Yohane 15:20 - Sura Malelaha

²⁰ Nikatuinao apa au Kuuliangaakau inona: hadua hawi bara meliu karabilana hangko i ampuna. Mewali ane Iko rapopeahi-ahi, ikamu wori ina rapopeahi-ahi. Ane arahe tauna au moula lolitaNgku, batenda mampeulai wori lolitami.

Yohane 15:20 ပူးပေါင်းရင်းမြစ်များ

Matiu 10:24

Toposikola bara meliu karabilana hangko i guruna. Hadua hawi bara meliu karabilana hangko i ampuna.

Markus 10:39

Mehanahe Yakobu hai Yohane, rauli, “Kibuku!” Nauli Yesu, “Tou, hangangaa nihalea mpuu kapari nodo au Kuhalea, hai ina nitodiha apa au Kutodiha.

Lukasi 2:34

Roo indo, Simeo mowatihe hai mouliangaa Maria, “Anti kahawenami Anamu ide, bosa to Isaraeli ina molambi pehuku, agaiana bosa wori tauna ina Nahorema bona molambihe katuwo maroa. Iami au Napilei hai au Natudu mai Pue Ala, agaiana Ia ina rasapuaka tauna bosa,

Lukasi 6:40

Nodo wori, bara ara toposikola au meliu karabilana hangko i guruna. Ane hopomi posikolana, hangko himbelari hai guruna.”

Yohane 10:31

Pohadinda lolitana Yesu, to Yahudi iti motimamohe watu, rapeinao mowatui Yesu bona mate.

Yohane 11:57

Nodo lolitanda tauna bosa, lawi kapala-kapala tadulako mpenomba hai toParisi mampopesuwumohe parenta i tauna bosa au manguli, “Hema-hemakau au moisa kaiumbana Yesu, hangangaa niuliangaangkai bona rahaka.”

Yohane 13:16

Tou mpuu lolitaNgku ide: hadua hawi bara meliu karabilana hangko i ampuna. Hadua tudua bara meliu karabilana hangko i tauna au metudu.

Yohane 5:16

Ido hai tadulakonda to Yahudi mohaokihe rara mopakasusa Yesu, lawi Ia mepakaoha i Alo Pengkarooangaa.

Yohane 7:32

Arahe bahangkia toParisi au mohadi pombekakaneninda tauna bosa kana i Yesu. Ido hai ihira hai kapala-kapala tadulako mpenomba motudumohe bahangkia topokampai Souna Pue Ala lao mohaka Yesu.

Yohane 8:51

Tou mpuu lolitaNgku ide: hema au mampeulai lolitaNgku, barahe ina mate i hae-haena.”

Yohane 8:52

Rauli to Yahudi, “Ide-ide kiisa napesuangi mpuukowei! Burahima, matemi. Nodo wori ope-ope nabi hangkoia, matemohe. Agaiana Nuuliri hema au mampeulai lolitaMu barahe ina mate i hae-haena.

Yohane 8:59

Karahadina to Yahudi lolitaNa iti, motimamohe watu rapeinao mowatui Yesu. Agaiana Yesu padu ngkandii hangko i Souna Pue Ala hai barapi raita.

Suro 14:22

I ope-ope boea au rapolumaongi, Paulu hai Baranaba mohuweki hai mopakaroho lalunda tauna au mepoinalai i Yesu bona tetida pepoinalainda, rauliangaahe, “Ikita hangangaa molambi ngkaia pakana kapari hangko damanike mesua i lalu poparentana Pue Ala.”

1 Korintu 4:12

Mobago mantimingkai haduduangki. Ane arahe au motunda-tundangkai, kihurungihe hai pewati. Ane arahe au mampopeahi-ahingkai, kitodiha pea.

2 Korintu 4:9

Rapopeahi-ahingkai, agaiana barangkai napalehi Pue. Rawombe-wombengkai alangki madungka, agaiana barangkai mate.

1 Tesalonika 2:15

Hangkoia to Yahudi iti mopapatehe nabi-nabi, hai mopapate worimohe Pue Yesu. Ide-ide ikami wori au rapopeahi-ahi. Barahe napokatana Pue Ala, hai mampoiwalimohe ope-ope tauna.

2 Timotiu 3:12

Taisami: ope-ope tauna au meula i Kerisitu Yesu hai au mengkoru i Pue Ala batena ina rapopeahi-ahi.