Yakobu 2:23 - Sura Malelaha

²³ Ido hai tepabukeimi apa au teuki i lalu Sura Malelaha au manguli: “Burahima mepoinalai i Pue Ala, ido hai naimba Pue Ala tauna au manoto.” Mewali, Burahima rauli himadana Pue Ala.

Yakobu 2:23 ပူးပေါင်းရင်းမြစ်များ

Markus 12:10

Bara mani pae nibasa lolita i lalu Sura Malelaha au manguli node: ‘Watu au ratende topoaro sou, watu iti au mewali pohudaa sou.

Markus 15:27

Ara wori rodua tauna au kadake rapaku i kau mombehape hihimbela hai Ia, hadua ntanda i koanaNa hai hadua ntanda i kabeoNa.

Lukasi 4:21

Napepongkami Yesu mopaguruhe, Nauli, “I alo ide, tepabukeimi Ngkorana Pue Ala au hangko nihadi Kubasa inona!”

Suro 1:16

“Halalu-halalu, apa au teuki i lalu Sura Malelaha hangangaa mewali. Hangkoia ara lolitana Inao Malelaha au napahawe Datu Daudi kana i Yudasi au moanti tauna mohaka Yesu.

Roma 11:2

Pue Ala bara motende tauna au Napileimi hangko i nguru-nguruna. Nikatuinao tuntukana nabi Elia au teuki i lalu Sura Malelaha. Elia mosalai to Isaraeli i Pue Ala, nauli,

Roma 9:17

Nikatuinao wori lolitana Pue Ala i Pirao, datunda to Masiri hangkoia, au manguli, “Kupopewaliko datu agaiana hampaka pea tunggaiaKu iami bona hangko i pesapuakamu, Kupatongawa kuasaNgku, alana hangaNgku rapomahile i humalele dunia.”

Galatia 3:22

Agaiana i lalu Sura Malelaha, tepakanoto humalele dunia tetakai hai dosa. Mewali, bara ara rara ntani au mopamanotoke i peitaNa, batena pea pepoinalainta i Yesu Kerisitu. Katuwo maroa au nadandi Pue Ala, batena Nawei i hema pea au mepoinalai i Yesu Kerisitu.

Galatia 3:6

Nodo au teuki i lalu Sura Malelaha kana i Burahima au manguli node, “Burahima mepoinalai i Pue Ala, ido hai naimba Pue Ala manoto i peitaNa.”

2 Timotiu 3:16

Ope-ope au teuki i lalu Sura Malelaha, rauki moula popakanotona Pue Ala melempo i Inao Malelaha, hai mobundu irikita bona: taisa mopahawe paturo au tou, moewa paturo au sala, mopakaroa babehia au kadake, hai mopaguru tauna bona manoto babehianda.

Yakobu 2:24

Mewali taisami, tauna au maroa babehianda naimbahe Pue Ala manoto i peitaNa, agaiana tauna au mepoinalai pea hai bara maroa babehiana bara Naimba manoto i peitaNa.

1 Peturu 2:6

I lalu Sura Malelaha, Datu Topehompo rapandiri nodo haogu watu pohudaa sou. Nauli Pue Ala: “Peita! Kupileimi haogu watu au mahile holona, Kuwoli i Bulu Sion, Kupopewali watu pohudaa sou. Hema-hema au mepoinalai Iria, peharunganda ina tepabukei.”