Yohane 18:37 - Sura Malelaha

³⁷ Nauli mbuli Pilatu, “Ane nodo, tou mpuu pae datuKo?” Nauli Yesu, “Nodo au nuuli Iko ide datuNa. Ido hai rapoanakaNa i dunia ide bona mopahaweNa apa au tou. Tauna au naunde moula apa au tou, mampehadingihe lolitaNgku.”

Yohane 18:37 ပူးပေါင်းရင်းမြစ်များ

Matiu 26:64

Nahanai Yesu, “Tou mpuu, nodo au nuuli iti. Hai Kuuliangaa mbulikau: ina niitaNa Iko Ana Manusia, mohuda ntanda i koanana Pue Ala au makuasa, hai ina niita woriNa mai mendaulu hangko i suruga i wongko gawu.”

Matiu 27:11

Roo indo, Yesu raanti i Gubernur Pilatu hai rapopeangka i lindona. Pilatu mekune Iria, nauli, “Datunda mpuuKo pae to Yahudi?” Nahanai Yesu, “Tou, nodo au nuulimi.”

Markus 14:62

Nahanai Yesu, Nauli, “Io, Ikomi, hai ina niitaNa, Iko Ana Manusia, mohuda ntanda i koanana Pue Ala au makuasa, hai ina niita woriNa mai mendaulu hangko i suruga i lalu gawu.”

Markus 15:2

mekunemi Pilatu Iria, nauli, “Datunda mpuuKo pae to Yahudi?” Nahanai Yesu, Nauli, “Tou, nodo au nuulimi.”

Lukasi 22:70

Rauli mbuli tadulako iti i Yesu, “Ba Anana mpuuKo Pue Ala?” Nahanai Yesu, “Tou mpuu, nodo au nuuli iti.”

Lukasi 23:3

Mewali, mekunemi Pilatu i Yesu, nauli, “Datunda mpuuKo pae to Yahudi?” Nahanai Yesu, “Tou, nodo au nuulimi.”

Yohane 1:14

Ngkora iti mewali manusia, hai maida i olonta i dunia ide. Hai ikami, kiitami kamahilena kuasaNa. KuasaNa iti Nalambi hangko i UmaNa, lawi iami AnaNa HaduduaNa. LolitaNa tou mpuu, hai tongawa ope-ope kabulaNa laluNa irikita.

Yohane 1:17

Au tadoko hangko i Musa hangkoia iami aturana Pue Ala. Agaiana au tadoko hangko i Yesu Kerisitu melumbu hangko indo iami kabulana laluna Pue Ala hai paturoNa au manoto.

Yohane 14:6

Nauli Yesu, “Ikomi rara, Ikomi au mopahawe paturo au tou, hai Ikomi au moweikau katuwo au bara mokahopoa. Bara ara hadua au peisa hawe i UmaNgku, ane bara mepoinalai Iriko.

Yohane 3:32

Ia mampololita apa au Naita hai au Nahadimi, agaiana bara ara au mampoinalai lolitaNa.

Yohane 7:17

Hema au mampeinao mobabehi peundeana Pue Ala ina raisa kahangko iumbana lolitaNgku ide, ba hangko i Pue Ala mpuu ba lolitaNgkuto pea haduduaNgku.

Yohane 8:14

Nauli Yesu, “Nauri mololitaNa kana i wataNgku haduduaNgku, batena tou lolitaNgku, lawi Kuisa kahangko iumbaKu mai hai Kuisa iumba kalaoaNgku. Agaiana ikamu, bara niisa kahangko iumbaKu mai hai iumba kalaoaNgku.

Yohane 8:45

Mewali, ido hai baraNa nipoinalai, lawi mampololitaNa apa au tou.

Yohane 8:46

Hemakau au peisa motudungiaNa kamadosaNgku? Ane mampololitaNa apa au tou, moapari hai baraNa nipoinalai?

Yohane 8:47

Taunana Pue Ala raunde mampehadingi hai mampeulai lolitana Pue Ala. Agaiana ikamu, bara niunde mohadi hai mampeulai lolitaNgku, lawi barakau hangko i Pue Ala.”

1 Timotiu 6:13

Mewali Timotiu, i lindona Pue Ala au mopatuwo hinangkana, hai i lindona Kerisitu Yesu au mopahawe notoNa i Pontiu Pilatu kuuliangaako:

1 Peturu 1:22

Ide-ide, malelahamokau anti pampeulaimi paturo au tou, ido hai niisami mampokaahi halalumi hampepepoinalai i katou-touana. Mewali kuweikau lolita bona mombepokaahikau hadua hai hadua hangko i lalumi mpuu.

1 Yohane 2:21

Mewali, tunggaiaku moukiakau sura ide bara anti kadami moisa paturo au tou. Agaiana kuukiakau sura ide, lawi moisamokau paturo au tou, hai moisa worimokau kadana mpuu ara dongko au hangko i paturo au tou.

1 Yohane 3:14

Ane mampokaahike halalunta, taisa katekabahanta hangko i kapate hai molambike katuwo maroa au bara mokahopoa. Agaiana tauna au barahe mampokaahi halalunda, bara manihe tekabaha hangko i kapate.

1 Yohane 3:19

Ane mampokaahike halalunta, manoto taisa ikita ananake Pue Ala, alana peisake mopatinda lalunta i lindoNa,

1 Yohane 4:6

Agaiana ikita halalu, napoanamoke Pue Ala. Hai tauna au moisa Pue Ala, mampehadingi hai mampeulaihe paturongki. Agaiana tauna au barahe hangko i Pue Ala, barahe mampeulai paturongki. Iti au mopakanotoake kahemana au nakuasai Inaona Pue Ala, au mopahawe paturo au tou, hai kahemana au nakuasai inao au mepawuli.

1 Yohane 5:20

Taisa worimi: Anana Pue Ala hawemi i dunia, hai Ia au moweike kanoto lalu bona moisake Pue Ala au tou. Mohintuwumoke hai Pue Ala au tou anti pohintuwuta hai Yesu Kerisitu AnaNa. Iami Pue Ala au tou. Hangko Iria molambimoke katuwo maroa au bara mokahopoa.

Pampetudungia 1:4

Sura ide hangko iriko, Yohane, kupakatuahe pitu jumaa au ara i propinsi Asia. Pue Ala mowatikau hai moweikau roa ngkatuwo. Pewati ide nilambi hangko i Pue Ala au ara hangko i nguru-nguruna, ide-ide hai hawe i hae-haena. Pewati ide nilambi wori hangko i Inaona Pue Ala au ara i lindo kadera kadatuaNa hai au mampopolumao pitu pakana bago,

Pampetudungia 3:14

Nauli mbuli Pue Yesu iriko, “Nuukimi lolita ide hawe i tadulako au mokadipura jumaa i wanua Laodikia: Idemi lolitana Pue Yesu, au rahanga ‘Amin’. Iami Sabi au mopahawe liliu apa au tou. Iami Patoana ope-ope au napopewali Pue Ala.