Yakobu 3:16 - Sura Malelaha

¹⁶ Lawi ane arahe tauna au mahina hai au mohaoki peahe peundeana lalunda, batena ina ara pobungka-bungka hai mampopengaa babehia au kadake.

Yakobu 3:16 ပူးပေါင်းရင်းမြစ်များ

Markus 3:25

Ane tauna hantina mobungka-bungka liliuhe, bara wori mantaha potina iti.

Suro 19:29

Mewali humalele wanua iti magunego. Hai rame-ramehe tauna bosa lao mohaka Gayu hai Aristarkus. Gayu hai Aristarkus iti iami to Makedonia au mamporangai Paulu i polumaona. Rahakamohe tauna rodua iti hai raantihe lao i sou poteruhua mahile i lalu wanua.

Roma 2:8

Agaiana ara worihe tauna au mampekiri pea watanda. Barahe mau moula peundeana Pue Ala, moula pearihe peundeanda au kadake. Ihira ina molambi karumpuNa hai pehukuna Pue Ala.

1 Korintu 14:33

Lawi moula peundeana Pue Ala, penombaata hangangaa rakadipura maroa, bara naunde Pue ane arahe tauna au mogewo-gewo. Itimi atura au rapeulai i lalu ope-ope jumaa.

1 Korintu 3:3

lawi moula manikau peundeana lalumi au kadake. Mahinakau hai mobungka-bungka manikau, itimi au mopakanoto poulami mani peundeana lalumi au kadake, nodo tauna au bara manihe moisa Pue.

2 Korintu 12:20

Au kupokalanga ane laokau kusondaki kulambikau bara nodo au kupeinao hai hawena irikamu bara nodo au niharunga. Langana ane arakau au mohiho hai mombekahinai, mombekarumpui hadua hai hadua, mengkaiwongko, mombekakabosai, mombepodongkoa, mampemahile, hai au mehawu-hawu

Galatia 5:20

menomba i anitu, mampopobundu kuasa hangko i seta; mokahihi rangana, mobungka-bungka, mohiri, polo rumpu, mengkaiwongko, mosisisala hai mepopogaa-gaa,

Yakobu 3:14

Agaiana ane ara lalumi mahina i rangami hai nipeinao mopaioru watami haduduami, ineekau mampemahile hai inee nipehangu ikamumi tauna au manoto lalumi. Lawi babehia iti mosisala hai paturo au tou.

1 Yohane 3:12

Ineeke mampeulai babehiana Kai. Kai iti napoana Datu Tokadake, alana mopapate adina. Moapari pane ia mopapate adina? Lawi ia kadake babehiana, agaiana adina manoto babehiana.