Yakobu 2:13 - Sura Malelaha

¹³ Lawi hema au bara ara kamaahina i rangana ina rahuku, hai i karahukuna iti, bara ina ara kamaahina Pue Ala iria. Agaiana tauna au ara kamaahina i rangana, Pue Ala ina motudungia kamaahiNa iria i alo pebotusi.

Yakobu 2:13 ပူးပေါင်းရင်းမြစ်များ

Matiu 5:7

Morasihe tauna au mampokaahi hangka ranganda, lawi Pue Ala ina mampokaahihe.

Matiu 6:15

Agaiana ane barakau moampungi rangami au masala irikamu, Umami au i suruga bara wori ina moampungikau hangko i kamasalami.”

Lukasi 16:25

Nahanai Burahima: ‘Anangku, nukatuinao tuwomu i dunia: i tempo iti, molambimoko ope-ope au maroa, agaiana Lasaru molambi pea kapari. Ide-ide, tepalindomi Lasaru inde, agaiana oio hangangaa molambi kapari.

Lukasi 6:37

“Ineekau mosalai hangka rangami dati worikau nasalai Pue Ala. Inee niuli tauna ntanina au masala hangangaa rahuku, hai ikamu bara worikau ina nahuku Pue Ala. Niampungi kamasalana rangami, bona naampungi worikau Pue Ala.

Yakobu 3:17

Agaiana tauna au molambihe kanoto lalu hangko i Pue Ala, node babehianda: malelaha lalunda, raunde mohintuwu hai ranganda, maalusu poantinda, matunduhe hai motulungi peamohe tauna. Maroa babehianda, barahe mampopontani tauna hai poantinda moula kabulana lalunda.

Yakobu 5:4

Ikamu barakau mobaiari saronda tauna au mobagohe i bondemi. Ide-ide nipehadingi peraroanda! Tauna au meparehe i bondemi, meraroahe merapi tulungi hai peraroanda napehadingimi Pue Ala au makuasa.