Elōg-Kɔlínto 1 1:21 - Esaa-líat ɛ́ péná

²¹ Ákaa ɛ́sɛ, kasig ŋkɔŋ-á-sí li oŋle la peg yɛ́ɛ̄ wáh la ɓé li lemlene lí Ɔ́lolómɛ̄ átē a peg yɛɛ́, ányúū náŋ nɛ́ Ɔlolómɛ̄ a súgɛ́ nɛ ag suŋ ɓá bísɛ bí ŋga yéɓé la nyíŋ pɔ́l bi ŋga lɛ́gɛ, nyí ɛ lɛ̄ káa jam lí nzeg ányúū ɓot-bí-bínam.

Elōg-Kɔlínto 1 1:21 ပူးပေါင်းရင်းမြစ်များ

Matéus 11:25

Váŋ á yéŋ eceg, Yésus ɔ nyɔ̄ŋ mpɔ́t a byɛ́ nɛ́: «Mag tíi wa mítamlan Etāa, Ɛtáŋɛ nyɔ́ á sí la lóō, ányúū yé wa sɔ́ɔ̄ ɓot-bí-peg la ɓá bí éyī, ndí wu yɛ́ɛ́lé yɔ ɓot bí lɛ́ kaa ɓɔɔ́n ɓátɔ̄ga.

Lúkas 10:21

Á nlemlem á eceg, M̀búl Mpúán ɔ yáhɛ́ Yésus la mivag, la nyɛ́ ɔ yó nɛ: «Mag tíi wa mítamlan Etāa, Ɛtáŋɛ nyɔ́ á sí la lóō, ányúū jam wa sɔ́ɔ ɓot-bí-peg la ɓá bí éyī, ndí wu yɛ́ɛ́lé jɔ ɓot bí lɛ ákaa ɓɔɔ́n ɓátɔ̄ga. Ɔɔ, Etāa, nzɛ́ wa sómo nɛ ɛ́ ɓɛ́ náŋ.

Lúkas 12:32

Ɔh kɔnɔ́g ɓé woŋ, á líɓembá lítɔ̄ga, átɔm nɛ́ Ɛsɔ́ŋɛ́ wāná a ɛ́n m̀ɓɛɛŋ á li tíi lí ɓɛ́nɛ Ekombo yɛ́ɛ́.

Yohánɛs 12:31

Nyí vɔ́ŋɔ́ɔ nɛ́ bí ŋga kááhɛ ɓot bí ŋkɔŋ-á-sí, nyí vɔ́ŋɔ́ɔ, ŋ̀kanʼyɛ a ɓot bí nyú ŋkɔŋ-á-sí ag lééɓɛ á ápūū.

Elōg-Lóma 1:28

Ákaa ɓáh ɛ́n ɓé nsɛ́ŋ á lí yí lí Ɔ́lolómɛ̄, Ɔlolómɛ̄ a cóó ɓɔ múŋ á éjōŋ yáɓá éyī, nɛ́ bí ɓɔ̄ŋɔ́g mam mí ɓáh nyɛɛ ɓé lí ɓɔŋ.

Elōg-Lóma 11:33

Ɔ́lolómɛ̄ a lóohán lí ɓɛ́ lí élɔ́ŋgɔ, peg yɛ́ɛ̄ la eyí yɛ́ɛ́ bíh byɛ́ɛ́ ɓé lísūg, mut tɔ wa a ŋgá la ɓé lí yí lí mísɛ́mɛg mɛ́ɛ́, mut tɔ wa a ŋgá la ɓé lí yí lí peg yɛ́ɛ́ a vúl!

Elōg-Kɔlínto 1 1:18

Ákaa ɛ́sɛ, li kwɛl ányúū nyɛmb nyí Nyɔ́-a-Pɔ́hlɛ á mbásá lí lɛ́ jam lí nzeg ányúū ɓot ɓá jáŋ. Ndí ányúū ɓɛ́hɛ ɓot bí tɛ́ɛ́ á nzen lisuŋga, lí lɛ́ ŋguu nyí Ɔlolómɛ̄.

Elōg-Kɔlínto 1 1:23

Ndí ɓɛ́hɛ, biíg lɛgɛ pɔ́l nyí Nyɔ́-a-Pɔ́hlɛ nyɔ́ a tōmlɛ́ á mbásá. Nyíŋ pɔ́l ɛ lɛ́ ntugɛ ányúū Elōg-Yúda, nzeg ányúū ɓá bí sē ɓé ɓɔ́ɔ̄n bí Élōg-Yúda.

Elōg-Kɔlínto 1 1:24

Ndí, ányúū ɓá ɓá yáŋlɛ, ɛ́ ɓɛ́ ɓɔ́ɔ̄n bí Élōg-Yúda tɔ ɓá bí Gelékia, Yésus a lɛ Nyɔ́-a-Pɔ́hlɛ, ŋguu la peg nyí Ɔlolómɛ̄.

Elōg-Kɔlínto 1 1:25

Á mbálɛ, nzeg nyí Ɔlolómɛ̄ ɛ́g loo peg nyí ɓot-bí-bínam, áɓɔt wɛ́ɛ́ ki ág loo ŋguu nyí ɓot-bí-bínam.

Elōg-Kɔlínto 1 1:27

Ndí, Ɔlolómɛ̄ a pɔ́hɔ̄ yé ɛ́ ŋga ɛ́ni nzeg á ŋkɔŋ-á-sí, ányúū li kɔnhanɛ lí ɓot bí peg mbɔɔla. Ɔlolómɛ̄ a pɔ́hɔ̄ ki yé ɛ́ ŋga ɛ́ni aɓɔt á ŋkɔŋ-á-sí, ányúū li kɔnhanɛ lí ɓot bí ŋguu mbɔɔla.

Elōg-Kɔlínto 1 11:32

Ndí ag kááhɛ ɓɛ́hɛ á lí tɛ́ɛ́yɛ lí ɓɛ́hɛ á nzen, á lí ɓɔŋ nɛ́ bih kuhúg ɓé ɓɛ́hɛ ekɔ́ghɛ elɔŋ la ɓot bí ŋkɔŋ-á-sí.

Elōg-Kɔlínto 1 2:14

Mut nyɔ́ a tɔɓéné jā á líɓɛ́ɛg jɛ́ɛ́ lí mut-a-binam jɔ́-ntámɛ́, a ŋgá yéɓe ɓé yé ɛ́ ŋga sɔ́léne la M̀búl á Ɔ́lolómɛ̄. Bíŋ bísɛ bí lɛ́ jā nzeg ányúū yɛ́ɛ̄, a ŋgá la ɓé lí yí lí tɔ jam átē, átɔm nɛ́ M̀búl Mpúán nɛ a ŋga yíhɛ mut yé ɛ́ lɛ́ m̀ɓɛɛŋ la yé ɛ́ lɛ́ áɓē á míŋ mam.

Elōg-Kɔlínto 1 4:10

Ɓɛ́hɛ, bi lɛ̄ ɓot-bí-nzēg ányúū nsɔ́n á Nyɔ́-a-Pɔ́hlɛ, ndí ɓɛ́nɛ, miníg yí jam á ŋ̀atanɛ́ wāná la Nyɔ́-a-Pɔ́hlɛ. Ɓɛ́hɛ bi lɛ̄ mítɔt, ndí ɓɛ́nɛ miní byɛ́ɛ́ ŋguu. Ɓɛ́nɛ miní byɛ́ɛ́ adit, ndí ɓɛ́hɛ, bíg yaŋa ɓɛ́hɛ.

Elōg-Kɔlínto 1 6:2

Ɓaá miní ŋgá yí ɓé nɛ ndog-Ɔlolómɛ̄ nɛ ɛ ŋga kɛ́ lí kááhɛ lí ŋkɔŋ-á-sí é? Kíyáɓɛ́ hɔ́ nɛ ɓɛ́nɛ nɛ́ miní ŋga kɛ́ li kááhɛ lí ŋkɔŋ-á-sí, nɛ̄-láá hɔ́ miní kɔ́ɔ́ ɓé lí kááhɛ lí pūh mam ná é?

Elōg-Gálátia 1:15

Ndí, Ɔlolómɛ̄ a pɔhléé ma tóɓó-tóɓó kí mi ŋgí lɛ á líbum lí yɛɛ, á édiŋ yɛ́ɛ́ ɔ yáŋá ma, ɔ ɛ́n m̀ɓɛɛŋ

Elōg-Gálátia 4:8

Á kwakwáŋɛ, miní ŋgí yí ɓé Ɔlolómɛ̄, ányúū náŋ nɛ́ miní ɓɛ́ɛ́ míyɔ̄ŋ mí míloó, mí mí sē ɓé kɔɔ miloó.

Elōg-Éféso 1:9

A yɛ́ɛ́léné ɓɛ́hɛ mbaŋ nyí nsom wɛ́ɛ́, ɔ yɛ́ɛ́léné ki ɓɛ́hɛ peg a vúl la m̀mím á m̀ɓɛɛŋ ɔ́sū ví eceg á jóō lí Nyɔ́-a-Pɔ́hlɛ.

Elōg-Éféso 3:10

Jɔ́ nɛ́, li ɓotle nyí vɔ́ŋɔ́ɔ, li loole la Eɓasɛ nɛ́ Migɔ́mna la Ɓakanʼyɛ bí lɛ́ á lóō bí ŋga kɛ́ lí yí lí peg Ɔlolómɛ̄ á pánd ɛ́sɛ,

Elōg-Kólóso 1:19

Ányúū náŋ nɛ́ Ɔ́lolómɛ̄ a ɛ́n m̀ɓɛɛŋ nɛ́ a ɓɛ́ nyɛ́ asɛ̄ átē a Mɔɔ́n wɛ́ɛ̄.

Elōg-Hébɛl 1:14

Ɓaá, yíŋ áŋgɛl ɛ́sɛ ɛ́ sē ɓé ja mímbūl mí mí ŋga sále Ɔlolómɛ̄ é? Ɓaá nsɔ́n wáɓá á sē ɓé jā lí óŋgánɛ lí ɓot bí ŋga nyɛ́ɛ li kuh lí lísuŋga é?

Elōg-Hébɛl 2:3

Nɛ́-láá hɔ́ ɓɛ́hɛ-mɛ̄n bi ŋga lá li véé lí ékɔ́ghɛ kíyáɓɛ́nɛ ɓaá yaŋá bíɓaŋgá bí ŋga sɔ́la nyíŋ taŋ lisuŋga é? Jéŋ lisuŋga nɛ́ Nyɔ́ŋ-Ɛsáŋɛ́ nyɛ́-mɛ̄n a dúgléé lí lɛgɛ, ámbúh nyɛ́, ɓot bí ámbléé nyɛ́ bú tímān ɓɛ́hɛ li yīgyɛ lí nlemlem á jam,

Elōg-Hébɛl 7:25

Ányúū náŋ nɛ́ ŋgele ya ányúū yɔ́ ɛ́sɛ, Yésus a kɔɔ́ lí suŋ lí ɓá bí ŋga lóole la nyɛ́ á lí siŋgle lí Ɔlolómɛ̄ á ŋgwáāg. Kasig a ŋga nīŋ á éɓem la á éɓem, á lí kánɛ lí Ɔ́lolómɛ̄ ányúū yāɓá.

Yákop 4:4

Á ɓot bí mpuŋgú ɓá! Ɓaá, miní ŋgá yí ɓé nɛ li tɛ́g lí líwāndá la ŋkɔŋ-á-sí lí lɛ́ lí pún lí Ɔ́lolómɛ̄ é? Tɔ nzáá a ŋga sómo li ɓɛ́ lí líwāndá lí ŋkɔŋ-á-sí, ag yaan hɔ́ ǹlem a Ɔlolómɛ̄.

Yákop 5:15

Li kánɛ la ŋyéɓé líg kɛ li suŋ lí ŋ̀kɔɔ́kɔn, Nyɔ́ŋ-Ɛsáŋɛ́ ag kɛ nyɛ́ lí tɛ́ɛ́yɛ. Kíyáɓɛ́nɛ a ɓɔ̄ŋ miɓé, Nyɔ́ŋ-Ɛsáŋɛ́ ag kɛ mɔ́ lí laakɛ.

Yákop 5:20

yíán hɔ́ nɛ, nyɔ́ la nyɔ́ a ŋga ɓógtɛ m̀ɓɔŋ-miɓé á nzen njáŋgá, ag kɛ nyɛ́ lí suŋ lí éniŋ, ag óŋgánɛ ki nyɛ́ nɛ́ ɔbul vɛ́ɛ́ ví míɓē ví kuh elaakɛ.