Yohane 20:30 - Sura Malelaha

³⁰ Ngkaia mani tanda kuasa au nababehi Yesu i lindonda topeguruNa, agaiana bara ope-ope teuki i lalu sura ide.

Yohane 20:30 ပူးပေါင်းရင်းမြစ်များ

Yohane 2:11

Yesu mobabehi tanda kuasa au nguru-nguruna iti i boea Kana i tampo Galilea. Hai tanda kuasa iti, Ia mopatongawa peawaNa. Roo indo, rapoinalaimi topeguruNa.

Yohane 21:25

Ngkaia mani au nababehi Yesu, agaiana ane hinangkana au Nababehi iti rauki i lalu sura, kira-kira humalele dunia ide bara handa rapambolii sura iti.

Yohane 6:2

Bosa mpuu tauna au meula Iria, lawi moitamohe ope-ope tanda au Nababehi i kamopakaohaNa tomahai.

Roma 15:4

Ope-ope au teuki hangkoia i lalu Sura Malelaha, teuki bona mewali paturo irikita. Hangko i paturo au tahumba i lalu Sura Malelaha iti, tabuku mantaha i lalu kapari, hai tehuweki lalunta bona maroho peharunganta i Pue Ala.

1 Korintu 10:11

Ope-ope au mewali irihira hangkoia hangangaa tapailalu mewali ngkora pandiri irikita ide-ide. Hai ope-ope au mewali iti, teuki bona datike molambi pehukuna Pue Ala nodo irihira. Lawi ikita ide, tuwoke hungkumi i kahopoa dunia.

1 Yohane 5:13

Sura ide kuukiakau au mepoinalai i Anana Pue Ala bona moisa mpuukau kamolambimimi katuwo maroa au bara mokahopoa.