Yohane 18:28 - Sura Malelaha

²⁸ Madondo-dondo, Yesu raanti hangko i souna Kayapas lao i souna gubernur. Tadulakonda to Yahudi, barahe mesua i lalu souna gubernur datihe mewali kedai moula atura agamanda, lawi gubernur iti bara to Yahudi. Hai ane mesuahe i lalu souna, barahe peisa moande paande Pasa.

Yohane 18:28 ပူးပေါင်းရင်းမြစ်များ

Matiu 27:27

Roo indo, surodadona Gubernur moantihe Yesu lao i paidaanda i lalu souna Gubernur, hai mokakiohe ope-ope ranganda motoleliki Yesu.

Markus 15:16

Roo indo, surodado moantihe Yesu lao i hologa pebotusia i souna Gubernur, hai mokakiohe ope-ope ranganda.

Lukasi 22:66

Madondona ope-ope kapala-kapala tadulako mpenomba hai guru-guru agama hai totosaenda to Yahudi mogulumohe i Pogombo Topeparesa Mahile Agama Yahudi, hai Yesu raanti i lindonda.

Yohane 11:55

I tempo iti, hungkumi alo mahile agama Yahudi au rauli Alo Posusa Pasa. Hangko damani alo mahile iti, bosa tauna hangko i boea-boeana lao i Yerusale bona mobahoihe watanda moula ada agamanda.

Yohane 18:13

hai nguru-nguruna raanti lao i Hanas, pengantina Kayapas. Kayapas iami Tadulako Mpenomba Mahile i pare iti.

Yohane 18:15

Simo Peturu hai hadua topeguruna Yesu au ntanina meulahe i Yesu. Topeguruna Yesu au hadua iti, hampombekaisangana Tadulako Mpenomba Mahile. Mewali, topeguruNa iti mesuami hihimbela hai Yesu i tabangaa souna Tadulako Mpenomba Mahile.

Yohane 18:33

Hangko inditi, Pilatu mesua hulemi i lalu sou, hai natudumohe taunana moanti Yesu i lindona, hai napekune, “Tou pae datundako to Yahudi?”

Yohane 18:39

Agaiana, moula au biasa rababehi, pare-parena i Alo Posusa Pasa, kukabahaakau hadua toratarunggu, ba hema peundeami. Mewali, noumba? Ba niunde ane kukabahaakau datunda to Yahudi ide?”

Yohane 19:11

Nauli Yesu, “Ane barako nawei Pue Ala kuasa iti, bara ara kuasamu Iriko. Mewali, hema au mohuhuNa irio, meliu kamahilena dosana hangko irio.”

Yohane 19:14

I tempo iti, ina pualomi, hangalo hangko damani Alo Posusa Pasa. Pilatu mouliangaahe tadulakonda to Yahudi, “Peita datumi!”

Yohane 19:9

Ido hai motudumi surodado moanti hule Yesu i lalu sou. Mesua womi Pilatu, hai mekune mbuli i Yesu, nauli, “Oio hangko iumbaKo?” Agaiana Yesu bara mehana.

Suro 10:28

Nauliangaahe Peturu, “Niisato, moula atura agamangki, ikami to Yahudi barangkai rapaliu mampogaloa tauna au barahe to Yahudi ba mesua i lalu sounda. Agaiana ara pampetudungiana Pue Ala iriko inona kaindi au mopakanotoana kadana ara manusia au kedai. Bara ara tauna au palia kipogaloahe.

Suro 10:32

Nutudumi taunamu lao i wanua Yope mokakio hadua tauna au rahanga Simo au rahanga wori Peturu. Ia ara i wiwi ntahi i souna Simo topobabehi parewa hangko i koli.’

Suro 11:3

rauli, “Moapari hai mesuako i souna tauna au kedai moula ada agamanta, hai maande woriko hihimbela hai ihira?”

Suro 3:13

Pue Ala au rapenombai toiorunta hangkoia, au rapenombai Burahima, Isaki hai Yako, Pue Ala itimi au mopakahile TuduaNa, iami Yesu. Halalu-halalu, Yesu iti au nihuhu i topoparenta, hai au nisapuakami i lindona Pilatu i tempona ina nakabaha.

Suro 4:27

O Pue, tepabukei mpuumi lolitana Daudi iti. Lawi tou-tou mpuu mewalimi i lalu wanua ide, Datu Herode hai Pontiu Pilatu hintuwuhe hihimbela hai to Yahudi hai tauna au barahe to Yahudi. I lalu kahintuwunda iti, mampeinaohe moewa Yesu, AnaMu au Malelaha au Nupileimi mewali Datu Topehompo.