Yohane 5:28 - Sura Malelaha

^28-29 Inee nipotingkara lolitaNgku ide, lawi hambela tempo ope-ope tauna au mate ina mohadi wotuNgku, hai ina mearohe hangko i talumbanda. Tauna au mobabehi roa ina rapopearohe bona molambihe katuwo maroa. Agaiana tauna au mobabehi dake ina rapopearohe bona rahuku.”

Yohane 5:28 ပူးပေါင်းရင်းမြစ်များ

Yohane 3:7

Mewali, inee nupotingkara ane Kuuliangaako: hangangaa rapoanaka sulekau.

Yohane 4:21

Nauli Yesu, “Ina, nupoinalai lolitaNgku ide: ina hawe tempona, bara i Yerusale tauna menomba i Pue Ala, hai bara wori i bulu ide.

Yohane 4:23

Agaiana ina hawe tempona, hai katouana hawemi tempo iti, i lalu peninina Inao Malelaha ina moisa mpuuhe hema Pue Ala i katou-touana, hai ina menombahe Iria, moula rara mpenomba au naunde Pue Ala Umanta.

Yohane 5:20

lawi UmaNgku mampokakaiaNa, hai NapopaitaaNa ope-ope au Nababehi. Hai ara mani bago au ina NapopaitaaNa au meliu kamahilena hangko i bago au roomi Kubabehi. Ina Kubabehi bago iti alana nipotingkara mpuu.

Yohane 5:25

Tou mpuu lolitaNgku ide: ina hawe tempona hai katouana tempo iti hawemi, tomate ina mohadi wotuna Anana Pue Ala, hai ihira au mohadi wotuNgku ina molambi katuwo au wou.

Suro 24:15

Peharungangku i Pue Ala batena himbela hai peharunganda iwalingku ide: kupoinalai kaina arana tempo au napakanoto Pue Ala mopatuwo hule ope-ope tomate, maroa au manoto babehianda, maroa au kadake babehianda.

Suro 3:12

Kanaitanda Peturu tauna bosa iti, nauliangaahe, “Halalungku to Yahudi! Moapari hai nipotingkara apa au niita ide? Moapari hai nitotoki liliungkai? Ba niuliri, tauna ide molumao anti kuasangki, ba hangko i kamalelahana lalungki? Bara!

1 Korintu 15:22

I lalu pohintuwuta hai Adama ope-ope tauna hangangaa mate, agaiana i lalu pohintuwuta hai Kerisitu ope-ope tauna molambihe katuwo au wou au bara mokahopoa.

Pilipi 3:21

hai Ia ina mobaliki watanta au meahi-ahi ide duuna himbela hai wataNa au meawa ntepuu. Ope-ope iti, Nababehi moula kuasaNa au peisa mampopengkoru hinangkana Iria.

Pampetudungia 20:12

Hai kuitahe tomate au rapatuwo hulemohe, maroa au koi ba au mahile tuwonda, meangkahe i lindo kadera kadatua iti. Tauna au mate maliso i tahi hai ope-ope tauna au ara i paidaa tomate, meangkamohe ope-ope i lindo kadera kadatua iti. Hai rabungkahimi sura, inditi teuki ope-ope babehianda. Mewali, ope-ope tomate au rapatuwo hulemohe ina rahukuhe hintoto hai apa au teuki i lalu sura iti, karahukunda moula babehianda. Hai rabungkahi worimi sura au hambuana, hangana Sura Ngkatuwo.