Yohane 4:14 - Sura Malelaha

¹⁴ Agaiana hema au moenu owai au Kuwei, barapi mangkadou hawe i hae-haena. Lawi owai au Kuwei iti, ina moili liliu i laluna; lempona, ina molambi katuwo maroa au bara mokahopoa.”

Yohane 4:14 ပူးပေါင်းရင်းမြစ်များ

Matiu 25:46

Napahopo Yesu lolitaNa, Nauli, “Ope-ope tauna au kadake iti ina ratendehe i lalu naraka hai rahuku hawe i hae-haena, hai tauna au manoto ina molambihe katuwo maroa au bara mokahopoa.”

Matiu 5:6

Morasihe tauna au mampeinao mewali manoto i peitana Pue Ala, lawi Pue Ala ina moweihe apa au rahaoki.

Yohane 10:10

Ane tauna ntanina mouli kaihiranami Datu Topehompo, ihira peisa rapandiri nodo topanangka. Topanangka, mai peahe manangka, mepapate hai mepaope. Agaiana kamaiNgku ide bona manusia molambi katuwo au rumihi kamaroana.

Yohane 11:26

Hai ope-ope tauna au molambi katuwo hangko i pepoinalainda Iriko, barahe ina mate hawe i hae-haena. Ba Nupoinalai au Kuuli ide?”

Yohane 4:10

Nauli Yesu, “Ane kenuisa kamahilena pewatina Pue Ala hai hemaNa au merapi owai ide, kemerapi woriko owai Iriko, hai Kuweiko owai au mepatuwo.”

Yohane 4:11

Nauli towawine iti, “Hangko iumba mai owai au Nuuli iti? PopetabuikiMu bara ara, hai tibubu ide malobu.

Yohane 4:13

Nauli Yesu, “Ope-ope tauna au moenu owai hangko i tibubu ide, mangkadou hulehe.

Yohane 4:36

Tauna au mopahawehe Ngkorana Pue Ala peisa rapandiri nodo tauna au mantuda hai au mepare. Ide-ide masilolongami saronda topepare iti, hai mepongkamohe mogulu wuana. Anti pobagonda, bosa tauna molambi katuwo maroa au bara mokahopoa. Hai kahopoana ina matana-tanahe hihimbela hai tauna au mantuda.

Yohane 6:27

Ineekau mobago mohaoki paande au hampalai pea kaopena hai au polo mawai. Agaiana mobagokau mohaoki paande au bara peisa mawai hai au moweikau katuwo maroa au bara mokahopoa. Iko Ana Manusia au ina moweikau paande iti, lawi Ikomi au Napilei Pue Ala hai au Napokatana.”

Yohane 6:35

Nauli Yesu, “Iko idemi paande au mepatuwo. Hema au mai Iriko hai mepoinalai Iriko, barapohe ina marimi hai barapohe ina mangkadou hawe i hae-haena.

Yohane 6:58

Itimi paande au mendaulu hangko i suruga. Paande iti bara nodo manna au raande toiorumi hangkoia. Naurihe maande manna iti, batenda mate. Agaiana tauna au moande paande ide, ina tuwohe hawe i hae-haena.”

Yohane 7:37

Alo kahopoa posusa iti iami alo au meliu karapomahilena. I alo iti, meangkami Yesu i lalu Souna Pue Ala, hai mololita masisimbuku, Nauli, “Hema au mangkadou, maimokau maenu Iriko!

Roma 5:21

Hangkoia, dosami au makuasa i lalu katuwonda tauna, alanda ope-opehe hangangaa rahuku mate hai ragaakihe hangko i Pue Ala. Agaiana ide-ide, kabulanami laluna Pue Ala au makuasa i lalu katuwonta. Hangko i kabulana laluna Pue Ala, Naimbamoke manoto i peitaNa hai Naweike katuwo maroa au bara mokahopoa i lalu Yesu Kerisitu Amputa.

Roma 6:23

Hema au mobabehi dosa batena molambi hurungina, hai hurungina iti iami kapate au mogaakike hangko i Pue Ala. Agaiana anti kabulana laluna Pue Ala irikita, ido hai Naweike katuwo maroa au bara mokahopoa. Kabulana laluNa iti tahumba anti pohintuwuta hai Kerisitu Yesu, Amputa.

2 Korintu 1:22

hai Naweike Inao Malelaha au mopakanoto kamewalintami taunaNa. Inao Malelaha iti mewali tanda i lalunta kaina Napabukeina haha dandiNa irikita.

Epesu 4:30

Nikampai babehiami datikau mopakasusa Inao Malelaha au naweikau Pue Ala. Nikatuinao, Inao Malelaha iami pampekatandaina Pue Ala i lalumi au mopakanoto kaikamuna taunaNa. Anti kaarana Inao Malelaha i lalumi, niisa kaina hawena tempona Pue Ala mokabahakau hangko i dunia au kadake ide.

1 Peturu 1:22

Ide-ide, malelahamokau anti pampeulaimi paturo au tou, ido hai niisami mampokaahi halalumi hampepepoinalai i katou-touana. Mewali kuweikau lolita bona mombepokaahikau hadua hai hadua hangko i lalumi mpuu.

1 Yohane 5:20

Taisa worimi: Anana Pue Ala hawemi i dunia, hai Ia au moweike kanoto lalu bona moisake Pue Ala au tou. Mohintuwumoke hai Pue Ala au tou anti pohintuwuta hai Yesu Kerisitu AnaNa. Iami Pue Ala au tou. Hangko Iria molambimoke katuwo maroa au bara mokahopoa.

Pampetudungia 7:16

Barapohe marimi, barapohe mangkadou, hai barapohe nasimbaki alo au makere,

Pampetudungia 7:17

lawi Ana Dimba au meangka i hola kadera kadatua mokadipurahe. Naninihe lao i owai au mopaara katuwo. Hai Pue Ala moumpahi hinangka owai mata hangko i matanda.”