Yohane 6:27 - Sura Malelaha

²⁷ Ineekau mobago mohaoki paande au hampalai pea kaopena hai au polo mawai. Agaiana mobagokau mohaoki paande au bara peisa mawai hai au moweikau katuwo maroa au bara mokahopoa. Iko Ana Manusia au ina moweikau paande iti, lawi Ikomi au Napilei Pue Ala hai au Napokatana.”

Yohane 6:27 ပူးပေါင်းရင်းမြစ်များ

Matiu 17:5

Tangana mani Peturu mololita, unga pea hawe gawu au mewangka mobalungkuhihe, hai hangko i lalu gawu iti mohadihe hambua wotu au manguli, “Idemi AnaNgku au Kupokakaia hai au Kupokatana. Nipehadingi lolitaNa!”

Matiu 25:46

Napahopo Yesu lolitaNa, Nauli, “Ope-ope tauna au kadake iti ina ratendehe i lalu naraka hai rahuku hawe i hae-haena, hai tauna au manoto ina molambihe katuwo maroa au bara mokahopoa.”

Matiu 3:17

Roo nodo, rahadimi wotuna Pue Ala hangko i langi au manguli, “Ia idemi AnaNgku au Kupokakaia hai Kupokatana.”

Matiu 6:19

“Ineekau morampu anu-anu i dunia. Lawi anu-anu i dunia peisa naande bubu ba mewali tagara. Pambolia anu-anumi peisa rabungkahi hai ihina rapanangka.

Matiu 8:20

Nahanai Yesu, Nauli, “Serigala ara kalolunda, hai tadasi ara haranda, agaiana Iko, Ana Manusia, bara ara sou au Kupaturui.”

Markus 1:11

Roo nodo, rahadimi wotuna Pue Ala hangko i langi au manguli, “Oiomi AnaNgku au Kupokakaia hai Kupokatana.”

Markus 9:7

Unga pea hawe gawu mobalungkuhihe, hai hangko i lalu gawu iti rahadimi hambua wotu au manguli, “Idemi AnaNgku au Kupokakaia. Nipehadingi lolitaNa!”

Lukasi 3:22

hai Inao Malelaha nodo tadasi manggebodo mendaulu Iria. Hai ara hambua wotu hangko i suruga au manguli, “Oiomi AnaNgku au Kupokakaia hai Kupokatana.”

Lukasi 9:35

Unga peahe mohadi hambua wotu hangko i lalu gawu au manguli, “Idemi AnaNgku au Kupilei. Nipehadingi lolitaNa!”

Yohane 10:28

Kuweihe katuwo maroa au bara mokahopoa, hai manotomi kadanda ina rahuku. Bara ara hadua au peisa mamperampaihe hangko i taieNgku.

Yohane 11:42

Kuisa, batena Nupehadingi liliu lolitaNgku. Agaiana lolitaNgku ide Kuuli masisimbuku bona rahadi tauna bosa inde bona rapoinalai kaOiona mpuumi au motuduNa.”

Yohane 14:6

Nauli Yesu, “Ikomi rara, Ikomi au mopahawe paturo au tou, hai Ikomi au moweikau katuwo au bara mokahopoa. Bara ara hadua au peisa hawe i UmaNgku, ane bara mepoinalai Iriko.

Yohane 15:24

I olonda tauna bosa, Kubabehi tanda kuasa au bara mani rababehi tauna ntanina. Ane kebara Kubabehi nodo, kebarahe masala. Agaiana i karaitana apa au Kubabehi, ihira mokahihi liliuNa, hai UmaNgku rakahihi wori.

Yohane 17:2

NuweimoNa kuasa motadulakoi ope-ope tauna bona tauna au NuweimoNa, ina Kukiraiahe katuwo maroa au bara mokahopoa.

Yohane 3:15

bona hema au mepoinalai Iriko ina molambi katuwo maroa au bara mokahopoa.”

Yohane 3:33

Tauna au mampoinalai lolitaNa, mopangaku katouna Pue Ala.

Yohane 6:40

Idemi peundeana UmaNgku: bona ope-ope tauna au moitaNa hai au mepoinalai Iriko AnaNa, ina molambihe katuwo maroa au bara mokahopoa, hai ina Kupopearohe i alo pebotusi.”

Yohane 6:47

Tou lolitaNgku ide: hema au mepoinalai Iriko, molambihe katuwo maroa au bara mokahopoa.

Yohane 6:51

Ikomi paande au mendaulu mai hangko i suruga, paande au mepatuwo! Tauna au moande paande ide molambihe katuwo au bara mokahopoa. Paande au mepatuwo ide, lempona wataNgku au Kukira bona manusia molambi katuwo.”

Yohane 6:53

Ido hai Nauliangaahe, “Tou mpuu lolitaNgku ide: ane barakau moande onto Ana Manusia, hai barakau moenu waheNa, barakau ina molambi katuwo au bara mokahopoa.

Yohane 6:54

Tauna au moande ontoKu hai moenu waheNgku, ina molambihe katuwo maroa au bara mokahopoa, hai ina Kupopearohe hangko i kapate i alo pebotusi,

Yohane 6:58

Itimi paande au mendaulu hangko i suruga. Paande iti bara nodo manna au raande toiorumi hangkoia. Naurihe maande manna iti, batenda mate. Agaiana tauna au moande paande ide, ina tuwohe hawe i hae-haena.”

Yohane 6:62

Ane nodo, noumbami ane moitakau Ana Manusia mengkaore lao i paidaaNa nguru-nguruna?

Yohane 6:68

Mehana Simo Peturu, nauli, “Ane kipalehiKo Pue, i hemamongkai lao? Oio pea au mohowara lolita au mopaara katuwo maroa hawe i hae-haena.

Yohane 8:18

Ara rodua sabiNgku: Iko haduduaNgku hai karoduana, iami UmaNgku au motuduNa.”

Suro 10:38

Niisa wori noumba tuntukana Yesu to Nasare au napileimi Pue Ala hai Nawei Inao Malelaha hai kuasa. Iumba pea polumaoaNa, Ia mobabehi apa au maroa lawi naporangai Pue Ala, hai Ia mopakaoha ope-ope tauna au napopeahi-ahi Datu Tokadake.

Suro 2:22

Hai napaliliu mbuli Peturu lolitana, nauli, “Halalungku to Yahudi! Nipehadingi apa au kuuliangaakau ide. Au kutunggai iami Yesu to Nasare. Ia pea au napilei hai napakanoto Pue Ala mewali TopobagoNa au Malelaha. Iti niisa lawi anti kuasana Pue Ala, Pue Yesu mobabehi ngkaia tanda kuasa hai tanda au metingkarai i olomi.

Roma 4:11

Burahima ratile aminami mepoinalai. Karatilena iti mewali pea tanda kamanotona i peitana Pue Ala. Mewali, tongawami irikita Burahima mewali manoto i peitana Pue Ala anti pepoinalaina nauri barato ratile. Ido hai peisa tauli Burahima rapouma tauna au barahe to Yahudi au mepoinalai i Yesu, lawi kehapirihe bara ratile moula Aturana Musa, batena mewalihe manoto i peitana Pue Ala anti pepoinalainda au himbela hai Burahima.

Roma 6:23

Hema au mobabehi dosa batena molambi hurungina, hai hurungina iti iami kapate au mogaakike hangko i Pue Ala. Agaiana anti kabulana laluna Pue Ala irikita, ido hai Naweike katuwo maroa au bara mokahopoa. Kabulana laluNa iti tahumba anti pohintuwuta hai Kerisitu Yesu, Amputa.

1 Korintu 6:13

Ara wori lolita, “Paande mobundu i tainta, hai tai mobundu rapoihii paande.” Tou lolita iti, agaiana hambela tempo hinangkana iti ina napatuna Pue Ala. Agaiana watanta ide bara napopewali Pue Ala bona mebualosike. Watanta hangangaa tapake mobabehi peundeana Pue. Iami ampuna watanta.

1 Korintu 9:2

Nauri tauna ntanina bara mopangaku kaikona surona Pue Yesu, agaiana ikamu halalu, hangangaa nipangaku. Lawi ikomi au mobambari Ngkora Marasa hawe i wanuami. Pepoinalaimi i Pue Yesu mopakanotomi kaikona suroNa.

2 Korintu 4:18

Mewali, barangkai mampekiri apa au taita agaiana mampekiringkai apa au bara mani taita. Lawi au taita, hampalai pea, agaiana au bara mani taita, itiri au mantaha liliu hawe i hae-haena.

Galatia 5:6

Ane mohintuwuke hai Kerisitu Yesu, bara ara bunduna ratileke ba barake ratile; batena pea mepoinalaike i Yesu. Hai ane maahike i ranganta, pepoinalainta iti ina tongawa.

Pilipi 2:13

Lawi Pue Ala au mampopokale lalumi pane niunde moula peundeaNa, hai Ia au moweikau karoho moula peundeaNa.

Kolose 1:29

Idomi hai kupari-pari mopaliliu bagongku moula karoho au kuhumba hangko i Kerisitu, lawi mahile mpuu kuasaNa i lalu katuwongku.

Kolose 2:22

Atura au nodo bara moanti katuwo maroa irikita, lawi atura iti kana pea i paande hai anu-anu au peisa ope; hampalai pea rapake. Atura iti mesuwu hangko i hawa hai paturo manusia.

Kolose 3:2

Lempona, hangangaa nipekiri katuwomi au mohintuwu hai Kerisitu i suruga. Inee peakau mampekiri katuwomi au i dunia ide.

1 Tesalonika 1:3

Ane mekakaengkai i Pue Ala Umanta, kikatuinao liliu pobagomi anti pepoinalaimi, kikatuinao petulungimi i rangami anti kamaahimi, hai kikatuinao kamantahami i lalu kapari anti peharungami i Amputa Yesu Kerisitu.

2 Timotiu 2:19

Nauri nodo, Ngkorana Pue Ala batena maroho peangkana. Ngkorana Pue Ala rapandiri nodo haogu watu au bara ina tedua. I lalu Ngkorana Pue Ala teuki node, “Pue moisa hema au Napilei mewali anaNa,” hai, “Hema-hema au mopangaku kaYesuna Ampunda, hangangaa mokabahahe babehianda au kadake.”

Ibarani 12:16

Nipamaroa-roa babehiami bona datikau ara au mebualosi ba mobabehi babehia au merikai. Ineekau ara au bara meula i peundeana Pue Ala nodo Esau hangkoia, lawi ia bara moholoi pewatina Pue Ala hangko i katowutuna. Kirana au katouana nahumba hangko i umana anti katowutuna, napobaluri i adina, naintolohi pea hai hantabo paande.

Ibarani 4:11

Mewali halalu, hangangaa tapari-pari molambi pengkarooangaa hihimbela hai Pue Ala bona datike ara au mousuli hangko i pepoinalainta, nodo to Yahudi hangkoia au bara moula hawaNa.

Yakobu 1:11

Lawi ane nasimbaki alo au makere, liliu malau, alana maoru bungana hai matantami peraena. Nodo wori tauna au pebuku: ina matehe tanganda mourusi peawanda.

1 Peturu 1:24

Ara teuki i lalu Sura Malelaha au manguli, “Katuwo manusia nodo hehi, peawa manusia nodo bunga hehi. Hehi batena malau, hai bungana ina maoru,

2 Peturu 1:17

Lawi hangkoia i tempona Yesu napopeawa hai nabila Pue Ala UmaNa au mahile tuwoNa i wongko bulu, arangkai hihimbela hai Ia. I tempo iti, nauli Pue Ala: “Idemi AnaNgku au Kupokakaia hai Kupokatana.”