Yakobu 1:14 - Sura Malelaha

¹⁴ Agaiana ope-ope tauna tekelo i temponda nadii peundeana lalunda au kadake.

Yakobu 1:14 ပူးပေါင်းရင်းမြစ်များ

Matiu 15:18

Agaiana lolitanta au kedai au hangko i lalunta hai mesuwu i humenta, itimi au mopakedaike i peitana Pue Ala.

Matiu 15:20

Babehia au nodo iti au mopakedaike i peitana Pue Ala. Ane maande hai bara hampai memando, bara iti au mopakedaike i peitana Pue Ala.”

Matiu 4:1

Roo indo, Yesu naanti Inaona Pue Ala lao i pada wungi bona nakelo Datu Tokadake.

Matiu 5:28

Agaiana ide-ide Kuuliangaakau, hema au mototoki hadua towawine hai napokaelu, mebualosimi i laluna.

Roma 7:11

Agaiana i pohadingku Aturana Musa, tepakami dosa mokale i lalungku. Mewali anti atura iti, napakanawona dosa, alana hintotona rahuku mate hai ragaakina hangko i Pue Ala.

Roma 7:13

Ba Aturana Musa au maroa iti au mogaakina hangko i Pue Ala? Bara. Agaiana Aturana Musa iti mewali rara au mogaakina hangko i Pue Ala anti dosangku. Hangko i atura au maroa iti, tongawami kamadosangku, hai manoto worimi kakadakengku.

Epesu 4:22

hangangaa nitendemi babehiami au hangkoia hangko damanikau mepoinalai i Pue. Ope-ope peundeana lalumi au nipeulai i tempo iti mopakanawokau hai mopakarugi katuwomi.

Ibarani 3:13

Agina mombepakaroho mpolalukau alo-alona, datikau ara au rapakanawo duuna matua lalumi. Mombepakaroho mpolalukau liami mani tuwo i tempo au rahanga “alo ide,” lempona ara mani katepakami.

Yakobu 1:13

Ane arake au rakelo bona mobabehi dake, inee tapehangu pekelo iti hangko i Pue Ala. Lawi Pue Ala bara peisa rakelo bona mobabehi dake, hai Ia bara wori mokelo tauna.

Yakobu 1:15

Ane mampeulaike peundeana lalunta, batena mobabehike dake. Hai ane iti au tababehi liliu, kahopoana ina naantike i kapate.