Elōg-Kɔlínto 1 13:8 - Esaa-líat ɛ́ péná

⁸ Á m̀ɓá la m̀ɓá ediŋ ɛ́h byɛ́ɛ́ ɓé lísūg. Lí pɔ́t kaa ɓapɔ́tle-bí-Ɔ́lolómɛ̄ líg kɛ li man. Li pɔ́t lí álēmb líg kɛ li man. Eyí ɛ́g kɛ li man.

Elōg-Kɔlínto 1 13:8 ပူးပေါင်းရင်းမြစ်များ

Lúkas 22:32

Ndí má, ma kánɛ́ ányúū yɔ́ɔ nɛ́ ŋyéɓé wɔ́ɔ áh ndɛ́ŋgɛ́g ɓé. Wág hɔ́, eceg ɔ ŋgɔ kɛ́ li timan, ɔ létɛ̄ yéŋé elōgnyɔ̄ŋ.»

Misɔ́n mí Ɓáōmɓɛ 13:1

Ɓapɔ́tle-bí-Ɔ́lolómɛ̄ bí ɓɛ́ɛ́ á Éɓasɛ yé Antiókia, ɓot ɓatám ki bí ɓɛ́ɛ́ átē ányúū li yéglɛ, ɓɔ́ nɛ́ bí ɓɛ́ɛ́: Balnábas, Sául, Síméon nyɔ́ bí ŋga yáŋa nɛ́ Nígɛl la Lúsius nyɔ́ a Siléna, Manáɛn nyɔ́ a náŋhán la Elóde ŋ̀kanʼyɛ a Galiléa.

Misɔ́n mí Ɓáōmɓɛ 19:6

Póol ɔ káhyɛ́ ɓɔ mɔ, la M̀búl Mpúán ɔ sūhlé ɓɔ. Bú ɓōtlé lí pɔ́t lí ɓácɛn bí mípɔ̄t ɓá ɓot bí ŋgí yí ɓé la li lɛgɛ lí mam á joó lí Ɔlolómɛ̄.

Misɔ́n mí Ɓáōmɓɛ 2:4

Ɓɔ́ bísɛ, ŋyálāg la M̀búl Mpúán, bú ɓōtlé lí pɔ́t lí mípɔ̄t mitám ákaa M̀búl a ŋgí yígle mut sig nɛ́ a pɔ̄t.

Elōg-Kɔlínto 1 12:10

nyɔ́ŋɔ́ ntám, ɔ tí nyɛ li ɓɔŋ lí mínɛ̄ŋ, ntám sīg-pɛ ɔ tí nyɛ li pɔ́t á jóō lí Ɔ́lolómɛ̄, ntám sīg-pɛ, ɔ tí nyɛ likaale jé lí yí lí lí lem lí mímbūl, nyɔ́ŋɔ́ ntám sīg-pɛ ki, ɔ tí nyɛ li pɔ́t lí álēmb ákaa M̀búl a ŋgí yígle nyɛ́, ndí ɔ tí ki ntám eyí lí kɔpɔ lí wɔ.

Elōg-Kɔlínto 1 13:10

Ndí, eceg mam mísɛ mí ŋga kɛ́ li yál, yé yá tunu ɛ́g kɛ li ɓɔ́.

Elōg-Kɔlínto 1 13:13

Nyí vɔ́ŋɔ́ɔ hɔ́, mí mam míŋháa nɛ́: ŋyéɓé, lipitá la ediŋ, mɔ́ nɛ́ mí ŋga ɓóo ŋkóm, ndí á mɔ́ míháa ediŋ nɛ́ ɛ́ ŋga loo mɔ́ mísɛ.

Elōg-Kɔlínto 1 14:39

Á élōgyāŋ, jɔ́ hɔ́ nɛ, somlán jā lí ɓɛ́ lí ɓápɔ́tle-bí-Ɔ́lolómɛ̄, ɛ́h ɓɛ́ ɓé lí céŋɛ nɛ́ bí pɔ́t alémb.

Elōg-Kɔlínto 1 8:2

Kíyáɓɛ́nɛ mut ag ɔ́ŋɔ nɛ́ ag yí jam, ɛnɛ āh ŋyííg ɓé kaa ɛ́ ŋga sōmlɛ.

Elōg-Gálátia 5:6

Ányúū nɛ́, tɔ nzáá a áat la Kilístus, a ɓɛ́ ŋ̀kwɛ́ɓɛ́gɛ tɔ nɛ́ epɔ, náŋ ah byɛ́ɛ́ ɓé nsɛ́ŋ tɔ wá, ndí, li étɛ lí édiŋ ɛ́ ŋga sɔ́le á ŋyéɓé nɛ lí lɛ́ nsɛ́ŋ.

Elōg-Hébɛl 8:13

Eceg Ɔlolómɛ̄ a ŋga pɔ́t likɔlɓan la esaa-líat ɛ́ péná, ag yaanɛ esaa-líat ɔ́sū nlom, la nɛ́ jam lá yaán nlom, jé lá un ki, puh eceg lí ŋgá ɓɛ́ ɓé pɛ.