Yohane 17:26 - Sura Malelaha

²⁶ Kupopaisaamohe kahemaMu, hai batena Kupahawe liliu kahemaMu bona mampokaahihe ranganda nodo kaNupokaahiNgku, hai bona mohintuwuhe hai Iko.”

Yohane 17:26 ပူးပေါင်းရင်းမြစ်များ

Yohane 14:20

Ane hawe tempo iti, ina niisa Iko mohintuwuNa hai UmaNgku, hai ikamu mohintuwukau hai Iko, nodo wori Iko mohintuwu hai ikamu.

Yohane 14:23

Nauli Yesu, “Tauna au mampokaahiNa mampeulaihe lolitaNgku. Ihirami au napokaahi UmaNgku. UmaNgku hai Iko ina mai i tauna iti hai maidaNgkai irihira.

Yohane 15:15

Barapokau Kuuli hawiNgku, lawi hadua hawi bara moisa apa au i laluna ampuna. Ide-ide, himadaNgku mpuumokau, lawi Kupahaweamokau ope-ope au nauliangaaNa UmaNgku.

Yohane 15:4

Mohintuwu liliumokau hai Iko, hai Iko wori ina mohintuwu hai ikamu. Daa au bara mentaka i patoa anggoro, bara mowua. Batena pea daa au mentaka i patoana ina mowua. Nodo wori ikamu: barakau peisa mowua ane barakau mohintuwu liliu hai Iko.

Yohane 15:9

Nodo UmaNgku mampokaahiNa, Iko wori mampokaahikau. Hangangaa tuwo liliukau i lalu ahiNgku.

Yohane 17:23

Iko mohintuwu hai ihira, hai Oio mohintuwu hai Iko bona ihira ina mewali mpuuhe hampepekiri. Ane nodo, ope-ope tauna ina moisa kaOiona au motuduna hai kaNupokaahinda tauna au mepoinalai Iriko nodo kaNupokaahiNgku.

Yohane 17:6

Uma, tauna au NuweimoNa hangko i dunia ide, Kupopaisaamohe kahemaMu. Mewalimohe KiraMu; Nuhuhuhe Iriko bona Kukadipurahe, hai mampeulaimohe NgkoraMu.

Yohane 17:8

Kupahaweamohe ope-ope lolita au NupahaweaNa. Lolita iti radokomi, hai ide-ide tou-tou mpuu raisami Iko hangko IrioNa mai. Rapoinalaimi kaOiona au motuduNa.

Yohane 6:56

Tauna au moande ontoKu hai moenu waheNgku, ina mohintuwu liliuhe hai Iko, nodo wori Iko irihira.

Yohane 8:50

BaraNa mampopetoia. Naunde Pue Ala bona rapomahileNa, hai Iami au mebotusi.

Roma 8:10

Agaiana ikita, ane arami Kerisitu i lalunta, kehapiri watanta ide mate lawi madosa, tanoananta batena molambi katuwo maroa au bara mokahopoa, lawi manotomoke i peitana Pue Ala.

1 Korintu 1:30

Pue Ala pea au mobungkahiake rara pane mohintuwuke hai Kerisitu Yesu. Anti pohintuwuta hai Kerisitu Yesu, taisami kamapandena Pue Ala: Napamanotomoke Kerisitu i peitana Pue Ala, au mopamalelahamoke, hai au mohompomi dosanta.

1 Korintu 12:12

Ikita au mepoinalai i Kerisitu peisa rapandiri nodo wata tauna. Ane wata tauna hambua pea, agaiana ngkaia ngaana. Nauri ngkaia ngaana, ope-ope ngaa iti mewali pea hambua wata.

Galatia 2:20

Hai ide-ide barapona tuwo moula peundeaku haduduangku, agaiana Kerisitumi au tuwo i lalu katuwongku. Mewali, tangangku mani tuwo i dunia ide, batengku mepoinalai i Anana Pue Ala au mampokakaiana hai au mokira wataNa rapapate bona mewalina manoto i peitana Pue Ala.

Epesu 1:6

Ido hai tatoiami Pue Ala, lawi mahile mpuu ahiNa irikita. Hangko i kabulana laluNa, Nawei mberomoke ahiNa anti pohintuwuta hai Yesu, AnaNa au Napokaahi.

Epesu 3:17

Kuharunga anti pepoinalaimi, Kerisitu ina maida i lalumi. Mekakaena bona nodo tuda-tuda ina mouakakau, hai moarokau tuwomi i ahiNa.

Epesu 5:30

Ia mokadipurake lawi ikita au mepoinalai Iria mewalimoke hangkira hangko i WataNa.

Epesu 5:32

Lolita ide, kaladu ntepuu lempona. Tunggaiaku ide iami kana i pohintuwuna Kerisitu hai taunaNa.

Kolose 1:27

Apa au tewuniangi hangkoia, ide-ide Naunde Pue Ala mopatongawa i taunaNa, iami noumba kamaroana hai kameawana tunggaiaNa irikamu au barakau to Yahudi. TunggaiaNa iti iami bona Kerisitu maida i lalumi, bona manoto kamolambimi wori katuwo au meawa hihimbela hai Pue Ala.

Kolose 2:10

Mewali, ane mohintuwumokau hai Kerisitu, barapi ara kamakurami, lawi ope-ope au ara i Kerisitu ara wori irikamu, hai Ia au meliu kuasaNa hangko i ope-ope au makuasa hai au moparenta.

Kolose 3:11

Mewali, anti kaNapopewalintami manusia au wou, barapi ara pontaniana to Yahudi hai au barahe to Yahudi, lawi i peitana Pue Ala, tauna au ratile hai au bara ratile himbela pea. Ia bara mampopontani tauna au mosikola hai au bara mosikola, tuana ba hawi. Kerisitu iami au tepaioru. Ia au tuwo i lalunta ope-ope.

2 Tesalonika 2:16

Pue Ala motudungiake ahiNa, hai mopakaroho lalunta hawe i hae-haena, hai Naweike peharunga au maroa anti kabulana laluNa. Ido hai mekakaengkai i Amputa Yesu Kerisitu hai Pue Ala Umanta bona Napakaroho hai Napatetida lalumi bona maroa ope-ope lolitami hai babehiami.

Ibarani 2:12

Nauli Yesu i Pue Ala node, “Ina Kupatolele hangaMu i hahalaluNgku. I pogulua taunaMu, kutoiaKo.”

1 Yohane 3:24

Tauna au moula hawana Pue Ala, mohintuwu liliuhe hai Ia, hai Ia mohintuwu hai ihira. Iti taisa, lawi Pue Ala mokiraiamoke InaoNa.