Elōg-Kɔlínto 1 13:4 - Esaa-líat ɛ́ péná

⁴ Ediŋ ɛ́ lɛ́ éɔ̄hánɛ, ediŋ ɛ́ lɛ́ éōŋgánɛ, ediŋ ɛ́ ŋgá kele ɓé nzoŋ, ɛ́ ŋgá yáta ɓé, ediŋ ɛ́ ŋgá vumbu ɓé nyúū,

Elōg-Kɔlínto 1 13:4 ပူးပေါင်းရင်းမြစ်များ

Matéus 27:18

Átɔm nɛ́ nyɛ́ Piláto a ŋgí yí nɛ́, nzoŋ yaɓá nɛ̄ ya yíglé nɛ bí sɔ́la nyɛ́ Yésus.

Misɔ́n mí Ɓáōmɓɛ 7:9

«Ɓacɛ́ŋ bí lílōmɛ bú kēlé mɔ́ɔ̄nyāŋ waɓá Yósɛp nzoŋ, bú núŋū nyɛ nɛ́ bí kɛla nyɛ́ á Égípto. Ndí Ɔlolómɛ̄ a ɓɛ́ɛ́ la nyɛ́,

Elōg-Lóma 1:29

Ɓáŋ ɓot ɓá ɓɔ̄ŋ mam ŋgándag mí míh tɛ́ɛ́ ɓé, bú ɓɔ̄ŋ áɓē, bí byɛ́ɛ̄ eót-ɛ́-mɔ́nī, bí byɛ́ɛ m̀ɓé-a-m̀mím, bí yáhɛ la etáman, bí lɛ́ ɓot bí míólan, bí lɛ́ ɓot bí mómo, bí lɛ́ ɓot bí mícaŋg, bí lɛ́ ɓot ɓá yōm, bí lɛ́ ɓápɔ̄t-ɓot-aɓé,

Elōg-Lóma 13:13

Bi nīŋ kaa ɛ́ ŋga sōmlɛ á nyaa nyí ɛ lɛ́ m̀ɓɛɛŋ nyí ɛ ŋga ɛ́ni á ŋkam á nzámuh, ɛ́h ɓɛ́ ɓé éōt-lídī tɔ yé mílɔg, ɛ́h ɓɛ́ ɓé lí ūgan tɔɔ́ nɛ̄-láá, tɔ eniŋ yé mpuŋgú, ɛ́h ɓɛ́ ɓé mómo tɔ nzoŋ.

Elōg-Kɔlínto 1 3:3

ányúū nɛ́ miní ŋgí tíŋɛ á kóó yáná míson. Kasig nzoŋ la mómo bí lɛ́ á póla yaná, ɓaá, náŋ a ŋgá étɛ ɓé nɛ miní ŋgí tíŋɛ á kóó yáná míson é? Ɓaá ɛnɛ miɓɔŋɔg máná mí ŋgá punan ɓé la mí mí byɛmɛ́ bí ɓot bí ŋkɔŋ-á-sí é?

Elōg-Kɔlínto 1 4:18

Jogo lí ɓot á póla yaná lá vumbú nyúū la miɔ́ŋɔ nɛ́ mi ŋgá kɛ ɓé mā lí timan lí lí sɔ́ á yóg yāná.

Elōg-Kɔlínto 1 4:6

Á élōgyāŋ, ányúū yāná nɛ ma kwɛ̄l náŋ á patí étām, la ma mu nyɔ̄ŋlé ɔvega á nyúū yáma la á nyúū nyí Apólos, nɛ́ ndí kaa ɓɛ́hɛ, miní yégé ja lí tɔɓene á yé yá ciiɓɛ́ á Lícii-Lipúán, miníh yálág ɓé la kúmba, la ɓɛ́nɛ maná kām nyɔ́ wa, maná yíg nyɔ́ŋɔ́.

Elōg-Kɔlínto 1 5:2

Ndí, miníg vumbu nyuú la kúmba! Ɓaá, miní ŋgá nyɛɛ ɓé li yɔ́tɔ á lí ɓɔŋ nɛ́ m̀ɓɔŋ nyúŋ nsɔ́n miní ɓógtɛ́ nyɛ́ á élɔŋ yáná é?

Elōg-Kɔlínto 1 8:1

Á élōgyāŋ, á yé ɛ́ ŋga légɓe tít ɓá súlé bísāt, ɛ́g yílɛ nɛ́, ɓɛ́hɛ bísɛ biíg yí nyúŋ ŋkwɛl. Eyí ɛ́g yáhɛ mut la kúmba, ndí ediŋ ɛ́g óŋ.

Elōg-Kɔlínto 2 12:20

Á mbálɛ, mag kɔn woŋ nɛ́, á mísɔ̄ máma wóŋ, mi ŋgá kɛ́ ɓé ma ɓɛ́nɛ li kɔ́p ákaa mi ŋga sómo, tɔ ɓɛ́nɛ ki li ɛ́n lí mā ákaa miní ŋga sómo. Mag kɔn woŋ nɛ́ á mísɔ̄ máma wóŋ, mi kɔ́p nɛ́ ŋ̀ámblānɛ́ a sē ɓé á póla yāná, nzoŋ yu ɓɛ́ á póla yaná, nlohanɛ́ a aún ɔ ɓɛ́, pembhán-cíŋ ɛ lɛ, li pɔ́t lí ɓot aɓé, misɔh, lipama, la mpuŋgú bí lɛ́ á póla yaná.

Elōg-Kɔlínto 2 6:6

Biíg étɛ nɛ́ bi lɛ ɓáɓɔŋle bí Ɔ́lolómɛ̄ á lí ɓɛ́ ŋgíla ɔnɛ́g, á lí ɓɛ́la lí taŋ-taŋ eyí, ányúū eɔ́hánɛ yáhá, ányúū elɔ́ŋgɔ m̀mím li loole la M̀búl Mpúán nyɔ́ a ŋga sál átē wāhá, ányúū taŋ yahá ediŋ,

Elōg-Gálátia 5:26

Bi mwáhɛ́ byoóm bí ŋgíla nsɛ́ŋ, ɓɛ́hɛ la ɓɛ́hɛ, bi mwáhɛ́ nzáŋ la etáman.

Elōg-Éféso 4:2

Ɓɛ́án la esuhɛ-nyuú, ewú-m̀mím la eɔ́hánɛ, miní yéɓyán ɓɛ́nɛ la ɓɛ́nɛ átē á ediŋ.

Elōg-Éféso 4:32

Miní ɓɛ́la ekɔ́ɔ́ ɓɛ́nɛ la ɓɛ́nɛ, miní ɓɛ́la m̀mím á ŋgɔ́ɔ́, miní láakán ɓɛ́nɛ la ɓɛ́nɛ, ákaa Ɔlolómɛ̄ a láakɛ́ ɓɛ́nɛ á ŋ̀atanɛ́ wāná la Yésus Kilístus.

Elōg-Fílípi 1:15

Á mbálɛ, ɓot ɓá bí lɛ múŋ, ɓá bí ŋga lɛgɛ Nyɔ́-a-Pɔ́hlɛ ányúū nzoŋ la pembhán. Ndí ɓatám, bíg lɛgɛ nyɛ́ la miɔ́ŋɔ miláám,

Elōg-Kólóso 1:11

La náŋ, ŋguu nyí lipém jɛ́ɛ́ ɛg kɛ ɓɛ́nɛ li letɛ á mam mísɛ, á lí ɓɔŋ nɛ́ miní la li ɔ́hánɛ lí byoóm bísɛ ɛ́h ɓɛ́ ɓé ntɔghanɛ́. Átē a mivag mísɛ,

Elōg-Kólóso 2:18

Miníh mwahkɛ́gɛ́ ɓé nɛ ɓot bí nyɔ́ŋlé ɓɛ́nɛ ɔtot miní ŋga nyɛ́ɛ li kuh. Mag pɔ́tle ɓot bi ŋga tīŋɓe á mam mí ŋga étɛ nɛ́ bí lɛ́ ésuhɛ-nyuú, la li tiŋɓe á lí ɓégɛ lí áŋgɛl. Bíg ditɛ ŋ̀ɛ́nānɛ́ wāɓá ŋgandag, yíŋ nyaa ɛ́ ɓot yá loohán lí ɓɛ́la lí míɔ̄ŋɔ mí ɓot-bí-bínam, náŋ nɛ́ a ŋga tíi ɓɔ́ kúmba nlohanɛ́.

Elōg-Kólóso 3:12

Kasig Ɔlolómɛ̄ a pɔ̄hɔ́ ɓɛ́nɛ, kasig miní lɛ́ ndog yɛ́ɛ̄, kasig miní lɛ́ bídidíŋɛ byɛ́ɛ́ bí ɓɔ́ɔ̄n, ɓɛ́án hɔ́ la m̀mím a ŋgɔ́ɔ́, ɓɛ́án la ediŋ, esuhɛ-nyuú, ewú-m̀mím, la eɔ́hánɛ.

Elōg-Tésaloníka 1 5:14

Á élōgyāŋ, biíg sɔ́hye ɓɛ́nɛ nɛ́, miní ɓéhyɛ́ ɓot bí mpuŋgú nɛ bí tɛ́ɛ́yɛ́ nsɔ́n wáɓá, miní létɛ̄ ɓot bí ŋga vɔ́l nyúū, miní nit ɓot bí ŋga ɓɔ̄t, miní ɓɛ́la eɔ́hánɛ á ŋgwáāg ɓot bísɛ.

Timotéo 1 6:4

ɛnɛ a lɛ̄ mut nyɔ́ kúmba ya dím miíh. A lɛ ŋgí lí yí, a lɛ ŋ̀kɔɔ́kɔn nyɔ́ a ŋga sómo mipɔ́t la nyɔ́ a ŋga sɔ́la ntugɛ ányúū li somo lí lí sɔ́ŋtánɛ lí bíɓaŋgá. Míŋ mam nɛ́ mí ŋga sɔ́la étāman, míg sɔ́la mómo, mióó, li ɓotle lí lí kɔnan lí woŋ,

Timotéo 2 2:25

Ag nyɛɛ li yéglɛ lí ɓátɛ̄ŋgánɛ nyɛ́ la ewú-m̀mím. Nzáá a ŋga yí, kíyáɓɛ́nɛ Ɔlolómɛ̄ a ŋgá kɛ ɓé ɓɔ lí tíi lí eceg nɛ́ bí vēŋé bílɛ̄m ányúū li yí lí mbálɛ é?

Timotéo 2 3:10

Ndí wa, wa ōŋle mā m̀ɓɛɛŋ á mam mi ŋgí yéglɛ, wu yégé míɓɔŋɔg máma, wu yí evú-peg yáma, wu yí ŋyéɓé wáma, eɔ́hánɛ yáma, ediŋ yáma, la kɔkɔ yama.

Timotéo 2 4:2

ɔ lɛgɛ́ Éɓaŋgá Ɔ́lolómɛ̄, ɔ yīgyɛ́ yɔ́ éceg la eceg sig, ɔ tɛ́ɛ́yɛ́ ɓot ɓá yɔ́p á nzen, ɔ nyáálé ɓot, ɔ éélé ɓɔ́ átē a eɔ́hánɛ, ɔ ɓɔ̄ŋ bíŋ bísɛ ányúū li yéglɛ lí ɓot m̀ɓɛɛŋ.

Títo 3:3

Ányúū nɛ́, á kwakwáŋɛ, ɓɛ́hɛ ki bi ɓɛ́ɛ́ bíjōŋ, bi ɓɛ́ɛ́ ndɔ́g, bi ɓɛ́ɛ́ míjáŋag-mí-ɓot, bi ɓɛ́ɛ́ mindimí mí patí kóó ɛ́sɛ la binyɛɛ́nyɛ́ɛ bísɛ, bi ŋgí ɓéé m̀mím, biíg tám mam mí ɓot, bu yáanɛ́ ɓɛ́hɛ-mɛ̄n ɓot ɓaɓé tɔláá, la ki nɛ́ bi ŋgí síŋghan ɓɛ́hɛ la ɓɛ́hɛ.

Yákop 4:5

Tɔ nɛ́, miníg ɔ́ŋɔ nɛ́ yɛ̄mɛ́ nɛ yé epah Lícii-Lipúán ɛ́ ŋga lága nɛ́: «Ɔlolómɛ̄ a byɛ́ɛ́ ekɔ́ɔ́ ŋgandag la M̀búl nyú a vá átē wāhá!»

Pétlos 1 2:1

Mwahánɛ̄ hɔ́ m̀ɓé-a-m̀mím la micaŋg, ɔtaɓa, etáman la misɔgáan.

Pétlos 1 3:8

Á lí súgɛ lí ŋkwɛl wáma, mag laga ɓɛ́nɛ bísɛ nɛ́, ɓɛ́án la milemlem mí miɔ́ŋɔ, miní kaán milemlem mí ndutu, ɓɛ́án la ediŋ línyaŋ, ekɔnan-ŋgɔ́ɔ́ la esuhɛ-nyuú.

Pétlos 1 4:8

Ákaa jam lí ɔ́sū, ediŋ yá nyɛɛ lí ɓɛ́ á póla yaná eceg sig, átɔm nɛ́ ediŋ ɛ́g bútyɛ ɔ́bul ví míɓē.

Pétlos 2 1:7

á lí tiŋɓe la Ɔlolómɛ̄, miní ɓɛ́la ekɔ́ɔ́ línyaŋ, á ekɔ́ɔ́ línyaŋ, ediŋ yɔ́-mɛ̄n.

Yohánɛs 1 4:11

Á élōgyāŋ yé ediŋ, Kíyáɓɛ́nɛ Ɔlolómɛ̄ a dīŋ ɓɛ́hɛ náŋ, ɓɛ́hɛ ki ɓaá nyɛ́ɛ lí diŋan ɓɛ́hɛ la ɓɛ́hɛ.