Elōg-Kɔlínto 1 11:16 - Esaa-líat ɛ́ péná

¹⁶ Ndí, kíyáɓɛ́nɛ mut ɔ́ŋɔ li pendan náŋ, a yí nɛ́ ɓɛ́hɛ ɓāh mwaan ɓé ɓɛ́hɛ la yíŋ nyaa míɓɔŋɔg, ndí tɔ Bíɓasɛ bí Ɔ́lolómɛ̄ ki.

Elōg-Kɔlínto 1 11:16 ပူးပေါင်းရင်းမြစ်များ

Misɔ́n mí Ɓáōmɓɛ 21:21

Ndí, légɓé sig nɛ́, nyí vɔ́ŋɔ́ɔ ɓɔ́ bísɛ ɓá ámblé yé ɛ́ ŋga pɔ́tɓɛ likɔlɓan la wa, nɛ́ ɔ yéglɛ ɓɔɔ́n bí Élōg-Yúda bísɛ bí ŋga nīŋ elɔŋ la ɓáŋá ɓot bí sē ɓé ɓɔ́ɔ̄n bí Élōg-Yúda, nɛ́ bí cóo mbéndá Móse, nɛ́ bíh kwɛɛ́g ɓé pɛ ɓɔɔ́n ɓáɓá tɔ li oŋle lí míɓɔŋɔg mí kwakwáŋɛ mí Élōg-Yúda.

Misɔ́n mí Ɓáōmɓɛ 21:24

Kɛ̄n la ɓɔ́, miní ɓɔ̄ŋ esala-miɓé, ɔ sálá mam máɓá mísɛ. Váŋ, bíg kɛ li yéɓe nɛ́ bí ɔ́mbɔ́ ɓɔ́ mimú, náŋ, ɓot bísɛ bíg sɔ́ŋtánɛ nɛ́ mam mísɛ mí ŋga pɔ́tɓɛ likɔlɓan la wa mí sē ɓé mbálɛ, átɔm nɛ́ wág, ɔg oŋle ja mbéndá.

Elōg-Kɔlínto 1 11:15

Ndí ányúū míndīgá, náŋ a lɛ lípēm átɔm nɛ́ a kūh mítaandá mí voŋ kaa áŋgíhi.

Elōg-Kɔlínto 1 16:1

Á élōgyāŋ, ányúū ŋkomanɛ́ a mióŋgánɛ ányúū ndog-Ɔlolómɛ̄ nyí Yelúsalɛm, ɓɛ́nɛ ki miní ōŋlé ndag ma tí bíɓasɛ bí lɛ́ á épah-ékombo yé Galátia.

Elōg-Kɔlínto 1 4:5

Ányúū náŋ, miníh kááhɛ́gɛ́ ɓé eceg ŋgí lí kɔ́lan, sɔ́kágánɛ́ Nyɔ́ŋ-Ɛsáŋɛ́ ag sɔ́. Nyɛ́ nɛ́ a ŋga kɛ́ li pámɛ á mípūū yé ɛ́sɛ ɛ́ sɔ́lɛ̄ á lívito, ag kɛ ki li yɛ́lɛ lí míɔ̄ŋɔ mí mímīm. La váŋ, Ɔlolómɛ̄ ag kɛ li ségɛ lí mut sig á nyaa ɛ kɔ́ɔ̄ la nyɛ́.

Elōg-Kɔlínto 1 7:17

Á élōgyāŋ, mut sig a nīŋ li oŋle la liɓɛ́ɛg Nyɔ́ŋ-Ɛsáŋɛ́ a tí nyɛ kaa ɛjɛ́ɛ́ jóga, ákaa a ɓɛ́ɛ́ eceg Ɔlolómɛ̄ a yáŋléé nyɛ́. Nyíŋ ndag nɛ́ mi ŋga tíi á Bíɓasɛ bísɛ.

Elōg-Kɔlínto 1 9:1

Á élōgyāŋ, ɓaá, mí sē ɓé kúndɛ é? Ɓaá, mí sē ɓé ŋ̀ómɓɛ é? Ɓaá, māh ɛ́n ɓé Ɛtáŋɛ wahá Yésus Kilístus é? Ɓaá, ɓɛ́nɛ ɓé nɛ́ miní lɛ́ mítām mí nsɔ́n wáma ma sál ányúū Nyɔ́ŋ-Ɛsáŋɛ́ é?

Elōg-Kɔlínto 1 9:6

Ɓaá, amáh Balnábas la ma ja nɛ́ biíh mɓɛ́ ɓé nɛ ɓā tɔɔ́ ŋgi lí sál é?

Elōg-Tésaloníka 1 2:14

Á élōgyāŋ, ákaa ɛ́sɛ, maná ōŋlé míɓɔŋɔg mí Bíɓasɛ bí Ɔlolómɛ̄ bí lɛ́ á ŋkɔŋ á Yúdēa, bí byá āt la Yésus Kilístus. Ányúū nɛ, nlemlem ákaa maná taká la ɓot bí ékombo yáná, náŋ ki nɛ́ bíŋ Biɓasɛ byá kuh také la ɓɔɔ́n bí Élōg-Yúda.