Yohane 17:24 - Sura Malelaha

²⁴ Uma, peundeaKu bona ihira au NuweimoNa ina maida hihimbela hai Iko i paidaaNgku bona moitahe peawaNgku. PeawaNgku iti NuweimoNa, lawi NupokakaiaNa hangko damani dunia ide rapopewali.

Yohane 17:24 ပူးပေါင်းရင်းမြစ်များ

Matiu 25:21

Nauli ampunda, ‘Maroa mpuu kanupopolumaona bago au kuweiko. Mewali, anti kamanotomu i bago au koi, kupoinalaiako bago au mahile. Maimoko hihimbela hai iko i lalu katana-tana.’

Matiu 25:23

Nauli ampunda iti, ‘Maroa mpuu kanupopolumaona bago au kuweiko. Mewali, anti kamanotomu i bago au koi, kupoinalaiako bago au mahile. Maimoko hihimbela hai iko i lalu katana-tana.’

Matiu 25:34

Hai Iko Datu, Kuuliangaahe au ntanda i koanaNgku, ‘Maimokau au nawati UmaNgku! Mesuamokau i lalu poparentaKu. Paidaami Kupasilolonga amiamokau hungka i pewalina dunia hangkoia.

Matiu 26:29

Bona niisa, mepongka ide-ide, barapi ina Kuenu anggoro ide duuna maenuna anggoro au wou hihimbela hai ikamu i lalu poparentana UmaNgku.”

Lukasi 12:37

Morasihe hawi au mainga-inga hai mampegia ampunda, duuna hawe. Lawi ampunda iti ina mowewe pekona, napopohudahe, hai narorahe.

Lukasi 23:43

Nauli Yesu, “Tou mpuu au Kuuliangaako, i alo ide peami, ina hihimbelako hai Iko i lalu Paradesi.”

Yohane 1:14

Ngkora iti mewali manusia, hai maida i olonta i dunia ide. Hai ikami, kiitami kamahilena kuasaNa. KuasaNa iti Nalambi hangko i UmaNa, lawi iami AnaNa HaduduaNa. LolitaNa tou mpuu, hai tongawa ope-ope kabulaNa laluNa irikita.

Yohane 12:26

Hema au naunde mewali hawiNgku, hangangaa meula Iriko bona iumba kalaoaNgku, inditi wori ia. Hai hema au mewali hawiNgku ina napomahile UmaNgku.”

Yohane 14:3

Ane roomoNa mopasilolonga paidaami, ina mesule huleNa maikau Kuala, bona iumba pea kaaraaNgku, inditi worikau hihimbela hai Iko.

Yohane 15:9

Nodo UmaNgku mampokaahiNa, Iko wori mampokaahikau. Hangangaa tuwo liliukau i lalu ahiNgku.

Yohane 17:2

NuweimoNa kuasa motadulakoi ope-ope tauna bona tauna au NuweimoNa, ina Kukiraiahe katuwo maroa au bara mokahopoa.

Yohane 17:22

Kuweimohe peawa au NuweiNa bona mewalihe hampepekiri, nodo Ikita hampepekiriKe.

Yohane 17:5

Ido hai Kuperapi bona Nupopeawa suleNa himbela hai peawaMu, nodo peawaNta hangko damani dunia ide rapopewali.

Yohane 6:37

Ope-ope tauna au naweimoNa UmaNgku, batenda mai Iriko. Hai hema pea au mai Iriko, batena Kudoko hai bara Kusapuaka.

Yohane 6:39

Idemi peundeaNa: bona hangko i ope-ope tauna au NaweiNa, inee ara hadua au matanta, agaiana ina Kupopearohe ope-ope hangko i kapate i alo pebotusi.

Yohane 8:58

Nauli Yesu, “Tou mpuu lolitaNgku ide: hangko damani Burahima mesupa, Iko aramoNa!”

1 Korintu 13:12

Lawi ide-ide, nodoke hadua tauna au mampeita hambua lengge i pampewaoa au mogawu-gawu, lawi bara mani taisa hinangkana i katou-touana. I alo au ina mai, hangko taisari hinangkana, lawi ina mampombelindoamoke Pue Ala hai ina taita i katongawaana. Ide-ide, makura mani kamapandeku. Agaiana i alo au ina mai, ina kuisa ntepuu hinangkana, nodo Pue Ala moisana.

2 Korintu 3:18

Mewali, ikita ope-ope au mepoinalai i Pue, barapi ara tolombu au mobalungkuhi lalunta. Taisami kuasana Pue, hai kuasaNa iti mobaliki liliu lalunta. Kamahae-haea, katetetambaia kuasana Pue i katuwonta duunta mewali nodo Ia. Inaona Pue haduduaNa au mampopolumao bago iti i lalunta.

2 Korintu 4:6

Lawi Pue Ala au mongkora, Nauli, “Hangko i kamakaindi, mesupami baa!”, Ia worimi au mampopesupa baa i lalunta, bona moisake peawana tuwona Pue Ala au tongawa i tuwona Kerisitu.

2 Korintu 5:8

Ido hai maroho liliu lalunta. Kehapirike mate, taporasi lawi ane mogaake hai watanta ide, tanoananta ina hihimbela hai Pue.

Pilipi 1:23

Au rompaka iti mombedii mani i lalungku. Kupeinao mopalehi dunia ide hai laona maida hihimbela hai Kerisitu, lawi iti au maroa ntepuu.

1 Tesalonika 4:17

Hai roo indo, ikita au tuwo manike i tempo iti ina Naoreke hihimbela hai ihira lao i lalu gawu mampohidupaa Pue Yesu i laerawa. Hai ina maidake hihimbela hai Pue hawe i hae-haena.

1 Peturu 1:21

Anti kahaweNa, ido hai mepoinalaikau i Pue Ala au mopatuwo hule Yesu hangko i kapate hai mowei katuwo mahile Iria, alana mepoinalaikau hai meharungakau i Pue Ala.

1 Yohane 3:2

Halalu au kupokaahi! Ide-ide, ananamoke Pue Ala. Agaiana bara mani taisa noumba kamaroana katuwonta i alo au ina mai, lawi bara manike rapatongawaa. Nauri nodo au taisa iami: ane hawe hule Kerisitu, ina mewalike himbela hai Ia, lawi ina taita mpuu noumba lenggeNa au katou-touana.

Pampetudungia 21:22

I lalu wanua iti bara huba hambua sou penombaa au kuita, lawi au raimba sou penombaa i wanua iti iami Pue, Pue Ala Au Makuasa, hai Ana Dimba iti.

Pampetudungia 3:21

Hema au menangi, ina Kupopohuda hihimbela hai Iko i kadera kadatuaNgku, nodo Iko au menangimoNa, hai mohudaNa moparenta hihimbela hai UmaNgku i kadera kadatuaNa.