Elōg-Kɔlínto 1 12:27 - Esaa-líat ɛ́ péná

²⁷ Ɓɛ́nɛ hɔ́, miní lɛ́ nyúū nyí Nyɔ́-a-Pɔ́hlɛ, munú ɓɛ́ ki bijo bí nyúū yɛ́ɛ̄, mut sig á ɛ́yɛ̄ɛ̄ étɛ̄l.

Elōg-Kɔlínto 1 12:27 ပူးပေါင်းရင်းမြစ်များ

Elōg-Lóma 12:5

Tɔ náŋ ákaa bi lɛ ŋgándag, ɓɛ́hɛ bísɛ bi lɛ̄ jā pɔ̄m nyuú á ŋ̀atanɛ́ la Nyɔ́-a-Pɔ́hlɛ. La ɓɛ́hɛ bu átan ɓá la ɓáŋá kaa bijo bí nyúū, yá sig á étɛ̄l yɛ́ɛ́.

Elōg-Kɔlínto 1 1:2

Mag ciile Eɓasɛ Ɔ́lolómɛ̄ yé ɛ́ lɛ́ á tísɔn Kɔlínto, yé ɛ́ byɛ́ɛ̄ ndog-Ɔlolómɛ̄ nyí ya yáŋlɛ á lí ɓɛ́ lí ɓápūán li loole la Yésus Kilístus, nlemlem ki la ɓot bísɛ bí ŋga lónle Ɛtáŋɛ wahá Yésus Kilístus voóm sig, nyɔ́ a lɛ Ɛtáŋɛ waɓá ndí la ɛwahá ki.

Elōg-Kɔlínto 1 10:17

Kasig ekɔgá ɛ́ lɛ́ jā yáhyá, ɓɛ́hɛ bísɛ ki bi lɛ̄ jā pɔ̄m nyúū, átɔm nɛ́ ɓɛ́hɛ bísɛ biíg kaan ja nyúŋ nlemlem á ékɔgá.

Elōg-Kɔlínto 1 12:12

Ákaa ɛ́sɛ, bi nyɔ̄ŋ ví ɔvega nɛ́, nyuú ɛ lɛ̄ jā ya, ndí ɛ byɛ́ɛ́ bíjo ŋgandag, bíŋ bijo, tɔ náŋ ákaa bí lɛ́ ɔ́bul bíg oŋgɛ jā nyúū ya. Náŋ ki nɛ́ Nyɔ́-a-Pɔ́hlɛ a lɛ.

Elōg-Kɔlínto 1 12:26

Kíyáɓɛ́nɛ ejo yá ɛ́g sɔghe, bijo bísɛ bíg kaan yéŋ esɔghe. Kíyáɓɛ́ ki nɛ́ ejo ya yá kūh lípēm, bijo bísɛ bíg kaan míŋ mivag.

Elōg-Kɔlínto 1 6:15

Ɓaá, miní ŋgá yí ɓé nɛ nyuú yáná ɛ́ lɛ́ bíjo bí nyúū nyí Nyɔ́-a-Pɔ́hlɛ é? Ɓaá, mag nyɔŋ hɔ́ bíjo bí nyúū nyí Nyɔ́-a-Pɔ́hlɛ á lí yaanɛ lí byɔ bijo bí nyúū bí míndīgá-akwala é? Á mbálɛ kɛ́m!

Elōg-Éféso 1:23

yé ɛ́ lɛ́ nyúū nyí Nyɔ́-a-Pɔ́hlɛ. Átē á yéŋ eɓasɛ nɛ́ Nyɔ́-a-Pɔ́hlɛ a lɛ nyɛ́ asɛ̄, átē a nyɛ́ Nyɔ́-a-pɔ́hlɛ nɛ́ Ɔlolómɛ̄ a tɔ́ɔ̄ nyɛ́ asɛ̄.

Elōg-Éféso 4:12

nɛ́ ndí ndog-Ɔlolómɛ̄ ɛ yáhɛ́ misɔ́n mí éɓasɛ, á lí ólɓɛ lí nyúū nyí Nyɔ́-a-Pɔ́hlɛ.

Elōg-Éféso 5:23

átɔm nɛ́ páam nɛ́ ɛ ŋga kānʼyɛ mindígá, ákaa Nyɔ́-a-Pɔ́hlɛ nyɛ́g a ŋga kānʼyɛ Eɓasɛ, nyɛ́ Ǹsuŋ Éɓasɛ yé ɛ́ lɛ́ nyúū yɛ́ɛ̄.

Elōg-Éféso 5:30

Ɓaá, bi sē ɓé ja bíjo bí nyúū bí Nyɔ́-a-Pɔ́hlɛ é?

Elōg-Kólóso 1:18

Nyɛ́ nɛ́ a lɛ m̀mú á nyúū, nyíŋ nyúū nɛ ɛ lɛ̄ Éɓasɛ. Nyɛ́ nɛ́ a lɛ míɓōtlé Mut ɔsú á lí pahye á póla ɓá ɓá wū, á li ɓɔŋ nɛ́ a ɓɛ́ nyɔ́ ɔsú á mam mísɛ.

Elōg-Kólóso 1:24

Nyí vɔ́ŋɔ́ɔ, mag kɔn mivag la bisɔghe mi ŋga kūh ányúū yāná. Bisɔghe bí yégléé nɛ́ Yésus Kilístus a kūh, má mag kūh byɔ ányúū Eɓasɛ yé ɛ́ lɛ́ nyúū nyí Kilístus.

Elōg-Kólóso 2:19

Bí ŋgá tiŋɓé ɓé la Yésus Kilístus nyɔ́ a lɛ m̀mú, kí mbálɛ ɛ lɛ jā nɛ́, la nyɛ́ nɛ́ nyúū ɛsɛ̄ ya kūh lidí, la nyɛ́ nɛ́ moŋga mí nyúū elɔŋ la misih mí móŋga mísɛ má atɓan, ndí nyúū ɛ́sɛ ki ɛg náŋ li oŋle la nsom á Ɔlolómɛ̄.