Elōg-Kɔlínto 1 1:7 - Esaa-líat ɛ́ péná

⁷ nyaa nyí ɛ lɛ nɛ́ likaale lí Ɔ́lolómɛ̄ tɔ já lí ŋgá yɛ́ɛ́le ɓɛ́nɛ lí se ɓé, ɓɛ́nɛ ɓá miní ŋga láaŋke nɛ́ Ɛtáŋɛ wahá Yésus Kilístus a ɛ́ni.

Elōg-Kɔlínto 1 1:7 ပူးပေါင်းရင်းမြစ်များ

Matéus 25:1

Yésus ɔ lāgá sīg-pɛ nɛ́: «Ekombo-lóō ɛ́g punan la jóom lí ŋgɔn ɛ́ ɓondígá yí ɛ́ nyɔŋɔ́ɔ́ bítūlkáŋ byáɓá á lí kɛ lí lí ɓoman la sɔ́mbɔ́.

Lúkas 12:36

Ɓɛ́án ákaa ɓot bí ŋga laaŋke mitiman mí ɛsáŋɛ́-a-mitán á ŋgand aúg, á li lege lí nyɛ likooká eceg a ŋga kɛ́ li sɔ́ ndí á kɔ̄tye.

Lúkas 17:30

Nlemlem á jam nɛ́ á ŋga kɛ́ li loo á ɔ́lɔ̄ Mɔɔ́n Mut a ŋga kɛ́ li ɛ́ni.

Elōg-Lóma 8:19

Átɔm nɛ́, biveglé bísɛ bí lɛ́ lí laaŋke átē a evéhé nɛ́ Ɔlolómɛ̄ a yíhɛ́ ɓanzáá bí lɛ́ ɓɔ́ɔ̄n ɓɛ́ɛ́.

Elōg-Lóma 8:23

Ndí, bí sē ɓé byɔ́-ntámɛ́. Ɓɛ́hɛ ki ɓá, ɓaá kuh M̀búl Mpúán kaa joga lí ɔ́sū á míkaale mí Ɔ́lolómɛ̄, ɓɛ́hɛ ki bi ŋgí ɓéeg la esɔghe átē wāhá, á nlaaŋkán nɛ Ɔlolómɛ̄ ag yaanɛ ɓɛ́hɛ ɓɔɔ́n ɓɛ́ɛ́, la nyɛ́ a pámɛ́ ɓɛ́hɛ nɛ́ ɓam ɓam á m̀ɓog á nyí nyuú.

Elōg-Kɔlínto 1 4:5

Ányúū náŋ, miníh kááhɛ́gɛ́ ɓé eceg ŋgí lí kɔ́lan, sɔ́kágánɛ́ Nyɔ́ŋ-Ɛsáŋɛ́ ag sɔ́. Nyɛ́ nɛ́ a ŋga kɛ́ li pámɛ á mípūū yé ɛ́sɛ ɛ́ sɔ́lɛ̄ á lívito, ag kɛ ki li yɛ́lɛ lí míɔ̄ŋɔ mí mímīm. La váŋ, Ɔlolómɛ̄ ag kɛ li ségɛ lí mut sig á nyaa ɛ kɔ́ɔ̄ la nyɛ́.

Elōg-Kɔlínto 2 12:13

Yéé bíŋí Bíɓasɛ byá kuh lí loo lí ɓɛ́nɛ é? Tɔ jam, amáh sig nɛ́, má māh nyɔŋle ɓé ma ɓɛ́nɛ jam tɔ já, miní láakɛ́ hɔ́ ma nyíŋ ŋgilí-ɓɛ́-lí-sim yama á ŋgwáāg yāná!

Elōg-Gálátia 5:5

Ányúū ɓɛ́hɛ ɓá bi byɛɛ́ ŋyéɓé li kele la M̀búl Mpúán, bi byɛ́ɛ́ lipitá nɛ Ɔlolómɛ̄ ag yaanɛ ɓɛ́hɛ ɓot bí tɛ́ɛ́ sim ɔ́sū vɛ́ɛ́.

Elōg-Fílípi 3:20

Ndí ɓɛ́hɛ, bi lɛ̄ ɓɔ́ɔ̄n bí ékombo ɛ́ lōó. Bi lɛ á nlaaŋkán nɛ Nyɔ́ŋ-Ɛsáŋɛ́ Yésus Kilístus ag sɔ́léne wóŋ ákaa ǹsuŋ.

Elōg-Kólóso 3:4

Eceg Kilístus nyɔ́ a lɛ́ éniŋ yáná a ŋga kɛ́ li ɛ́ni, váŋ nɛ́ ɓɛ́nɛ ki miní ŋga kɛ́ li ɛ́ni elɔŋ la nyɛ́ átē a ŋyoganɛ́ wɛ́ɛ̄ a lipém.

Elōg-Tésaloníka 1 1:10

á nlaaŋkán á Mɔ́ɔ̄n wɛ́ɛ̄ Yésus nyɔ́ a ŋga kɛ́ li timan lí lí sɔ́léne á lōó, nyɔ́ a pahyéé á póla ɓá ɓá wū, nyɔ́ a ŋga kɛ́ ɓɛ́hɛ sūŋ á ɔ́ūn ví ŋga kɛ́ li sɔ́.

Elōg-Tésaloníka 2 1:7

Ɓɛ́nɛ ɓá miní ŋga táka, Ɔlolómɛ̄ ag kɛ ɓɛ́nɛ li tíi lí évɛɛɓan elɔŋ la ɓɛ́hɛ, eceg Ɛtáŋɛ Yésus a ŋga kɛ́ li yɛ́ɛ́léne lí ɓɛ́hɛ nyɛ́-mɛ̄n, á mísɔ̄ mɛ́ɛ́ á lóō la mbimban áŋgɛl.

Timotéo 2 4:8

Nyí vɔ́ŋɔ́ɔ, Nyɔ́ŋ-Ɛsáŋɛ́ a nāŋʼyé mā ɔ́tot ví étɛ̄l-sim ákaa nsála, vɔ́ nɛ́ a ŋga kɛ́ ma lí tíi múŋ á ɔ́lɔ̄ ví bíkááhɛ́nɛ́, nyɛ́ ŋ̀kááhɛ a tɛ́ɛ́ sim. Ah mā-ntámɛ́ ɓé nɛ mi ŋga kɛ́ vɔ́ lí kuh, ndí ɓot bísɛ bí ŋga ɓɛ́la ediŋ yé mítiman mɛ́ɛ́.

Títo 2:13

á nlaaŋkán á mísɔ̄tá bií ŋga pītye, la lipém lí ŋga kɛ́ li ɛ́ni jé lí Loó lí míloó nyɔ́ a lɛ Ǹsuŋ wahá Yésus Kilístus.

Elōg-Hébɛl 9:28

Nlemlem nɛ́, Yésus Kilístus ki a tíéɓɛ́ kaa nsúlé ŋgele yāhya, ányúū lí ɓógtɛ lí míɓē mí mbɔ́ŋgɔ limut. Ag kɛ li ɛ́ni ŋgele ya yáhɛ́ ɛ́ɓáa, ah ányúū li manɛ lí míɓē ɓé, ndí ányúū li suŋ lí ɓot bí ŋga láaŋke misɔ́ mɛ́ɛ́.

Pétlos 1 1:13

Jɔ́ nɛ́, ɓɛ́án pɛɛ, miní ɓoŋhán nsɔ́n, naŋʼyán mípitá máná á míkaale Ɔlolómɛ̄ a ŋga kɛ́ ɓɛ́nɛ li tíi á eceg Yésus Kilístus a ŋga kɛ́ ɓɛ́nɛ li étɛ lí nyɛ́-mɛ̄n.

Pétlos 1 4:13

Ndí, eceg miní ŋga nyɔ̄ŋ ŋgaan á bísɔghe bí Nyɔ́-a-Pɔ́hlɛ, kɔnán jā mívag, á lí ɓɔŋ nɛ́ eceg lipém jɛ́ɛ́ lí ŋga kɛ́ li ɛ́ni, miní ɓɛ́ á mísophɛ.

Pétlos 1 5:4

Váŋ, eceg ŋ̀kanʼyɛ ɓatát míɓembá a ŋga kɛ́ li sɔ́, miníg kɛ li kuh lí ɔ́tot ví lípēm ví ví ŋgá kun ɓé.

Pétlos 2 3:12

Ɓɛ́nɛ ɓá miní ŋga láaŋke la li digɓanɛ lí misɔ́ mí ɔlɔ́ ví Ɔ́lolómɛ̄, víŋ ɔlɔ́, loó líg kɛ li díg, lá sííɓe, wóŋ byoóm byá nyɔŋ nzáan bíg kɛ li nándlan.

Yohánɛs 1 3:2

Á élōgyāŋ yé ediŋ, li ɓotle la nyí vɔ́ŋɔ́ɔ bi lɛ̄ ɓɔ́ɔ̄n bí Ɔlolómɛ̄, ndí yé bi ŋga kɛ́ li ɓɛ́ ɛ́ lɛ́ ŋgí lí ɛ́ni. Biíg yí nɛ́, eceg Nyɔ́-a-Pɔ́hlɛ a ŋga kɛ́ li sɔ́, biíg kɛ li punan la nyɛ́, ánsī nɛ biíg kɛ nyɛ́ lí ɛ́n ákaa a lɛ.

Yúde 1:21

Miní tɔɓéné á édiŋ yé Ɔ́lolómɛ̄, á nlaaŋkán á ékɔnan-ŋgɔ́ɔ́ yé Ɛ́tāŋɛ wahá Yésus Kilístus ányúū lí kuh lí éniŋ éɓem.