Yohane 5:19 - Sura Malelaha

¹⁹ Mewali mololitami Yesu irihira, Nauli, “Tou mpuu lolitaNgku ide: Nauri AnanaNa Pue Ala, baraNa peisa mobago moula peundeaKu haduduaNgku. Apa au Kuita Nababehi UmaNgku, batenami iti au Kupobago. Apa pea bagona UmaNgku, iti wori bagoNgku,

Yohane 5:19 ပူးပေါင်းရင်းမြစ်များ

Matiu 26:39

Roo indo, lao karao haodi, molingkudumi motumpa mekakae, Nauli, “UmaNgku, ane peisa, Nupakaraoa wongkoia kapari au ina morumpaNa ide. Agaiana bara peundeaKu au Kuula; peundeaMuri, Uma.”

Lukasi 21:15

Lawi Iko ina mowoli i lalumi pehanami au manoto alana bara rabuku iwalimi mosapuaka apa au niuli.

Yohane 10:18

Bara ara hadua au mopapateNa ane bara peundeaKu. MokiraNa wataNgku moula peundeaKu haduduaNgku. MakuasaNa mokira wataNgku bona rapapate, hai makuasa woriNa tuwo hule. Itimi hawana UmaNgku au Kutarima hangko Iria.”

Yohane 12:49

Lawi lolitaNgku bara hangko i peundeaKu. Mopahawe hai mampololita peana apa au naparentaiaNa UmaNgku, lawi Ia au motuduNa mai.

Yohane 12:50

Hai Kuisa, hema au mampeulai parenta iti ina molambi katuwo maroa au bara mokahopoa. Mewali, apa au Kupololita ide, nodo lolita au napahaweaNa UmaNgku.”

Yohane 14:10

Bara mani pae nupoinalai Iko mohintuwuNa hai UmaNgku nodo wori UmaNgku mohintuwu hai Iko? Apa au Kuuliangaakau ide, bara Kuuli moula peundeaKu. UmaNgku mohintuwu hai Iko, Ia au mobago liliu i lalu katuwoNgku.

Yohane 2:19

Nauli Yesu, “Nigero Souna Pue Ala ide, hai ina niita mpuu i lalu talu alona Kuaro hule.”

Yohane 3:3

Nauli Yesu, “Ane hadua tauna bara rapoanaka sule, bara peisa mewali taunana Pue Ala i lalu poparentaNa. Lolita ide tou.”

Yohane 5:21

Nodo UmaNgku mampopearo tomate hai moweihe katuwo, Iko wori mowei katuwo i hema pea moula peundeaKu.

Yohane 6:38

Lawi kamaiNgku hangko i suruga, baraNa mobabehi peundeaKu haduduaNgku. Agaiana maiNa mobabehi peundeana Pue Ala au motuduNa.

Yohane 8:28

Ido hai Nauliangaa mbulihe, “Ane mopamapangkamokau Ana Manusia, hangko niisari Ikomi au rauli ‘IKO ARA’, hai bara ara hampaka au Kubabehi moula peundeaKu. BateNgku pea mampololita apa au NapaturoaNa UmaNgku.

Yohane 9:4

Hangangaa tapopolumao bagona Pue Ala au motuduNa, liana mani mabaa. Tempo kaindi ina hawemi, hai ane kaindimi barapi ara tauna au peisa mobago.

Suro 2:24

Ikamu mopapate Yesu, agaiana Pue Ala mopatuwo hule. Pue Ala mokabaha wataNa hangko i kuasa kapate, lawi Ia hangangaa tuwo hule.

Roma 6:4

I karariunta iti, nodoke tauna au mate hai ratawu himbela hai Kerisitu bona nodo Kerisitu rapatuwo hule hangko i kapate anti kuasana Pue Ala Umanta, nodo wori ikita, molambike katuwo au wou hai mobabehike apa au manoto i peitaNa.

Roma 8:11

Pue Ala mopatuwo hule Yesu anti kuasana Inao Malelaha, hai Inao Malelaha iti au maida i lalunta. Mewali, kehapiri watanta mate, batena napatuwo huleke Pue Ala anti kuasana Inao Malelaha au maida i lalunta.

1 Korintu 15:12

Mewali, ane kibambari katuwo hulena Kerisitu hangko i kapate, moapari hai ara mani tauna i olomi au mosapuaka katuwo hulenda tomate i alo pobotusia?

2 Korintu 4:14

Pue Ala mopatuwo hulemi Pue Yesu. Ido hai kiisa hambela tempo ina Napatuwo hule woringkai hai Naantingkai lao i lindoNa hihimbela hai ikamu.

2 Korintu 5:10

Lawi hambela tempo, ikita ope-ope hangangaa molindo Kerisitu bona Naparesa babehianta, hai ikita ope-ope ina molambi hurungina hintoto hai apa au tababehi tanganta mani tuwo i dunia ide.

Epesu 2:5

Napatuwo hulemoke hihimbela hai Kerisitu nauri matemoke i lalu kamasalanta. Mewali batena pea anti kabulana laluna Pue Ala paneke tehorema hangko i huku dosanta.

Epesu 3:16

Mekakaena i Pue Ala au mahile kuasaNa bona hangko i kuasaNa au mahile iti, Napakaroho lalumi hai InaoNa,

Pilipi 3:21

hai Ia ina mobaliki watanta au meahi-ahi ide duuna himbela hai wataNa au meawa ntepuu. Ope-ope iti, Nababehi moula kuasaNa au peisa mampopengkoru hinangkana Iria.

Pilipi 4:13

Kubuku molindo hinangka au merumpa, lawi Kerisitu mopakaroho lalungku.

Kolose 1:11

Merapingkai i Pue Ala bona Napakaroho lalumi i lalu kuasaNa moula kamarohoNa au mahile bona mantaha liliukau i hinangkana au morumpakau.

Kolose 1:16

Lawi Iami au napopatoa Pue Ala mampopewali hinangka au ara, au i suruga hai i dunia, maroa au raita ba au bara raita, tepesua ope-ope au makuasa hai au moparenta. Pue Ala mampopatoa Kerisitu mampopewali hinangkana iti bona Kerisitu rapomahile.

1 Tesalonika 4:14

Ane tapoinalai Pue Yesu au mate hai napatuwo hule Pue Ala, hangangaa tapoinalai wori ope-ope tauna au mate au mepoinalai Iria ina tuwo hule worihe. Hai ina naguluhe Pue Ala hihimbela hai Yesu.

1 Peturu 3:18

Lawi ara wori hadua au molambi kapari, iami Kerisitu. Ia hambela pea mokira wataNa rapapate bona mohalea dosa manusia. Ia au bara ara salaNa mopahuruke au masala bona moantike i Pue Ala. Ia rapapate, agaiana rapatuwo hule anti kuasana Inao Malelaha.

Pampetudungia 2:23

Ope-ope tauna au meula iria ina Kupapatehe. Hangko inditi, ina tongawa i ope-ope jumaa kaIkona au moparesa pekiri manusia hai lalu manusia. Ina Kuhurungikau hintoto hai babehiami.