Yohane 18:33 - Sura Malelaha

³³ Hangko inditi, Pilatu mesua hulemi i lalu sou, hai natudumohe taunana moanti Yesu i lindona, hai napekune, “Tou pae datundako to Yahudi?”

Yohane 18:33 ပူးပေါင်းရင်းမြစ်များ

Matiu 27:11

Roo indo, Yesu raanti i Gubernur Pilatu hai rapopeangka i lindona. Pilatu mekune Iria, nauli, “Datunda mpuuKo pae to Yahudi?” Nahanai Yesu, “Tou, nodo au nuulimi.”

Matiu 27:27

Roo indo, surodadona Gubernur moantihe Yesu lao i paidaanda i lalu souna Gubernur, hai mokakiohe ope-ope ranganda motoleliki Yesu.

Markus 15:2

mekunemi Pilatu Iria, nauli, “Datunda mpuuKo pae to Yahudi?” Nahanai Yesu, Nauli, “Tou, nodo au nuulimi.”

Lukasi 23:2

Kahawenda inditi, rapepongkami mosalai Yesu, rauli, “Tauna ide kilambi tangaNa mopakanawo tauna bosa! Nauli barangkai paraluu mobaiari asele i Kaisar i Roma. Hai Nauli wori kaIanami Datu au rahanga Kerisitu.”

Yohane 1:49

Nauli Natanael, “Guru, tou mpuu AnanaKo Pue Ala! Oio mpuumi Datunda to Isaraeli!”

Yohane 12:13

Mangalamohe tawe harao, hai laohe modupa Yesu. Monganga-nganga liliuhe, rauli: “Tetoiami Pue Ala! Rawatimi tauna au mai i lalu hangana Pue! Pue Ala mowati Datunda to Isaraeli!”

Yohane 12:15

“Ineekau langa, ampu boea Sion. Peita! Oloumi mai Datumi, Ia mesawi i hambaa ana kalide.”

Yohane 18:34

Nauli Yesu, “Pekunemu iti, ba hangko irio haduduamu, ba nuhadi pea hangko i tauna ntanina?”

Yohane 18:37

Nauli mbuli Pilatu, “Ane nodo, tou mpuu pae datuKo?” Nauli Yesu, “Nodo au nuuli Iko ide datuNa. Ido hai rapoanakaNa i dunia ide bona mopahaweNa apa au tou. Tauna au naunde moula apa au tou, mampehadingihe lolitaNgku.”

Yohane 18:38

Nahanai Pilatu, “Apari lempona lolitaMu au manguli ‘apa au tou’?” Roo indo, lao mbulimi Pilatu i raoa mouliangaahe tadulakonda to Yahudi, “Nauri hampaka salaNa, bara ara kulambi.

Yohane 19:12

Mepongka indo, Pilatu mohaoki rara bona mokabaha Yesu. Agaiana monganga mbulimohe tadulakonda to Yahudi, rauli, “Ane nukabaha, barako rangana Kaisar! Yesu iti mouli kaIana datu, mewali Ia moewa Kaisar!”

Yohane 19:3

Motumpamohe i lindoNa, rauliangaa, “KibilaKo, datunda to Yahudi!” Roo indo, rahapami lindoNa.

Yohane 19:4

Hangko inditi, mesuwu mbulimi Pilatu lao i raoa, mouliangaahe tadulakonda to Yahudi, “Peita, kuanti mai irikamu bona niisa kadana kulambi salaNa nauri hampaka.”

Yohane 19:9

Ido hai motudumi surodado moanti hule Yesu i lalu sou. Mesua womi Pilatu, hai mekune mbuli i Yesu, nauli, “Oio hangko iumbaKo?” Agaiana Yesu bara mehana.

1 Timotiu 6:13

Mewali Timotiu, i lindona Pue Ala au mopatuwo hinangkana, hai i lindona Kerisitu Yesu au mopahawe notoNa i Pontiu Pilatu kuuliangaako: