Yakobu 3:8 - Sura Malelaha

⁸ Agaiana bara ara hadua tauna au peisa mopakanondo dila manusia! Dila manusia kadake mpuu, hai bara peisa rakuasai. Lolita au tapahawe hai dilanta nodo ipo au mepapate.

Yakobu 3:8 ပူးပေါင်းရင်းမြစ်များ

Roma 3:13

Kedai hai mepakaea lolitanda, Lolita mpebagiu mesupa i humenda. Lolitanda mopakasusa pea lalunda ranganda nodo petilo ile au moipo.

Yakobu 3:6

Nodo wori lolita au tapahawe hai dilanta. Dilanta iti nodo api, lawi peisa tapake mobabehi dake. I watanta ide, dilanta mopaara hinangkana dosa au mopakedai humalele watanta hai dilanta peisa rapandiri nodo api hangko i naraka au mopakarugi ope-ope katuwonta.

Yakobu 3:7

Ope-ope binata au maila, nodo tadasi, binata au mendele hai ikane i lalu owai, peisahe rapakanondo, hai arami au rapakanondo manusia.

Pampetudungia 12:9

Mewali, naga au mahile iti, ratende hangko i suruga hawe i dunia hihimbela hai malaekana. Iami ile au arami hangkongkoia, au rahanga Datu Tokadake ba Tadulako Seta. Ia au mopakanawo tauna au maida i humalele dunia.