Elōg-Kɔlínto 1 1:5 - Esaa-líat ɛ́ péná

⁵ La mbálɛ, á ŋ̀atanɛ́ la Yésus Kilístus, nɛ́ miní kūhúú ábyaŋ á nyaa yɔ́ ɛ́sɛ, likaale lí eyí-ŋkwɛl la jé lí lí yí lí mam mísɛ.

Elōg-Kɔlínto 1 1:5 ပူးပေါင်းရင်းမြစ်များ

Misɔ́n mí Ɓáōmɓɛ 2:4

Ɓɔ́ bísɛ, ŋyálāg la M̀búl Mpúán, bú ɓōtlé lí pɔ́t lí mípɔ̄t mitám ákaa M̀búl a ŋgí yígle mut sig nɛ́ a pɔ̄t.

Elōg-Lóma 11:12

Kasig ɔvuha ví ɓɔ́ɔ̄n bí Élōg-Yúda vá byaŋɓɛ́ ŋkɔŋ-á-sí la mam mí m̀ɓɛɛŋ, kasig m̀ɓɛg wáɓá wá byaŋɓɛ́ ɓot bí sē ɓé ɓɔ́ɔ̄n bí Élōg-Yúda la mam mí m̀ɓɛɛŋ, eceg hɔ́ ɓɔ́ɔ̄n bí Élōg-Yúda bísɛ bí ŋga kɛ́ li kuh lí lísuŋga, mam mí m̀ɓɛɛŋ míg kɛ li kondye lí li bul li loo lí ɔ́vega.

Elōg-Lóma 15:14

Á élōgyāŋ, á yé ɛ́ ŋga légɓe ɓɛ́nɛ, mi lɛ mbáki la mā-mɛ̄n nɛ́ miní lɛ́ ɓot bí byɛ́ɛ̄ m̀mím á m̀ɓɛɛŋ, miníg yí ki mam má nyɛɛ́ lí yílɛ taŋ taŋ, ndí la li tíélan lí ŋgéélé ɓɛ́nɛ la ɓɛ́nɛ.

Elōg-Lóma 15:4

Ákaa ɛsɛ̄, yé ɛ́sɛ ɛ́ cíiɓɛ́ɛ á kwakwáŋɛ ɛ ɓɛ́ɛ́ ányúū lí yéglɛ lí ɓɛ́hɛ li ɓɛ́la lí kɔkɔ, la emɔ́mɛ bí ŋga sɔ́le á Lícii-Lipúán, nɛ́ ndí la byɔ́ bi ɓɛ́la ki lipitá.

Elōg-Kɔlínto 1 12:10

nyɔ́ŋɔ́ ntám, ɔ tí nyɛ li ɓɔŋ lí mínɛ̄ŋ, ntám sīg-pɛ ɔ tí nyɛ li pɔ́t á jóō lí Ɔ́lolómɛ̄, ntám sīg-pɛ, ɔ tí nyɛ likaale jé lí yí lí lí lem lí mímbūl, nyɔ́ŋɔ́ ntám sīg-pɛ ki, ɔ tí nyɛ li pɔ́t lí álēmb ákaa M̀búl a ŋgí yígle nyɛ́, ndí ɔ tí ki ntám eyí lí kɔpɔ lí wɔ.

Elōg-Kɔlínto 1 12:8

Nyɔ́ wa, M̀búl Mpúán ag yígle nyɛ́ lí ɓɛ́la lí bíɓaŋgá bí peg, nyɔ́ŋɔ́ nlemlem á M̀búl ag yígle nyɛ́ li kwɛl la eyí,

Elōg-Kɔlínto 1 13:2

Tɔ yá ɓɛ́ nɛ ma kūh líkaale jé lí pɔ́t ákaa m̀pɔ́tle-a-Ɔlolómɛ̄, tɔ yá ɓɛ́ nɛ ma lā lí sɔ́ŋtánɛ lí mbaŋ yɔ́ ɛ́sɛ, la li yí lí mam mísɛ, tɔ yá ɓɛ́ nɛ ma ɓɛ́la ŋyéɓé á sí ɛsɛ̄, nyú a ŋga ɓɛgɛ akolá, kíyáɓɛ́nɛ míh byɛ́ɛ́ ɓé mā édiŋ, ɛnɛ mi sē ɓé mā tɔ jam.

Elōg-Kɔlínto 1 13:8

Á m̀ɓá la m̀ɓá ediŋ ɛ́h byɛ́ɛ́ ɓé lísūg. Lí pɔ́t kaa ɓapɔ́tle-bí-Ɔ́lolómɛ̄ líg kɛ li man. Li pɔ́t lí álēmb líg kɛ li man. Eyí ɛ́g kɛ li man.

Elōg-Kɔlínto 1 14:26

Á élōgyāŋ, ɓaá, yéé yá nyɛɛ́ lí ɓɔŋɓɛ é? Eceg maná kɔtan, mut waná sig ag la li lɔ́ŋgɛ lí ŋgoso eɓasɛ, ag la li sɔ́la lí jam á lí yéglɛ tɔ biyɛ́ɛ́léné, ag la li pɔ́t lí álēmb tɔ li kɔpɔ lí wɔ̄. Ndí bíŋ bísɛ bíg nyɛɛ li ɓɔŋɓɛ á lí ólɓɛ lí ŋyéɓé á ɓot bísɛ.

Elōg-Kɔlínto 1 8:11

La náŋ, ányúū yéŋ eyí yɔ́ɔ, nyɔ́ mɔɔ́nɛ́tāŋ a byɛɛ́ míɔ̄ŋɔ mí ŋga ɓɔ̄t ag kɛ li wú, nyɛ́ mut Nyɔ́-a-Pɔ́hlɛ a wúēle.

Elōg-Kɔlínto 2 4:6

Ányúū nɛ Ɔlolómɛ̄ á yóó nɛ́: «Mipúú mí páa átē a livito.» Nyɛ́-mɛ̄n nɛ́ a páa á mímīm máhá, la nyɛ́ ɔ páɛ ɓɛ́hɛ nɛ́ ndí bi yí lipém jɛ́ɛ́, jé lí ŋga páayene á ásū á Nyɔ́-a-Pɔ́hlɛ.

Elōg-Kɔlínto 2 6:10

bíg nyɔŋ ɓɛ́hɛ kaa miályāg mí ɓot ndí kí bi ɓáág jā mívag la mivag, bíg nyɔŋ ɓɛ́hɛ kaa ɓayɛ́ɛ́yɛ́ɛ ndí kí ɓɛ́hɛ nɛ́ bi lɛ ɓábyaŋɓɛ ɓot, bíg nyɔŋ ɓɛ́hɛ kaa ɓot bí ŋga yɛ́ɛ́ jóō nɛ́ jam ndí kí ɓɛ́hɛ nɛ́ bi byɛɛ́ mam mísɛ!

Elōg-Kɔlínto 2 8:7

Ndí, kasig miní byɛ́ɛ́ byoóm bísɛ nlohanɛ́, ɛ́ ɓɛ́ ŋyéɓé, eyí-ŋkwɛl, li ɓɛ́la lí taŋ-taŋ eyí, ɛ́ ɓɛ́ ákwāā nyaa ɛ́sɛ, la ediŋ yé ɓaá dīŋ ɓɛ́nɛ, ɓɛ́án ki la nlohanɛ́ a m̀mím á m̀ɓɛɛŋ vɔ́ŋɔ́ɔ á yé eceg.

Elōg-Kɔlínto 2 9:11

Á pánd ɛ́sɛ, ag kɛ ɓɛ́nɛ li byaŋɓɛ a mam mísɛ, nɛ́ ndí á tɔ yɔɔ́yɔ́ɔ eceg miní étɛ́ elɔ́ŋgɔ m̀mím yáná. La náŋ, ŋgandag ɓot ɛ́g kɛ li tíi lí Ɔ́lolómɛ̄ mítamlan ányúū mikaale bi ŋga kɛ́ ɓɔ́ li tíi á jóō jáná.

Elōg-Éféso 1:17

Ɔlolómɛ̄, Loó lí Ɛtáŋɛ wahá Yésus Kilístus, Etāa nyɔ́ a lipém, a tí ɓɛ́nɛ M̀búl á peg nyú á ŋga yɛ́ɛ́léne ɓɛ́nɛ nyɛ́, la li yíhɛ lí ɓɛ́nɛ nyɛ́ m̀ɓɛɛŋ m̀ɓɛɛŋ.

Elōg-Éféso 2:7

Jɔ́ nɛ́, a étɛ́ ɓɛ́hɛ m̀mím wɛ́ɛ́ nláám á ŋ̀atanɛ́ wāhá la Yésus Kilístus, la náŋ ɔ sómo li étɛ lí ábyaŋ á ŋgíla ŋget nyú á elɔ́ŋgɔ yɛ́ɛ́ m̀mím á bíceg bí ŋga kɛ́ li sɔ́.

Elōg-Éféso 3:8

Tɔ náŋ ákaa ma nɛ́ mi lɛ nyɔ́ a lóohán lí tígi átē á ndog-Ɔlolómɛ̄ yɔ ɛsɛ̄, ma pɔ́n nɛ ma kūh líkaale jé lí lí lɛgɛ lí mílōm mí sē ɓé ɓɔ́ɔ̄n bí Élōg-Yúda pɔ́l abyaŋ á ŋgíla lisúg nyú á Nyɔ́-a-Pɔ́hlɛ,

Elōg-Éféso 6:19

Kánhánɛ ki ányúū yáma á lí ɓɔŋ nɛ́ Ɔlolómɛ̄ a tí ma biɓaŋgá bí kɔ́ɔ̄, bí ma nyɛ́ɛ lí lɛglene lí mbaŋ nyí Pɔ́l M̀ɓɛɛŋ la akwáá.

Elōg-Fílípi 1:9

Mikánɛ máma mí lɛ́ nɛ́, ediŋ yáná ɛ́ kondyé sīg-pɛ li náŋ, ɛ́ óŋgānɛ́ ɓɛ́nɛ li ɓɛ́la lí taŋ éyī la taŋ lisɔ́ŋtánɛ,

Elōg-Kólóso 2:3

Abyaŋ á peg ásɛ la nyú á éyī ásɛ bí sɔ́lɛ̄ ja átē a Kilístus.

Elōg-Kólóso 3:10

kasig maná yaán mut a péná, nyɔ́ a ŋgá tɔmb ɓé lí veŋe lí éniŋ yɛ́ɛ́ á lí ɓɔŋ nɛ́ a yí m̀veg nyɛ́, a púnán ki la nyɛ́.

Yákop 3:13

Mut a byɛ́ɛ́ peg la eyí á póla yaná, a lɛ nyɔ́ a ŋga étɛ́ míɓɔŋɔg mɛ́ɛ́ mílāām átē á misɔ́n mɛ́ɛ́ a ŋga ɓɔ̄ŋ la ewú-m̀mím. Nyɔ́ŋ mut ag ɓɔ̄ŋ bíŋ bísɛ la peg.

Pétlos 2 3:18

Ndí, miní kondyé lí náŋ átē a mikaale la átē a eyí ɛ́ Nyɔ́ŋ-Ɛsáŋɛ́ la ǹsuŋ wahá Yésus Kilístus. Eɓégɛ ɛ́ ɓɛ́ la nyɛ́ li ɓotle lá vɔ́ŋɔ́ɔ nɛ́-tɛ́ɛla á éɓem. Ɛ́ ɓɛ́ náŋ!