Elōg-Kɔlínto 1 10:16 - Esaa-líat ɛ́ péná

¹⁶ Ɓaá, liɓondó lí ndómbo jé bi ŋga tíéle Ɔlolómɛ̄ mítamlan lí sē ɓé jā ŋ̀atanɛ́ wāhá la micii mí Nyɔ́-a-Pɔ́hlɛ é? Ekɔgá yé bi ŋga búg ɛ́ sē ɓé jā ŋ̀atanɛ́ wāhá la nyuú nyí Nyɔ́-a-Pɔ́hlɛ é?

Elōg-Kɔlínto 1 10:16 ပူးပေါင်းရင်းမြစ်များ

Lúkas 22:17

La nyɛ́ ɔ nyɔ́ŋ líɓondó, ámbúh li tíi lí Ɔlolómɛ̄ mítamlan, ɔ yó nɛ: «Nyɔŋán miní nyú ɓɛ́nɛ bísɛ.

Misɔ́n mí Ɓáōmɓɛ 2:42

Ɔlɔ́ sig, ɓayéɓe bí ŋgí tiŋɓe á yé ɓáōmɓɛ bí ŋgí yéglɛ ɓɔ́, á lí niŋ kaa linyaŋ, á lí kaan lí ékɔgá, la li kánɛ lí élɔŋ.

Misɔ́n mí Ɓáōmɓɛ 2:46

Ɔlɔ́ sig, kaa mut wa, ɓɔ́ bísɛ bí ŋgí kɛ á ndáá-ēcɛ́ŋ-Ɔlolómɛ̄, bí ŋgí kaan ekɔgá á ndáá yáɓá, bíg dí átē a mivag la m̀mím á nsaŋ.

Misɔ́n mí Ɓáōmɓɛ 20:11

Ɛnɛ́ Póol a tímān lí ɓét á líkɔgɔ, ɔ búg ékɔgá ɔ dí yɔ, ɔ kɛ́ la mpɔ́t ɔsú nɛ́-tɛ́ɛla kítí. Ámbúh náŋ ɔ kɛ̄.

Misɔ́n mí Ɓáōmɓɛ 20:7

Á ɔlɔ́ ví ɔsú ví nzamɛ́, bu kɔ̄tán á lí kaan lí ékɔgá. Sɔ́kágánɛ́ Póol a ŋgí kɛ la kítí, ɔ kwɛ́lɛ ndog ɓayéɓe li pám ɓɛɓɛ la m̀mím á áū.

Elōg-Kɔlínto 1 1:9

Ɔlolómɛ̄ ag yáhɛ biɓaŋgá byɛ́ɛ́, nyɛ́ nɛ́ a yáŋá ɓɛ́nɛ á lí niŋ á ŋ̀atanɛ́ la Mɔ́ɔ̄n wɛ́ɛ̄ Yésus Kilístus, Ɛtáŋɛ wahá.

Elōg-Kɔlínto 1 10:15

Mag kwɛlɛ ja ɓɛ́nɛ kaa ɓot bí ŋga sɔ́ŋtánɛ, ɓɛ́nɛ-mɛ̄n miní dúutɛ́ sig míɔ̄ŋɔ á yé mi ŋga lága ɓɛ́nɛ.

Elōg-Kɔlínto 1 12:13

Á mbálɛ, ɓɛ́hɛ bísɛ ɓaá kūh nzoɓan átē a pɔ̄m M̀búl á lí ɓɛ́ lí pɔ̄m nyúū, ɛ́ ɓɛ́ ɓɔɔ́n bí Élōg-Yúda, tɔ nɛ́ ɓá bí Élōg-Gelékia, ɛ́ ɓɛ́ miyɔ́ŋ tɔ kundɛ-ɓōt, ɓɛ́hɛ bísɛ, nyíŋ pɔ̄m la nlemlem á M̀búl nɛ ya manɛ́ evéhé yáhá.

Elōg-Hébɛl 3:14

Ákaa ɛ́sɛ, bi lɛ̄ ɓot bí élɔŋ yé Nyɔ́-a-Pɔ́hlɛ, kíyáɓɛ́nɛ ɓā tiŋɓé á ŋyéɓé bi byɛɛ́ li ɓotle á míɓōtlé, náŋ la náŋ li pám nɛ́-tɛ́ɛla á lísūg.

Yohánɛs 1 1:3

Yé ɓaá ɛ́n, bu ámble ki, yɔ́ nɛ́ ɓɛ́hɛ ki bi ŋga lɛ́gɛ ɓɛ́nɛ, á lí ɓɔŋ nɛ́, ɓɛ́nɛ ki miní ɓɛ́ átē a ŋ̀atanɛ́ la ɓɛ́hɛ. Liɓɛ́ɛg jáhá lí mut wa, lí lɛ́ ŋ̀atanɛ́ wāhá la Etāa, lú ɓɛ́ ki ŋ̀atanɛ́ wāhá la Mɔ́ɔ̄n wɛ́ɛ̄ Yésus Kilístus.

Yohánɛs 1 1:7

Ndí, kíyáɓɛ́nɛ biíg wɛɛhɛnɛ á mípūū, ákaa nyɛ́-mɛ̄n Ɔlolómɛ̄ a lɛ́ átē a mipúú, ɛnɛ ɓɛ́hɛ la ɓɛ́nɛ ɓaá at, micii mí Mɔ́ɔ̄n wɛ́ɛ̄ Yésus ki míg púɛ́ ɓɛ́hɛ joó nɛ aɓé.