Yakobu 5:15 - Sura Malelaha

¹⁵ Ane pekakae iti tou-tou mpuu hangko i pepoinalai, tomahai iti batena maoha. Hakina ina napakaoha Pue Ala, hai dosana teampungi worimi.

Yakobu 5:15 ပူးပေါင်းရင်းမြစ်များ

Matiu 17:20

Nahanaihe Yesu, “Nodomi, lawi makura mani pepoinalaimi. Tou mpuu au Kuuliangaakau ide: ane arami pepoinalaimi nauri kokoi pea nodo lihu hahawi, ope-ope peisa mewali. Peisakau mouliangaa bulu iti: ‘Melimbako hangko inditi!’ hai batena melimba.

Yohane 5:14

Bara mahae hangko inditi, Yesu mampohidupaa tauna iti i Souna Pue Ala, hai Nauliangaa, “Ide-ide maohamoko; ineemoko mobabehi dosa bona datiko narumpa ba apa-apa au meliu kakadakena.”

Yohane 6:39

Idemi peundeaNa: bona hangko i ope-ope tauna au NaweiNa, inee ara hadua au matanta, agaiana ina Kupopearohe ope-ope hangko i kapate i alo pebotusi.

1 Korintu 1:21

Lawi hangko i kapande manusia, barake peisa moisa Pue Ala. Anti kamapandena Pue Ala, Nabotusimi bona hema pea au mepoinalai i Ngkora Marasa au kipahawe, tauna iti ina Nahoremahe hangko i dosanda. Agaiana ane kipahawe Ngkora Marasa, tauna au bara mepoinalai manguli, “Iti lolita tontuli.”

2 Korintu 4:14

Pue Ala mopatuwo hulemi Pue Yesu. Ido hai kiisa hambela tempo ina Napatuwo hule woringkai hai Naantingkai lao i lindoNa hihimbela hai ikamu.

Yakobu 1:6

Agaiana ane merapike i Pue Ala, hangangaa mepoinalai mpuuke. Bara peisa bata-bata lalunta. Lawi hadua tauna au bata-bata laluna, peisa rapandiri nodo balumba au nawui himburu node hou node mai.

Yakobu 5:13

Ane ara i olomi au molambi kapari, agina mekakae. Ane ara au matana, hangangaa monani motoia Pue Ala.

Yakobu 5:16

Ido hai hangangaa mangaku salakau i hangka rangami, hai mombepekakaeakau bona maohakau. Tauna au manoto babehianda pemoso mpuu pekakaenda.

Yakobu 5:20

nikatuinao lolita ide: hema au moanti hadua tauna au madosa menoso hangko i babehiana au masala, ia mohorema rangana iti hangko i kapate, hai dosana rangana au ngkaia iti, teampungi. Hangko iriko YAKOBU