lí álēmb ákaa M̀búl a ŋgí yígle nyɛ́, ndí ɔ tí ki ntám eyí lí kɔpɔ lí wɔ.

Elōg-Kɔlínto 1 12:30

Ɓɔ́ bísɛ ɓá kūh líkaale lí lí tɔɔyɛ lí ɓot mbólí é? Kɛ́m! Ɓaá, ɓɔ́ bísɛ bíg pɔ́t álēmb é? Kɛ́m! Ɓɔ́ bísɛ bíg kɔpɔ wɔ́ é? Kɛ́m!

Elōg-Kɔlínto 1 14:12

Náŋ a lɛ̄ nlemlem ki la ɓɛ́nɛ, kasig miní byɛ́ɛ̄ kóó la míkaale mí M̀búl Mpúán, somlán mɔ́ taŋ taŋ, ndí mí ɓɛ́ mí mí ŋga ólɓɛ ŋyéɓé á ɓot bí éɓasɛ.

Elōg-Kɔlínto 1 14:14

Eceg mi ŋga kánɛ la alémb, m̀búl wáma nɛ́ á ŋga kánɛ, ndí eyí yáma ɛ́ ŋgá sál ɓé tɔ jam.

Elōg-Kɔlínto 1 14:26

Á élōgyāŋ, ɓaá, yéé yá nyɛɛ́ lí ɓɔŋɓɛ é? Eceg maná kɔtan, mut waná sig ag la li lɔ́ŋgɛ lí ŋgoso eɓasɛ, ag la li sɔ́la lí jam á lí yéglɛ tɔ biyɛ́ɛ́léné, ag la li pɔ́t lí álēmb tɔ li kɔpɔ lí wɔ̄. Ndí bíŋ bísɛ bíg nyɛɛ li ɓɔŋɓɛ á lí ólɓɛ lí ŋyéɓé á ɓot bísɛ.