Yakobu 1:24 - Sura Malelaha

²⁴ Karoona mampeita lenggena, padu hai barapi nakatuinao ba noumba lenggena.

Yakobu 1:24 ပူးပေါင်းရင်းမြစ်များ

Matiu 8:27

Tingkara mpuuhe topeguruNa, rauli, “Hemari tauna ide! Mogalo himburu hai balumba moula hawaNa!”

Lukasi 1:66

Bambari au tehawuka iti, rapailalu ope-ope tauna au mampehadingi. Ido hai rauli, “Apa au ina nababehi anangkoi iti?” lawi tongawami kuasana Pue Ala ara iria.

Lukasi 7:39

Kanaitana Simo apa au nababehi towawine iti, nauli laluna, “Ane tauna ide tou-tou mpuu hadua nabi, hangangaa Naisa kahemana towawine au motobo, hai hangangaa Naisa wori kadana maroa babehiana.”

1 Tesalonika 1:5

Kiisa iti, lawi i tempoki mopahawe Ngkora Marasa irikamu bara pea lolitangki haduduangki, agaiana Inao Malelaha au moweingkai kuasa mololita. Hai kipoinalai mpuu katouna Ngkora Marasa iti. Niisa noumba babehiangki i tempoki mani hihimbela hai ikamu. Babehiangki mopakanoto irikamu katouna bambari au kianti.

Yakobu 1:23

Tauna au mampehadingi Ngkorana Pue hai bara napeulai, peisa rapandiri nodo hadua tauna au mampewao.

Yakobu 1:25

Ido hai hangangaa nipailalu maroa Ngkorana Pue Ala hai nipeulai liliu. Lawi Ngkorana Pue bara ara kamakurana, hai ara kuasana mokabahake hangko i dosa. Mewali, inee nipehadingi pea Ngkora iti hai naliu inaomi. Hangangaa nipeulai Ngkora iti, lawi ope-ope tauna au mobabehi nodo, batena nawatihe Pue Ala i apa pea au rapobago.

2 Peturu 3:11

Mewali, halalu, ane nodo kamagerona hinangkana au ara, noumbamoke ikita ide? Hangangaa tapamalelaha babehianta hai mengkoruke i Pue Ala.