Elōg-Kɔlínto 1 13:1 - Esaa-líat ɛ́ péná

¹ Á élōgyāŋ, tɔ yá ɓɛ́ nɛ mag pɔ́t mípɔ̄t mí ɓot bí binam la mí mí áŋgɛl, kíyáɓɛ́nɛ mīh byɛ́ɛ́ ɓé ma édiŋ, mi lɛ ákaa eɓɛ́ndɛ́ yé ɛ́ ŋga ɓɔ̄ŋ eduŋgú, kaa ncéŋ nyú a ŋga kūt kóŋ-kóŋ.

Elōg-Kɔlínto 1 13:1 ပူးပေါင်းရင်းမြစ်များ

Matéus 25:45

Váŋ nɛ́ káísa a ŋga kɛ́ ɓɔ́ lí pele nɛ́: ‹La mbálɛ, mag laga ɓɛ́nɛ nɛ́, eceg sig maná ɓēn lí ɓɔŋlé lí wa náŋ á ɓá ɓatɔ́ga bí lɛ́ vá, ɛnɛ ma nɛ́ manáh ɓɔŋlé ɓé›.

Málkus 16:17

Ndembye ɛ́ ŋga kɛ́ li wɛɛla lí ɓá bí ŋga kɛ́ li yéɓe ɛ́g ɓɛ́ nɛ́: á jóō jáma bíg kɛ li duhu lí mímbūl míɓē, bíg kɛ li pɔ́t lí mípɔ̄t mí péná,

Elōg-Lóma 14:15

Kíyáɓɛ́nɛ ɔg ályɛ mɔɔ́nɛ́sɔ̄ŋ ányúū jam ɔ ŋgɔ dí, ɛnɛ ɔ ŋgɔ́ niŋle ɓé pɛ á édiŋ. Ányúū lidí, ɔh ólhánɛ́gɛ́ ɓé mɔɔ́nɛ́sɔ̄ŋ nyɔ́ ɛ́ lɛ̄ nɛ Nyɔ́-a-Pɔ́hlɛ a wúēléne.

Elōg-Kɔlínto 1 12:10

nyɔ́ŋɔ́ ntám, ɔ tí nyɛ li ɓɔŋ lí mínɛ̄ŋ, ntám sīg-pɛ ɔ tí nyɛ li pɔ́t á jóō lí Ɔ́lolómɛ̄, ntám sīg-pɛ, ɔ tí nyɛ likaale jé lí yí lí lí lem lí mímbūl, nyɔ́ŋɔ́ ntám sīg-pɛ ki, ɔ tí nyɛ li pɔ́t lí álēmb ákaa M̀búl a ŋgí yígle nyɛ́, ndí ɔ tí ki ntám eyí lí kɔpɔ lí wɔ.

Elōg-Kɔlínto 1 12:16

Ki ɓɔ̄ŋ nɛ́ aɔ́ɔ́ á laglag nɛ́: «Ákaa mi sē ɓé mā díīh, mi sē ɓé ma éjo ɛ́ nyúū», ɓaá kí ág yál lí ɓɛ́ lí éjo ɛ́ nyúū ányúū náŋ é?

Elōg-Kɔlínto 1 12:8

Nyɔ́ wa, M̀búl Mpúán ag yígle nyɛ́ lí ɓɛ́la lí bíɓaŋgá bí peg, nyɔ́ŋɔ́ nlemlem á M̀búl ag yígle nyɛ́ li kwɛl la eyí,

Elōg-Kɔlínto 1 13:8

Á m̀ɓá la m̀ɓá ediŋ ɛ́h byɛ́ɛ́ ɓé lísūg. Lí pɔ́t kaa ɓapɔ́tle-bí-Ɔ́lolómɛ̄ líg kɛ li man. Li pɔ́t lí álēmb líg kɛ li man. Eyí ɛ́g kɛ li man.

Elōg-Kɔlínto 1 14:2

Á mbálɛ, nyɔ́ la nyɔ́ a ŋga pɔ́t álēmb ákaa M̀búl Mpúán a ŋga yígle nyɛ́, a ŋgá pɔ́tɛ ɓé ɓot-bí-bínam, ndí ag pɔ́tɛ ja Ɔ́lolómɛ̄, átɔm nɛ́ tɔ mut a ŋgá sɔ́ŋtánɛ ɓé nyɛ. M̀búl Mpúán nɛ a ŋga yígle nyɛ́ á lí lɛgɛ lí mam mí mbaŋ.

Elōg-Kɔlínto 1 14:4

Nyɔ́ la nyɔ́ a ŋga pɔ́t álēmb, ag ólɓɛ ŋyéɓé wɛ́ɛ́ nyɛ́-mɛ̄n, ndí nyɔ́ a ŋga pɔ́t kaa m̀pɔ́tle-a-Ɔlolómɛ̄ ag ólɓɛ ŋyéɓé á ɓot bí éɓasɛ.

Elōg-Kɔlínto 1 14:5

Kóó yáma ɛ lɛ nɛ́, ɓɛ́nɛ bísɛ miní pɔ́t álēmb, ndí mag ɛ́n nsɛ́ŋ nɛ miní pɔ́t kaa ɓapɔ́tle-bí-Ɔ́lolómɛ̄. Átɔm nɛ́ mut a ŋga pɔ́t kaa m̀pɔ́tle-a-Ɔlolómɛ̄ ag loo nyɔ́ a ŋga pɔ́t álēmb, ɔ ɓógtɛ́ nɛ ag kɔpɔ yé ɛ́ ŋga pɔ́tɓɛ á lí ɓɔŋ nɛ́ ɓot bí éɓasɛ bísɛ bí óló á ŋyéɓé.

Elōg-Kɔlínto 1 8:1

Á élōgyāŋ, á yé ɛ́ ŋga légɓe tít ɓá súlé bísāt, ɛ́g yílɛ nɛ́, ɓɛ́hɛ bísɛ biíg yí nyúŋ ŋkwɛl. Eyí ɛ́g yáhɛ mut la kúmba, ndí ediŋ ɛ́g óŋ.

Elōg-Kɔlínto 2 12:4

Ndí nyɔ́ŋ mut a nyɔ̄ŋɓɛ́ tɛɛla á paladīs la nyɛ́ ɔ ámblé bíɓaŋgá bí lɛ́ nɛ anyu á mut á ŋgá la ɓé lí pɔ́t, ndí tɔ mut li ɓɛ́la lí kundɛ li timan lí lí pɔ́t lí byɔ.

Elōg-Gálátia 5:22

Ndí, misɔ́n mí M̀búl mí lɛ́: ediŋ, mivag, nsaŋ, eɔ́hánɛ, m̀mím-á-m̀ɓɛɛŋ, ekɔ́ɔ́, ŋyéɓé,

Elōg-Gálátia 5:6

Ányúū nɛ́, tɔ nzáá a áat la Kilístus, a ɓɛ́ ŋ̀kwɛ́ɓɛ́gɛ tɔ nɛ́ epɔ, náŋ ah byɛ́ɛ́ ɓé nsɛ́ŋ tɔ wá, ndí, li étɛ lí édiŋ ɛ́ ŋga sɔ́le á ŋyéɓé nɛ lí lɛ́ nsɛ́ŋ.

Timotéo 1 1:5

Ndag ma tí wa ɛ lɛ ányúū li ɓɔŋ nɛ́ ɓot lí ɓɛ́la édiŋ yé ɛ ŋga sɔ́le ɓɔ́ á m̀mím á ŋgá púú, ɛ́h ɓɛ́ ɓé nɛ cíŋ-m̀mím yāɓá ɛ kááhɛ́ ɓɔ́, la nɛ́ bí ɓɛ́la ŋyéɓé á mbálɛ.

Pétlos 1 4:8

Ákaa jam lí ɔ́sū, ediŋ yá nyɛɛ lí ɓɛ́ á póla yaná eceg sig, átɔm nɛ́ ediŋ ɛ́g bútyɛ ɔ́bul ví míɓē.

Pétlos 2 2:18

Ákaa ɛ́sɛ, bí byɛ́ɛ́ biyógló bí míkwɛl mí ŋgíla eɓáha. Bíg loole la kóó-míson yí ɛ́ ŋga kɔ̄nhan mbɔɔla á lí lɔ́ɔ́nde lí ɓot ɓá sɔ́lé lí ɓógo á elɔŋ ɛ́ ɓot ɓá jáŋ.

Biyɛ́ɛ́léné 14:2

La ma mu ámblé cíŋ ɛg sɔ́le á lóō, ákaa eduŋgú yé mínɔŋgɔ́ mí túwɛ, ákaa mbámká nyí mbambat, Cíŋ mi ŋgí ámble ɛ́ ɓɛ́ɛ́ ákaa yaá yé ɓálɔ́ŋgɛ-ŋgoso kí bíg kut andende wáɓá.