Yakobu 3:17 - Sura Malelaha

¹⁷ Agaiana tauna au molambihe kanoto lalu hangko i Pue Ala, node babehianda: malelaha lalunda, raunde mohintuwu hai ranganda, maalusu poantinda, matunduhe hai motulungi peamohe tauna. Maroa babehianda, barahe mampopontani tauna hai poantinda moula kabulana lalunda.

Yakobu 3:17 ပူးပေါင်းရင်းမြစ်များ

Matiu 23:28

Nodo wori ikamu, manoto babehiami i raoami pea bona ratoiakau rangami. Agaiana i lalumi, buke dongko hai dake.

Matiu 5:8

Morasihe tauna au malelaha lalunda, lawi ihirami au ina moita Pue Ala.

Matiu 5:9

Morasihe tauna au moanti pohintuwu i hangka ranganda, lawi ihirami au ina rauli anana Pue Ala.

Lukasi 21:15

Lawi Iko ina mowoli i lalumi pehanami au manoto alana bara rabuku iwalimi mosapuaka apa au niuli.

Lukasi 6:36

Kamaahimi hangangaa nodo kamaahina Umami i suruga.”

Yohane 1:14

Ngkora iti mewali manusia, hai maida i olonta i dunia ide. Hai ikami, kiitami kamahilena kuasaNa. KuasaNa iti Nalambi hangko i UmaNa, lawi iami AnaNa HaduduaNa. LolitaNa tou mpuu, hai tongawa ope-ope kabulaNa laluNa irikita.

Yohane 1:47

KamoitaNa Natanael mai mepohidupaa, mololitami Yesu kana i Natanael, Nauli, “Olou mai hadua to Isaraeli ntepuu, ia bara topodongko!”

Suro 9:36

Bara karao hangko i wanua Lida, ara hambua wanua au rahanga Yope. Inditi, ara hadua towawine au mepoinalai i Yesu, rahanga Tabita. (I lalu basa Yunani hangana Dorkas, lempona lagiwa.) Tauna iti maroa babehiana, lawi ia motulungi liliuhe tauna au meahi-ahi.

Roma 12:18

Nipari-pari mobabehi apa pea au maroa i tauna bona peisakau tuwo mohintuwu hai rangami.

Roma 12:9

Nipokaahi rangami hangko i kabulana lalumi, nikaraohi babehia au kadake, hai nibabehi au maroa.

Roma 15:14

Halalungku ope-ope! Kuisa mpuu kangkaiana babehiami au maroa. Niisami paturo hangko i Ngkorana Pue, hai niisa mombepakaroho mpolalu hadua hai hadua.

1 Korintu 12:8

I hadua tauna, Nawei Inao Malelaha kapande mepaturo. I tohaduana, Nawei kapande mopakanoto lempona Ngkorana Pue Ala.

2 Korintu 10:1

Iko, Paulu, ara perapingku irikamu. Arahe tauna i olomi au manguli: “Ane Paulu karao hangko irikami, pololitana makasara i lalu surana, agaiana ane mombelindoke, ia maalusu.” Mewali, hangko i lalungku au mengkaiwoi hai au maalusu, nodo laluna Kerisitu,

2 Korintu 6:6

I paka-pakana, kipakanoto kaikamina topobagona Pue Ala, lawi malelaha babehiangki, mopahawengkai Ngkorana Pue Ala i kanoto-notoana, sabarangkai, maroa lalungki i ope-ope tauna, nakuasaingkai Inao Malelaha, hai mampokaahingkai hangka rangangki hangko i kabulana lalungki.

2 Korintu 7:11

Kamasusami mobasa surangku hangkoia, iami kasusa au moula peundeana Pue Ala. Nipekiri maroa ba apa wuana kamasusami iti. Anti kamasusami iti, mampeinaokau mobabehi apa au manoto. Bara niunde babehianda tauna au mosapuaka paturongki. Nikahihi babehia au masala, hai langakau moula babehia iti. Mabilakau iriko, mampeulaikau hawangku, hai maumokau mohuku tauna au masala. I hinangkana, tongawami kabulana lalumi.

2 Korintu 9:10

Pue Ala mopasilolonga tinuda i topohawu, hai hangko i tinuda iti, Ia mopaara paande. Nodo wori, Pue Ala ina motambai apa au ara irikamu bona tetambai kamaroana lalumi motulungi tauna ntanina.

Epesu 5:9

Lawi hangko i kamabaana lalumi, mesupa ope-ope babehia au maroa, au tou hai au manoto.

Pilipi 1:11

Mekakaena bona nibabehi liliu apa au manoto anti pobagona Yesu Kerisitu i lalu katuwomi, alana bosa tauna motoia hai mampomahile Pue Ala.

Pilipi 4:8

Kahopoana halalu, kuperapi bona nipailalu liliu hinangkana au maroa hai au hintoto ratoia. Apa au tou, apa au hintoto rabila, apa au manoto, apa au malelaha, apa au merae, hai apa au teadai, itimi au hangangaa nipailalu.

Kolose 1:10

bona babehiami ina hintoto hai tauna au moula peundeana Pue, hai bona ope-ope babehiami ina mopamatana laluNa. Ane nodo katuwomi, ina mobabehikau hinangka bago au maroa, hai ina katetetambaia poisami Pue Ala i lalu katuwomi.

1 Tesalonika 2:7

Agaiana bara turu inaongki mobabehi nodo. I tempoki hihimbela hai ikamu, maalusu poantiki, nodo hadua ina au mokadipura anana.

1 Timotiu 5:21

Kuweiko lolita ide Timotiu bona nupeulai mpuu ope-ope hawangku, hai ineeko mampopontani tauna. Pue Ala hai Kerisitu Yesu hai malaekaNa au tepilei mampetiroke.

2 Timotiu 2:24

Hai bara hintoto ane ikita au mewali hawina Pue barake hintuwu hai hangka ranganta. Hangangaa tapamaalusu poantita i ope-ope tauna. Hangangaa mapandeke mepaturo, hai sabarake.

Titu 1:15

Tauna au malelaha, bara ara palianda. Agaiana i tauna au kadake hai au barahe mepoinalai, bara ara hampaka au malelaha, lawi maroa pekirinda ba lalunda kadake hahami.

Titu 3:2

Ineehe mopakadake hanga tauna, ineehe mombembehanai. Hangangaa rapamaalusu poantinda, hai mengkaiwoi liliuhe i ope-ope tauna.

Ibarani 12:11

Tanganta rapaturo ba rakambaroa, mapari lalunta. Agaiana ane paturo iti tapeulai, maroa katuwonta, hai manoto babehianta.

Ibarani 12:14

Hangangaa nipari-pari mohintuwu hai ope-ope tauna. Nipari-pari wori bona malelaha tuwomi, lawi tauna au bara malelaha tuwona bara ina moita Pue.

Yakobu 1:17

Ope-ope au maroa hai au bara ara kamakurana tahumba hangko i Pue Ala. Iami au mampopewali ope-ope au mewangka i langi. Ope-ope au mewangka iti, ara katebaliana. Agaiana Pue Ala, bara ara katebaliaNa, hai Iria bara wori ara kamakaindi.

Yakobu 1:5

Ane arakau au bara moisa rara mokadipura tuwomi, agina niperapi kanoto lalu hangko i Pue Ala, hai batena Naweikau. Lawi apa au Nakira, Nakiraiahe ope-ope tauna hangko i kabulana laluNa, barahe Nawei ngkahunda-hunda.

Yakobu 2:13

Lawi hema au bara ara kamaahina i rangana ina rahuku, hai i karahukuna iti, bara ina ara kamaahina Pue Ala iria. Agaiana tauna au ara kamaahina i rangana, Pue Ala ina motudungia kamaahiNa iria i alo pebotusi.

Yakobu 2:4

lempona, mampopontanimokau hangka rangami, hai mampelenggekau tauna moula tunggaiami au kadake.

Yakobu 3:15

Kanoto lalu au nodo, bara hangko i Pue Ala, agaiana hangko i dunia, hangko i peundeana lalunta hai hangko i seta!

Yakobu 4:8

Hangangaa hungkukau i Pue Ala bona Ia wori hungku irikamu. Ane ara dosami, hangangaa nipangaku hai nikabaha. Ane morompenga lalumi, hangangaa nipamalelaha.

1 Peturu 1:22

Ide-ide, malelahamokau anti pampeulaimi paturo au tou, ido hai niisami mampokaahi halalumi hampepepoinalai i katou-touana. Mewali kuweikau lolita bona mombepokaahikau hadua hai hadua hangko i lalumi mpuu.

1 Peturu 2:1

Mewali, halalu, anti kamolambimimi katuwo au wou, hangangaa nikabaha hinangkana babehiami au kadake hai ope-ope lolita au mepakanawo. Ineekau mengka-mengka, ineekau mahina, ineekau mepakadake.

1 Peturu 2:18

Ikamu au hawi tuwomi, nipengkorui hai nibila ampumi. Hai bara peakau mengkoru ane ampumi maroa hai maalusu babehianda, agaiana kehapirihe maseke, hangangaa mengkoru worikau.

1 Yohane 3:18

Anangku, inee peake maahi hai lolitanta. Agaiana hangangaa tapatongawa kamaahinta i lalu babehianta, lawi itimi ahi au tou.

1 Yohane 3:3

Hai ope-ope tauna au moharungahe iti hangko i Kerisitu, ina mopakaraohe hinangka dosa hangko i watanda bona malelaha tuwonda nodo kamalelahana Kerisitu.