Suro 9:39 - Sura Malelaha

³⁹ Mewali, meangka mpuumi Peturu lao hihimbela hai ihira. Kahawenda i Yope, liliu raanti lao i karapowataana Dorkas. Ope-ope tobemba au towawine meangkahe motoleliki Peturu. Moteriamohe hai ratudungiami Peturu badu hai hampi au nadauahe Dorkas i tempona mani tuwo.

Suro 9:39 ပူးပေါင်းရင်းမြစ်များ

Matiu 17:17

Nauli Yesu i tauna bosa hai i topeguruNa, “Noumbarikau dide? Moapari pane bara mani maroho pepoinalaimi? Nisapuaka mani peundeana Pue Ala! Hangkia maniri kamahaena ina hihimbelaNa hai ikamu? Hangkia maniri kamahaena hangangaa Kusabarai peewami? Anti mai anangkoi iti!”

Matiu 26:11

Ane tauna au meahi-ahi, ara mani katepakami motulungihe lawi ara mpaliliuhe irikamu. Agaiana Iko, baraNa ara liliu irikamu.

Markus 14:8

Towawine iti mobabehimi apa au peisa nababehi. NabumbuhiaNa lana mawongi bona mopasilolonga amimi wataNgku i karatawuNgku.

Lukasi 24:44

Roo indo, mololitami Yesu irihira, Nauli, “Ope-ope au teuki i lalu Sura Aturana Musa, suranda nabi hai i sura Petoia kana i wataNgku hangangaa tepabukei. Ide lolitaNgku au Kupahaweamokau i tempoKu mani hihimbela hai ikamu.”

Yohane 12:8

Ane i tauna au meahi-ahi, ara mani katepakami motulungihe. Agaiana Iko, ina barapi ara katepakami motulungiNa, lawi barapoNa mahae hihimbela hai ikamu.”

Yohane 17:12

TempoKu mani hihimbela hai ihira, Iko au mokampaihe hai kuasana hangaMu au NuweimoNa. Kukampaihe datihe ara au matanta. Batena pea hadua au matanta, iami au ina molambi rugi bona tepabukei apa au teuki i lalu Sura Malelaha.

Suro 1:13

Kahawenda i Yerusale, liliuhe lao i sou paidaanda, mengkahehe i lincu au i wongko. Suronahe Pue Yesu iti iami: Peturu, Yohane, Yakobu hai Andaria; Pilipu hai Tomas; Bartolomeus hai Matiu; Yakobu anana Alfeus, Simo to Selot hai Yudasi anana Yakobu.

Suro 20:35

I paka-pakana, kupopaitaamokau noumbake hangangaa mobago bona motulungike ranganta au bara rabuku. Nikatuinao liliu lolitana Pue Yesu au manguli, ‘Morasimi tauna au mokira pane tauna au modoko.’ ”

Suro 6:1

Kamahae-haea katetetambaiami tauna au meula i Yesu. I tempo iti, ope-ope tauna au mepoinalai i Yesu, to Yahudi peahe, agaiana hanggaahe mobasa Yunani, hai hanggaa worihe mobasa Yahudi. Au mobasa Yunani, mohume-humehe mosalai ranganda au mobasa Yahudi, rauli, “Tobemba towawine au ara irikami barahe molambi kiranda hangko i apa au rakira-kira alo-alona i topeahi-ahi.”

Suro 8:2

Bahangkia tauna au mengkoru i Pue Ala mangala watana Setepanu. Anti kawioranda, rateriahi hai ratawu.

Suro 9:41

Nakingkimi Peturu taiena hai napopeangka. Roo indo, nakakio hulemohe ope-ope tauna au mepoinalai i Yesu hai tobemba iti, nauliangaahe, “Idemi halalumi, ia tuwo hulemi.”

2 Korintu 8:12

Lawi ane mampeinaoke motulungi ranganta hai mokirake popenombata moula apa au ara irikita, popenombata iti nadoko Pue Ala. Bara Naperapi irikita apa au meliu hangko i pesauruanta.

Epesu 4:28

Tauna au manangka, ineemohe manangka. Aginda mobago bona molambihe apa au raparaluu hai bona peisa worihe motulungi ranganda au mapari.

1 Tesalonika 1:3

Ane mekakaengkai i Pue Ala Umanta, kikatuinao liliu pobagomi anti pepoinalaimi, kikatuinao petulungimi i rangami anti kamaahimi, hai kikatuinao kamantahami i lalu kapari anti peharungami i Amputa Yesu Kerisitu.

1 Tesalonika 4:13

Halalu, tunggaiana lalungki bona moisa mpuukau apa au ina mewali i ranganta au matehe dati masusa ntepuu lalumi nodohe tauna au bara ara peharunganda i Pue Ala.

1 Timotiu 5:3

Ane arahe towawine au bemba, au meahi-ahi mpuu tuwonda, hangangaa tabila hai takadipura wohiraia.

1 Timotiu 5:5

Tobemba au tou-tou mpuu meahi-ahi tuwona, iami tobemba au tuwo sadudua pearai, bara ara au mokadipura. Batena pearai meharunga hai mekakae liliu i Pue Ala.

1 Yohane 3:18

Anangku, inee peake maahi hai lolitanta. Agaiana hangangaa tapatongawa kamaahinta i lalu babehianta, lawi itimi ahi au tou.